Draumaleikmaður og töffari Óskar Ófeigur Jónsson skrifar 22. febrúar 2013 07:00 32,9 stig og 7,4 stoðsendingar í leik Damier Pitts hefur spilað frábærlega með KFÍ-liðinu í vetur. Hér er hann í leik á móti Snæfelli. mynd/Halldór Sveinbjörnsson Pétur Már Sigurðsson, þjálfari KFÍ í Dominos-deild karla í körfubolta, vann í kanahappadrættinu í nóvember þegar hann samdi við Damier Pitts. Damier er búinn að brjóta 30 stiga múrinn í níu leikjum KFÍ í röð. Þegar menn líta yfir tölfræðina hjá KFÍ-manninum Damier Pitts velta örugglega margir fyrir sér hvernig Ísfirðingum tókst að krækja í þennan frábæra körfuboltamann. Damier Pitts er 23 ára gamall og á sínu fyrsta ári í atvinnumennsku eftir að hafa spilað með Marshall-háskólanum í bandaríska háskólaboltanum fjögur ár þar á undan. Pitts er nú stigahæstur í deildinni og í 3. sæti í stoðsendingum. Hann er allt í öllu í leik KFÍ-liðsins og það er margt í gangi inni á vellinum sem fer ekki í gegnum hann. KFÍ tapaði fyrstu fimm leikjunum með hann innanborðs en hefur nú unnið þrjá af síðustu fimm leikjum sínum og annað tapanna kom á dramatískan hátt í framlengingu. „Hann minnir svolítið á mig þegar ég var að spila," sagði Pétur Már Sigurðsson í léttum tón þegar undirritaður spurði hann út í Damier Pitts, bandarískan leikstjórnanda liðsins sem hefur farið á kostum með KFÍ síðan að hann kom til Ísafjarðar í nóvember.Draumaleikmaður í þessa stöðu Pétur Már getur samt ekki frekar en aðrir á Ísafirði leynt aðdáun sinni á þessum frábæra leikmanni sem hefur skorað yfir 30 stig í níu leikjum í röð. „Hann er rosalega góður. Það er góð ára í kringum hann og hann er mikill leiðtogi innan sem utan vallar. Þetta er klárlega algjör draumaleikmaður í þessa stöðu," segir Pétur Már. Pitts hefur góða afsökun fyrir því að skora ekki 30 stig í fyrsta leiknum. „Hann skoraði reyndar bara 17 stig í fyrsta leiknum sínum en þá lenti hann bara um morguninn," sagði Pétur en síðan þá hefur kappinn skorað minnst 30 stig í leik og þá gaf hann líka 11 stoðsendingar í sigurleik á móti Skallagrími. En hvernig verða menn svona heppnir í kanahappadrættinu? „Ég er með góð sambönd. Hann spennti bogann mjög hátt og það gekk ekki upp. Við létum erlenda leikmanninn okkar fara í byrjun nóvember og þá var hann á lausu. Ég var þá að skoða nokkra leikmenn en leyst mjög vel á hann því hann var einmitt týpan sem ég var að leita að," sagði Pétur Már sem er samt alveg tilbúinn að taka ábyrgð á slæmri byrjun í vetur.Gerði fyrst mistök „Ég sem þjálfari gerði mistök í útlendingavali og þurfti að súpa seyðið af því. Þá komst þetta seint og illa af stað en það virðist vera mikill stígandi í liðinu og menn eru jákvæðir yfir öllu sem er að gerast núna. Við erum mjög grimmir að komast í úrslitakeppnina og það er það eina sem kemst núna að hjá okkur," segir Pétur og Pitts á mikinn þátt í því. „Ég veit ekki hvort það komi honum á óvart að hann small inn í leikkerfið hjá mér. Við erum að hlaupa eitthvað sem hentar honum vel og ég leyfi honum að hafa ákveðið frjálsræði. Hann finnur líka leikmennina í kringum sig og stjórnar leiknum vel. Við erum í góðu sambandi og þetta er eðaldrengur," segir Pétur Már sem sparar ekki hrósið á sinn mann. „Hann er algjör töffari og það skín af honum sjálfstraustið. Það hefur áhrif enda er hann mikill sigurvegari. Á æfingum verður mönnum oft heitt í hamsi því menn eru grimmir í að vinna leiki á æfingum. Það hefur komið með hans tilvist í liðinu," segir Pétur Már. „Hann er ótrúlega jákvæður og alltaf tilbúinn að koma að dæma eða hjálpa til. Hann er orkubolti sem er eiginlega alltaf brosandi. Þetta er alveg eðalsending," segir Pétur Már að lokum. Bara búinn að sjá sólina tvisvar sinnumDamier Pitts viðurkennir það að það hafi verið klúður hjá umboðsmanni sínum sem varð til þess að hann endaði á Ísafirði en hann sé jafnframt staðráðinn í að gera það besta úr þessari stöðu. „Það er mjög gott og afslappað að vera hér á Ísafirði. Ég er frá stórri borg í Bandaríkjunum þannig að það er mjög öðruvísi fyrir mig að búa í svona litlum bæ,“ segir Damier Pitts. „Mér líður vel á Ísó, það eru allir almennilegir og ég nýt lífsins hérna. Ég er búinn að vera að spila vel og hugsa bara um að gefa allt mitt í hvern einasta leik og gera það sem ég þarf að gera fyrir liðið. Markmið okkar er að komast upp í sjöunda eða áttunda sætið og við ætlum að gera allt sem við getum til þess að komast í úrslitakeppnina,“ segir Damier. „Myrkrið er svo sem ekkert að angra mig en ég hef líklega bara séð sólina tvisvar sinnum síðan ég kom til Ísafjarðar. Það er skrýtið en ég fæ að sjá sólina þegar ég kem til Reykjavíkur. Við keyrum líka í alla leiki og fljúgum aldrei. Þetta eru hátt í sex tíma ferðir og það er mikil breyting fyrir mig.“ Dominos-deild karla Mest lesið Bein útsending: Bakgarðshlaupið í Öskjuhlíð Sport Annað dauðsfall í CrossFit keppni Sport Yngsti markaskorari efstu deildar: „Langaði í annað“ Íslenski boltinn „Persónulega fannst mér þær byrja að fagna of snemma“ Körfubolti Hæstánægður með að Dýrlingarnir séu ekki lélegasta lið sögunnar Enski boltinn „Við verðum bara að horfast í augu við sannleikann“ Sport Uppgjörið: Valur - ÍA 6-1 | Valsmenn tóku pirringinn út á Skagamönnum Íslenski boltinn Meistararnir á lífi eftir stórsigur í New York Körfubolti Kristian Nökkvi skoraði og lagði upp Fótbolti Bakgarður 101: „Ætla að níðast á þessum líkama og sjá hvað hann getur“ Sport Fleiri fréttir Meistararnir á lífi eftir stórsigur í New York „Persónulega fannst mér þær byrja að fagna of snemma“ Uppgjörið: Njarðvík - Haukar 94-78 | Njarðvíkingar settu í fimmta gír í seinni „Mikilvægt að okkar uppöldu KR-ingar spili með félaginu“ Hamarsmenn tryggðu sér oddaleik Hristi af sér meiðsli á „ódauðlega“ ökklanum og fagnaði sigri Stóð við stóru orðin og fór í átta klukkutíma göngutúr heim til sín Miðasala á Dúllubar í dag og VIP-miðar á 15.000 krónur „Helmingurinn af liðinu var veikur“ Ægir Þór: Við vorum heilt yfir miklu betri Uppgjör: Tindastóll-Stjarnan 93-90 | Stólarnir með ótrúlega endurkomu í blálokin Deandre Kane áfram með Grindvíkingum Martin flottur þegar Alba Berlín tryggði sig inn í úrslitakeppnina „Myndi frekar vilja hafa þetta svona heldur en þar sem öllum er drullusama“ Ísböð komu í veg fyrir að Haukar yrðu meistarar Önnur endurkoma hjá Knicks og OKC hamfletti Nuggets Reynsluboltinn verður nýliði í Síkinu í kvöld Einar Árni: Ætlum að koma hingað aftur Krista Gló: Ætluðum að vinna Uppgjörið: Haukar - Njarðvík 93-95| Njarðvíkingar eru enn á lífi Félag Martins segir skilið við EuroLeague og fer í arma FIBA Þjálfari Úlfanna skammaði stórstjörnu liðsins: „Þú verður að gefa tóninn“ Curry niðurbrotinn í sigri og mögnuð endurkoma Pacers Mætti á blaðamannafund með börn látins bróður síns Öll sextíu sigra liðin 0-1 undir í sínum einvígum Goðsagnirnar Duncan og Ginobili pössuðu upp á Popovich Ármenningar einum sigri frá sæti í Bónus deildinni Önnur sigurkarfa Gordons í úrslitakeppninni „Ofboðslega meðvitaður um að ég eigi ekki marga svona leiki eftir“ „Er þetta ljótasti maður sem þú hefur kysst?“ Sjá meira
Pétur Már Sigurðsson, þjálfari KFÍ í Dominos-deild karla í körfubolta, vann í kanahappadrættinu í nóvember þegar hann samdi við Damier Pitts. Damier er búinn að brjóta 30 stiga múrinn í níu leikjum KFÍ í röð. Þegar menn líta yfir tölfræðina hjá KFÍ-manninum Damier Pitts velta örugglega margir fyrir sér hvernig Ísfirðingum tókst að krækja í þennan frábæra körfuboltamann. Damier Pitts er 23 ára gamall og á sínu fyrsta ári í atvinnumennsku eftir að hafa spilað með Marshall-háskólanum í bandaríska háskólaboltanum fjögur ár þar á undan. Pitts er nú stigahæstur í deildinni og í 3. sæti í stoðsendingum. Hann er allt í öllu í leik KFÍ-liðsins og það er margt í gangi inni á vellinum sem fer ekki í gegnum hann. KFÍ tapaði fyrstu fimm leikjunum með hann innanborðs en hefur nú unnið þrjá af síðustu fimm leikjum sínum og annað tapanna kom á dramatískan hátt í framlengingu. „Hann minnir svolítið á mig þegar ég var að spila," sagði Pétur Már Sigurðsson í léttum tón þegar undirritaður spurði hann út í Damier Pitts, bandarískan leikstjórnanda liðsins sem hefur farið á kostum með KFÍ síðan að hann kom til Ísafjarðar í nóvember.Draumaleikmaður í þessa stöðu Pétur Már getur samt ekki frekar en aðrir á Ísafirði leynt aðdáun sinni á þessum frábæra leikmanni sem hefur skorað yfir 30 stig í níu leikjum í röð. „Hann er rosalega góður. Það er góð ára í kringum hann og hann er mikill leiðtogi innan sem utan vallar. Þetta er klárlega algjör draumaleikmaður í þessa stöðu," segir Pétur Már. Pitts hefur góða afsökun fyrir því að skora ekki 30 stig í fyrsta leiknum. „Hann skoraði reyndar bara 17 stig í fyrsta leiknum sínum en þá lenti hann bara um morguninn," sagði Pétur en síðan þá hefur kappinn skorað minnst 30 stig í leik og þá gaf hann líka 11 stoðsendingar í sigurleik á móti Skallagrími. En hvernig verða menn svona heppnir í kanahappadrættinu? „Ég er með góð sambönd. Hann spennti bogann mjög hátt og það gekk ekki upp. Við létum erlenda leikmanninn okkar fara í byrjun nóvember og þá var hann á lausu. Ég var þá að skoða nokkra leikmenn en leyst mjög vel á hann því hann var einmitt týpan sem ég var að leita að," sagði Pétur Már sem er samt alveg tilbúinn að taka ábyrgð á slæmri byrjun í vetur.Gerði fyrst mistök „Ég sem þjálfari gerði mistök í útlendingavali og þurfti að súpa seyðið af því. Þá komst þetta seint og illa af stað en það virðist vera mikill stígandi í liðinu og menn eru jákvæðir yfir öllu sem er að gerast núna. Við erum mjög grimmir að komast í úrslitakeppnina og það er það eina sem kemst núna að hjá okkur," segir Pétur og Pitts á mikinn þátt í því. „Ég veit ekki hvort það komi honum á óvart að hann small inn í leikkerfið hjá mér. Við erum að hlaupa eitthvað sem hentar honum vel og ég leyfi honum að hafa ákveðið frjálsræði. Hann finnur líka leikmennina í kringum sig og stjórnar leiknum vel. Við erum í góðu sambandi og þetta er eðaldrengur," segir Pétur Már sem sparar ekki hrósið á sinn mann. „Hann er algjör töffari og það skín af honum sjálfstraustið. Það hefur áhrif enda er hann mikill sigurvegari. Á æfingum verður mönnum oft heitt í hamsi því menn eru grimmir í að vinna leiki á æfingum. Það hefur komið með hans tilvist í liðinu," segir Pétur Már. „Hann er ótrúlega jákvæður og alltaf tilbúinn að koma að dæma eða hjálpa til. Hann er orkubolti sem er eiginlega alltaf brosandi. Þetta er alveg eðalsending," segir Pétur Már að lokum. Bara búinn að sjá sólina tvisvar sinnumDamier Pitts viðurkennir það að það hafi verið klúður hjá umboðsmanni sínum sem varð til þess að hann endaði á Ísafirði en hann sé jafnframt staðráðinn í að gera það besta úr þessari stöðu. „Það er mjög gott og afslappað að vera hér á Ísafirði. Ég er frá stórri borg í Bandaríkjunum þannig að það er mjög öðruvísi fyrir mig að búa í svona litlum bæ,“ segir Damier Pitts. „Mér líður vel á Ísó, það eru allir almennilegir og ég nýt lífsins hérna. Ég er búinn að vera að spila vel og hugsa bara um að gefa allt mitt í hvern einasta leik og gera það sem ég þarf að gera fyrir liðið. Markmið okkar er að komast upp í sjöunda eða áttunda sætið og við ætlum að gera allt sem við getum til þess að komast í úrslitakeppnina,“ segir Damier. „Myrkrið er svo sem ekkert að angra mig en ég hef líklega bara séð sólina tvisvar sinnum síðan ég kom til Ísafjarðar. Það er skrýtið en ég fæ að sjá sólina þegar ég kem til Reykjavíkur. Við keyrum líka í alla leiki og fljúgum aldrei. Þetta eru hátt í sex tíma ferðir og það er mikil breyting fyrir mig.“
Dominos-deild karla Mest lesið Bein útsending: Bakgarðshlaupið í Öskjuhlíð Sport Annað dauðsfall í CrossFit keppni Sport Yngsti markaskorari efstu deildar: „Langaði í annað“ Íslenski boltinn „Persónulega fannst mér þær byrja að fagna of snemma“ Körfubolti Hæstánægður með að Dýrlingarnir séu ekki lélegasta lið sögunnar Enski boltinn „Við verðum bara að horfast í augu við sannleikann“ Sport Uppgjörið: Valur - ÍA 6-1 | Valsmenn tóku pirringinn út á Skagamönnum Íslenski boltinn Meistararnir á lífi eftir stórsigur í New York Körfubolti Kristian Nökkvi skoraði og lagði upp Fótbolti Bakgarður 101: „Ætla að níðast á þessum líkama og sjá hvað hann getur“ Sport Fleiri fréttir Meistararnir á lífi eftir stórsigur í New York „Persónulega fannst mér þær byrja að fagna of snemma“ Uppgjörið: Njarðvík - Haukar 94-78 | Njarðvíkingar settu í fimmta gír í seinni „Mikilvægt að okkar uppöldu KR-ingar spili með félaginu“ Hamarsmenn tryggðu sér oddaleik Hristi af sér meiðsli á „ódauðlega“ ökklanum og fagnaði sigri Stóð við stóru orðin og fór í átta klukkutíma göngutúr heim til sín Miðasala á Dúllubar í dag og VIP-miðar á 15.000 krónur „Helmingurinn af liðinu var veikur“ Ægir Þór: Við vorum heilt yfir miklu betri Uppgjör: Tindastóll-Stjarnan 93-90 | Stólarnir með ótrúlega endurkomu í blálokin Deandre Kane áfram með Grindvíkingum Martin flottur þegar Alba Berlín tryggði sig inn í úrslitakeppnina „Myndi frekar vilja hafa þetta svona heldur en þar sem öllum er drullusama“ Ísböð komu í veg fyrir að Haukar yrðu meistarar Önnur endurkoma hjá Knicks og OKC hamfletti Nuggets Reynsluboltinn verður nýliði í Síkinu í kvöld Einar Árni: Ætlum að koma hingað aftur Krista Gló: Ætluðum að vinna Uppgjörið: Haukar - Njarðvík 93-95| Njarðvíkingar eru enn á lífi Félag Martins segir skilið við EuroLeague og fer í arma FIBA Þjálfari Úlfanna skammaði stórstjörnu liðsins: „Þú verður að gefa tóninn“ Curry niðurbrotinn í sigri og mögnuð endurkoma Pacers Mætti á blaðamannafund með börn látins bróður síns Öll sextíu sigra liðin 0-1 undir í sínum einvígum Goðsagnirnar Duncan og Ginobili pössuðu upp á Popovich Ármenningar einum sigri frá sæti í Bónus deildinni Önnur sigurkarfa Gordons í úrslitakeppninni „Ofboðslega meðvitaður um að ég eigi ekki marga svona leiki eftir“ „Er þetta ljótasti maður sem þú hefur kysst?“ Sjá meira