Búinn að hugsa um 80 metrana síðan ég var 14 ára gamall Kolbeinn Tumi Daðason skrifar 31. júlí 2013 06:00 Guðmundur í eldlínunni norðan heiða um helgina. Hann ætlar á EM í Sviss næsta sumar og hefur þegar náð lágmarkinu. Mynd/Benedikt H. Sigurgeirsson „Æfingarnar höfðu gengið vel og sjálfstraustið var alveg í botni eftir gott gengi,“ segir Guðmundur Sverrisson, 23 ára spjótkastari hjá ÍR. Guðmundur kastaði í fyrsta skipti yfir áttatíu metrana á Meistaramóti Íslands á Akureyri um helgina. Spjótið flaug 80,66 metra en enginn Íslendingur hafði kastað svo langt í um tvo áratugi. „Ég er búinn að hugsa um 80 metrana síðan ég byrjaði í frjálsum 14 ára gamall,“ segir Guðmundur sem skottaðist með félaga sínum á æfingu hjá ÍR í Breiðholtinu. Hann hafði ekki æft neinar íþróttir þegar þar var komið sögu en tók ástfóstri við spjótið. „Þetta hefur verið stóra markmiðið síðan ég var lítill og nú datt það inn. Það er mjög súrrealískt,“ segir Guðmundur um metrana áttatíu.Einar er góður sálfræðingur Guðmundur tryggði sér Íslandsmeistaratitilinn þriðja árið í röð um helgina en bæting hans undanfarin tvö ár hefur verið með ólíkindum. Sumarið 2011 sigraði Guðmundur með kasti upp á 65,48 metra og í fyrra var sigurkastið 72,11 metrar. Guðmundur segist hafa bætt sig tíu sinnum á síðasta ári og fimm sinnum í ár. Aðspurður um hvað valdi nefnir hann þjálfara sinn og Íslandsmethafann, Einar Vilhjálmsson, til sögunnar. „Hann á jafnmikið í þessum árangri og ég,“ segir Guðmundur sem hefur æft undir leiðsögn Einars í rúmlega tvö ár. Einar var í þjálfarateyminu norðan heiða um helgina og Guðmundur segir hafa skipt miklu að Einar var á svæðinu. „Hann veit allt. Svo er hann líka svo góður sálfræðingur. Veit alveg hvað hann á að segja til að koma í gang ef eitthvað gengur illa. Það er líklega hans besti styrkur. Hann er mjög góður að meðhöndla alls konar tiktúrur hjá íþróttamönnum.“Nemur jarðfræði Guðmundur nemur jarðfræði í Háskóla Íslands en stóran hluta ævinnar hefur hann varið í sveit. Hann varði flestum sumrum í Skorradal í æsku og fór auk þess í sauðburð til Alla og Dúnu á Húsatóftum á Skeiðum. „Áhuginn á jarðfræðinni kviknaði líklega á labbi um fjöll og firnindi,“ segir Guðmundur sem ætlar sér stóra hluti í spjótkastinu. Hann er nú þriðji kastlengsti spjótkastari Íslandssögunnar á eftir Einari og Sigurði Einarssyni. „Siggi Matt (Matthíasson) hringdi í mig laugardaginn og sagði: „Er þetta númer þrjú?“ segir Guðmundur sem er kærkominn viðbót í áttatíu metra klúbbinn sem hefur nú fjóra meðlimi.Ætlar til Ríó 2016 Guðmundur nefnir þolinmæði til sögunnar þegar hann er beðinn um að lýsa kostum sínum. „Ef þú ætlar að ná langt í einhverju þarftu að plana, halda þig við það og vera þolinmóður. Hlutirnir ganga ekki alltaf,“ segir Guðmundur. Meiðsli eru afar tíð hjá spjótkösturum og hefur ÍR-ingurinn fengið sinn skerf. „Ég hef verið slæmur í olnboganum síðan 2007. Ég fór í uppskurð árið 2007 en hef aldrei orðið góður,“ segir Guðmundur. Hann sættir sig við að olnboginn muni angra hann en bætir þó við að hann hafi verið minna til trafala undanfarið. Hann horfir björtum augum fram á veginn og bendir á að kastið sitt hefði dugað honum til þátttöku í Ólympíuleikunum í London síðastliðið sumar. Hugurinn leitar á stærsta íþróttavettvang heimsins. „Maður verður alltaf að láta sig dreyma. En svo þarf maður að setja sér markmið og standa við þau. Það er klárlega markmið að fara á Ólympíuleikana í Ríó 2016,“ segir Guðmundur. Markmiðið er svo sannarlega raunhæft enda ÍR-ingurinn ungur á mælikvarða kastara í frjálsum íþróttum. „Tölfræðin segir að eftir því sem þú nálgast þrítugsaldurinn verðir þú betri.“ Frjálsar íþróttir Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Guðmundur miður sín eftir stórtap: „Eitt það versta sem ég hef upplifað lengi“ Handbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti Sjáðu ótrúlega vörslu Raya og öll mörkin úr Meistaradeildinni Fótbolti Fleiri fréttir Guðmundur miður sín eftir stórtap: „Eitt það versta sem ég hef upplifað lengi“ Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Sjá meira
„Æfingarnar höfðu gengið vel og sjálfstraustið var alveg í botni eftir gott gengi,“ segir Guðmundur Sverrisson, 23 ára spjótkastari hjá ÍR. Guðmundur kastaði í fyrsta skipti yfir áttatíu metrana á Meistaramóti Íslands á Akureyri um helgina. Spjótið flaug 80,66 metra en enginn Íslendingur hafði kastað svo langt í um tvo áratugi. „Ég er búinn að hugsa um 80 metrana síðan ég byrjaði í frjálsum 14 ára gamall,“ segir Guðmundur sem skottaðist með félaga sínum á æfingu hjá ÍR í Breiðholtinu. Hann hafði ekki æft neinar íþróttir þegar þar var komið sögu en tók ástfóstri við spjótið. „Þetta hefur verið stóra markmiðið síðan ég var lítill og nú datt það inn. Það er mjög súrrealískt,“ segir Guðmundur um metrana áttatíu.Einar er góður sálfræðingur Guðmundur tryggði sér Íslandsmeistaratitilinn þriðja árið í röð um helgina en bæting hans undanfarin tvö ár hefur verið með ólíkindum. Sumarið 2011 sigraði Guðmundur með kasti upp á 65,48 metra og í fyrra var sigurkastið 72,11 metrar. Guðmundur segist hafa bætt sig tíu sinnum á síðasta ári og fimm sinnum í ár. Aðspurður um hvað valdi nefnir hann þjálfara sinn og Íslandsmethafann, Einar Vilhjálmsson, til sögunnar. „Hann á jafnmikið í þessum árangri og ég,“ segir Guðmundur sem hefur æft undir leiðsögn Einars í rúmlega tvö ár. Einar var í þjálfarateyminu norðan heiða um helgina og Guðmundur segir hafa skipt miklu að Einar var á svæðinu. „Hann veit allt. Svo er hann líka svo góður sálfræðingur. Veit alveg hvað hann á að segja til að koma í gang ef eitthvað gengur illa. Það er líklega hans besti styrkur. Hann er mjög góður að meðhöndla alls konar tiktúrur hjá íþróttamönnum.“Nemur jarðfræði Guðmundur nemur jarðfræði í Háskóla Íslands en stóran hluta ævinnar hefur hann varið í sveit. Hann varði flestum sumrum í Skorradal í æsku og fór auk þess í sauðburð til Alla og Dúnu á Húsatóftum á Skeiðum. „Áhuginn á jarðfræðinni kviknaði líklega á labbi um fjöll og firnindi,“ segir Guðmundur sem ætlar sér stóra hluti í spjótkastinu. Hann er nú þriðji kastlengsti spjótkastari Íslandssögunnar á eftir Einari og Sigurði Einarssyni. „Siggi Matt (Matthíasson) hringdi í mig laugardaginn og sagði: „Er þetta númer þrjú?“ segir Guðmundur sem er kærkominn viðbót í áttatíu metra klúbbinn sem hefur nú fjóra meðlimi.Ætlar til Ríó 2016 Guðmundur nefnir þolinmæði til sögunnar þegar hann er beðinn um að lýsa kostum sínum. „Ef þú ætlar að ná langt í einhverju þarftu að plana, halda þig við það og vera þolinmóður. Hlutirnir ganga ekki alltaf,“ segir Guðmundur. Meiðsli eru afar tíð hjá spjótkösturum og hefur ÍR-ingurinn fengið sinn skerf. „Ég hef verið slæmur í olnboganum síðan 2007. Ég fór í uppskurð árið 2007 en hef aldrei orðið góður,“ segir Guðmundur. Hann sættir sig við að olnboginn muni angra hann en bætir þó við að hann hafi verið minna til trafala undanfarið. Hann horfir björtum augum fram á veginn og bendir á að kastið sitt hefði dugað honum til þátttöku í Ólympíuleikunum í London síðastliðið sumar. Hugurinn leitar á stærsta íþróttavettvang heimsins. „Maður verður alltaf að láta sig dreyma. En svo þarf maður að setja sér markmið og standa við þau. Það er klárlega markmið að fara á Ólympíuleikana í Ríó 2016,“ segir Guðmundur. Markmiðið er svo sannarlega raunhæft enda ÍR-ingurinn ungur á mælikvarða kastara í frjálsum íþróttum. „Tölfræðin segir að eftir því sem þú nálgast þrítugsaldurinn verðir þú betri.“
Frjálsar íþróttir Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Guðmundur miður sín eftir stórtap: „Eitt það versta sem ég hef upplifað lengi“ Handbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti Sjáðu ótrúlega vörslu Raya og öll mörkin úr Meistaradeildinni Fótbolti Fleiri fréttir Guðmundur miður sín eftir stórtap: „Eitt það versta sem ég hef upplifað lengi“ Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Sjá meira