Úrslitakeppnin í Dominos-deild karla í körfubolta heldur áfram í kvöld en þá fara fram tveir leikir.
Íslandsmeistarar Grindavíkur heimsækja Þór í Þorlákshöfn en þessi lið börðust um Íslandsmeistaratitilinn árið 2012. Grindavík vann fyrri leikinn, 92-82, eftir fjörugan leik sem var jafn og spennandi lengi vel.
„Vörnin í fjórða leikhluta hafi gert gæfumuninn. Þetta var góður sigur en við vorum svolítið á hælunum í vörninni og vorum að tapa boltanum klaufalega. Við þurfum að laga fullt af hlutum fyrir næsta leik,“ sagði SverrirÞórSverrisson, þjálfari Grindavíkur, við Vísi eftir leikinn.
Margir eru búnir að afskrifa Snæfell eftir útreiðina sem liðið fékk í fyrsta leiknum gegn KR í átta liða úrslitunum en liðið tapaði með 22 stiga mun, 98-76.
Snæfell þarf að vinna í kvöld á heimavelli annars geta deildarmeistararnir verið með sópinn á lofti í DHL-höllinni á fimmtudaginn þegar liðin mætast þriðja sinni.
„Við erum búnir að vera lengur en tvævetur í þessu þannig ég hef fulla trú á liðinu. En það er undir okkur komið að sýna það. Það þýðir ekkert að vera svaka töffari í einhverjum viðtali eða í hálfleik eða í leikhléum. Við þurfum að fara inn á völlinn og sýna að við getum gert hlutina,“ sagði SigurðurÞorvaldsson, leikmaður Snæfells, eftir síðasta leik.
Báðir leikirnir hefjast klukkan 19.15.
Geta Snæfell og Þór jafnað metin?

Tengdar fréttir

Umfjöllun, viðtöl og myndir: KR - Snæfell 98-76 | Auðvelt hjá KR og staðan 1-0
KR-ingar unnu stórsigur á Snæfelli í fyrstu viðureign liðanna í átta liða úrslitum Dominos-deildar karla í körfubolta og eru yfir í einvíginu, 1-0.

Umfjöllun og viðtöl: Grindavík - Þór 92-82 | Sigur meistaranna í fjörugum leik
Grindavík hóf titilvörnina á sigri og leiðir 1-0 á móti Þór frá Þorlákshöfn.

Þessi tími ársins
Úrslitakeppnin í körfubolta karla hefst í kvöld og við spáum í spilin.