„Þetta var tveggja tíma fundur sem við áttum í dag,“ segir Guðmundur B. Ólafsson, formaður handknattleikssambands Íslands, í samtali við Vísi um fund formannsins og varaformannsins með Hassan Moustafa, formanni Alþjóða handknattleikssambandsins í Basel í dag.
Eins og allir vita eru forráðamenn íslenska sambandsins æfareiðir yfir ákvörðun IHF að veita Þýskalandi keppnisrétt á HM 2015 í Katar þegar keppnisrétturinn var tekinn af Ástralíu.
„Við fórum yfir okkar sjónarmið og það var ágreiningur á milli aðila. Síðan veltum við upp hvaða möguleikar eru í stöðunni og mögulegum lausnum,“ segir Guðmundur við Vísi, en fundinn sátu einnig varaformaður IHF og mótastjóri sambandsins.
„Þau ætla að skoða það sín megin hvort hægt sé að finna lausn á einhverju af því sem við veltum upp. Það hefur verið í umræðunni að fjölga liðum á HM og svo kemur enn til greina að leysa úr þessum ágreiningi fyrir dómstólum.“
Guðmundur segir forráðmenn IHF ekki hafa útilokað að fara með málið ásamt HSÍ fyrir íþróttadómstólinn.
„Þessir íþróttadómstólar eru meira og minna gerðardómar þannig það þarf samþykki beggja aðila. Þau útilokuðu ekki að fara dómstólaleiðina,“ segir Guðmundur, en HSÍ fékk engin skýr svör á fundinum í dag.
„Þau vildu skoða þetta en svöruðu okkur ekki af eða á. Við ætlum að gefa þeim nokkra daga til að svara okkur,“ segir Guðmundur.
„Skýringarnar þeirra eru þær, að til þess að fá það í gegn að Ástralía fengi ekki keppnisrétt þurfti að breyta hinni reglunni [um hvaða lið kæmi í staðinn].“
Reglan er nú þannig að fyrsta varaþjóð á HM kemur frá álfu ríkjandi heimsmeistara.
„Framkvæmdastjórnin þurfti að fá leyfi til að breyta reglunni þannig lausa sætið yrði ekki sjálfkrafa sæti Evrópuþjóða heldur ættu allir í raun möguleika á að fá sæti ef eitthvað opnast. Meðlimir hinna sérsambandanna hefðu ekki samþykkt þetta nema gera þetta svona. Reglan er svolítið opin núna og allir eiga möguleika,“ segir Guðmundur B. Ólafsson.
Formaðurinn og varaformaðurinn DavíðGíslason eru nú á heimleið og búast við frekari svörum frá IHF á næstu dögum.
Formaður HSÍ: Dómstólaleiðin kemur enn til greina
Tengdar fréttir
Einar: Við munum leita allra leiða
Framkvæmdarstjóri HSÍ er afar undrandi á þeirri ákvörðun að gefa Þýskalandi þátttökurétt á HM í Katar.
Hvorki heyrst frá IHF né EHF
Þrátt fyrir að HSÍ hefði krafist svara fyrir miðnætti hafa engin svör borist frá IHF né EHF varðandi kröfu Íslands um að IHF dragi til baka ákvörðun sína um að úthluta Þýskalandi lausu sæti á Heimsmeistaramótinu í Katar
Vilja að ÍSÍ beiti sér
Ekkert nýtt í svari IHF við erindi HSÍ.
Formaður HSÍ: Vitum ekki um neinar reglubreytingar
Guðmundur B. Ólafsson, formaður HSÍ, segir að ákvörðun IHF um að hleypa Þýskalandi á HM hafi komið sér á óvart.
Kostar HSÍ 700 þúsund krónur að þingfesta mál
Það er stór og mikil ákvörðun fyrir HSÍ að þingfesta mál fyrir dómstóli IHF
Formaður HSÍ: Fengum ekki fullnægjandi svör
Evrópska handknattleikssambandið bendir á Alþjóðasambandið og svarar engu.
Útilokum engar dómstólaleiðir
Formaður HSÍ furðar sig á því að hægt sé að breyta reglum eftir að keppni er hafin.
Ísland á að fara dómstólaleiðina
Ritstjóri þýska vikuritsins Handball Woche telur að handboltaforystan á Íslandi eigi að fara með ákvörðun IHF að hleypa Þýskalandi á HM í Katar fyrir dómstóla.
HSÍ krefst þess að Ísland fái sæti á HM 2015
Handknattleikssamband Íslands hefur krafist þess að Alþjóðahandknattleikssambandið dragi til baka ákvörðun sína að úthluta Þýskalandi lausu sæti á HM í Katar 2015 og úthluti íslenska liðinu sætið líkt og evrópska handknattleikssambandið hafði lofað.
Ástralía gefur lítið fyrir skýringar IHF
Krefst þess að fá sæti sitt aftur á HM í Katar og segir HSÍ berjast fyrir sæti sem er með réttu í eigu Ástralíu.
Ástralir íhuga að lögsækja IHF
Hafa fengið boð frá íþróttalögfræðingum um allan heim um aðstoð.
