Magnús Tumi Guðmundsson jarðeðlisfræðingur segir engin merki um að eldgos sé hafið í Dyngjujökli eða Bárðarbungu. Þetta kom fram í viðtali í fréttum Stöðvar 2 sem tekið var á Reykjavíkurflugvelli á sjöunda tímanum í kvöld þegar jarðvísindamenn komu úr fimm tíma flugi yfir Vatnajökul með flugvél Landhelgisgæslunnar.
„Það var ekki að sjá neina missmíði á jöklinum. Það virtist ekki vera að það komið gos upp úr jöklinum. Við sáum ekki merki um gos. En ég get náttúrlega ekki fortekið að það sé eitthvað að gerast sem ekki sést. En það er þá mjög lítið. En að öllum líkindum hefur þessi kvika ekki náð upp á yfirborð."
-Þegar þú segir ekki upp á yfirborð, ertu þá að tala um ekki í gegnum jökulinn eða ertu að tala um ekki í gegnum berggrunninn?
„Að öllum líkindum ekki náð upp á jökulbotninn."
-En er þá of snemmt að tala um að gos sé byrjað? Er það þá misskilningur að það sé hafið gos?
„Þegar ég fór í loftið um klukkan eitt þá var ekki hafið gos. Ég hef ekki fylgst alveg með fréttum síðan."
-En þú sérð engin merki þess að gos sé komið í gegnum bergvegginn?
„Við sjáum engin merki þess að gos sé hafið á þessum stað."
-Hvernig metur þú framhaldið?
„Við verðum bara að sjá hverju fram vindur. Þetta er ekki búið."
-Það er þá engin hætta á jökulhlaupi?
„Ef það gýs þá er hætta á jökulhlaupi."
-En engin slík hætta sem stendur?
„Það kemur ekki næstu klukkutímana því það var ekkert þegar við fórum þaðan. En við skulum bara bíða og sjá hvað gerist," sagði Magnús Tumi.
Sáum engin merki um að eldgos væri hafið
Tengdar fréttir

Hraða viðgerðum í Kelduhverfi
Langbylgja RÚV næst í Kelduhverfi og Öxarfirði þótt FM útsendingar RÚV á svæðinu hafi ekki verið eins og best verður á kosið.

Skjálfti upp á 4,2 stig á 900 metra dýpi
Skjálftinn er á mun minna dýpi en hinir stóru skjálftarnir undanfarna daga.

Gjálpargosið þurfti nærri tvo daga til að bræða jökulinn
Gjálpargosið í Vatnajökli árið 1996 er síðasta eldgosið sem rakið er til Bárðarbungu.

Vefmyndavélar frá Bárðarbungu komnar á YouTube
Hægt er að fylgjast með þremur vefmyndavélum frá svæði eldgossins.

Klara spáði rétt fyrir um gosið: „Ég er bara næm“
Klara Tryggvadóttir, frá Vestmannaeyjum, virðist hafa haft rétt fyrir sér þegar hún spáði því að gosið sem beðið hefur verið eftir myndi hefjast í dag.

Frekari lokanir vega á Norðausturlandi
Almannavarnir hafa lokað fleiri leiðum á hálendinu Norðausturlands, norðan Dyngjufjalla vegna flóðahættu sem gæti skapast við hugsanlega gæti skapast.