Freyr Alexandersson, landsliðsþjálfari kvenna í fótbolta, hefur valið 23 manna æfingahóp fyrir æfingar landsliðsins 24. og 25. janúar næstkomandi en æfingarnar munu fara fram í Kórnum í Kópavogi. Þetta kemur fram á heimasíðu KSÍ.
Leikmennirnir 23 koma frá sjö félögum, sex Pepsi-deildarfélögum og svo einu erlendu félagi. Fjórtán af leikmönnunum 23 koma frá tveimur félögum, Breiðabliki og Stjörnunni, sjö frá hvoru félagi. Önnur félög sem eiga fulltrúa í hópnum eru ÍBV, Selfoss, Valur og Þór, auk Alta IF í Noregi.
Valskonan Dóra María Lárusdóttir er ekki í æfingahópnum en óvíst er hvort hún haldi áfram knattspyrnuiðkun en landsliðsþjálfarinn sagði í viðtali við Fréttablaðið á dögunum að hann vonaðist til þess að hún héldi áfram.
Leikmenn sem taka þátt í landsliðsæfingum A-landsliðs kvenna 24.- 25. janúar:
Alta IF
Þórdís Hrönn Sigfúsdóttir
Breiðablik
Fanndís Friðriksdóttir
Guðrún Arnardóttir
Hallbera Guðný Gísladóttir
Jóna Kristín Hauksdóttir
Málfríður Erna Sigurðardóttir
Rakel Hönnudóttir
Sonný Lára Þráinsdóttir (Markvörður)
ÍBV
Kristín Erna Sigurlásdóttir
Sigríður Lára Garðarsdóttir
Selfoss
Guðmunda Brynja Óladóttir
Stjarnan
Anna Björk Kristjánsdóttir
Anna María Baldursdóttir
Ásgerður St. Baldursdóttir
Harpa Þorsteinsdóttir
Kristrún Kristjánsdóttir
Lára Kristín Pedersen
Sandra Sigurðardóttir (Markvörður)
Valur
Elín Metta Jensen
Hildur Antonsdóttir
Svava Rós Guðmundsdóttir
Þór/KA
Arna Sif Ásgrímsdóttir
Katrín Ásbjörnsdóttir
Dóra María ekki í æfingahópi A-landsliðs kvenna
Tengdar fréttir
Systurnar sameinaðar á ný
Dætur Ragnheiðar Víkingsdóttur, eins sigursælasta leikmanns kvennaliðs Vals frá upphafi, munu aftur spila hlið við hlið á næsta tímabili, því báðar hafa þær skrifað undir samning við Pepsi-deildar lið Vals.
Elín Metta með tvö mörk þegar 23 ára stelpurnar unnu A-landslið Póllands
Íslenska 23 árs landsliðið vann 3-1 sigur á A-landsliði Póllands í vináttulandsleik í Kórnum í kvöld en fjórir eldri leikmenn spiluðu með íslenska liðinu í leiknum.
Landsliðsþjálfarinn vonar að Dóra María haldi áfram
Orðrómur hefur verið uppi um að Dóra María Lárusdóttir, ein af fjórum konum í 100-leikja klúbbi landsliðsins, gæti lagt skóna á hilluna á árinu.
