Það hafa verið vandræði á varnarmönnum FH í sumar vegna meiðsla og sér ekki fyrir endann á þeim. Tímabilið er hugsanlega búið hjá Guðmanni Þórissyni en hann hefur verið einkar óheppinn með meiðsli í sumar og aðeins tekið þátt í fimm deildarleikjum með FH.
"Það kemur í ljós eftir landsleikjahléð hvort hann verði meira með okkur. Það gæti vel verið að hann sé búinn að spila sinn síðasta leik með okkur í sumar en við vonum samt það besta," segir Heimir Guðjónsson, þjálfari FH.
Annar af miðvörðum liðsins, Kassim Doumbia, hefur einnig misst af nokkrum leikjum vegna meiðsla. Hann er aftur á móti orðinn klár í slaginn.
Það er aftur á móti áhugavert að FH hefur aðeins fengið á sig fimm mörk í sjö leikjum án Doumbia. Er Doumbia var í liðinu var FH að fá á sig 1,4 mörk að meðaltali í leik en án hans er FH aðeins að fá á sig 0,7 mörk í leik. Fjórum sinnum hefur FH haldið hreinu í sumar og Doumbia var aðeins með í einum þeirra leikja.
"Hann var með beinmar í ökklanum en er orðinn góður. Hann mun klárlega styrkja okkur mikið á lokasprettinum enda frábær leikmaður," segir Heimir.
Guðmann hugsanlega úr leik
Henry Birgir Gunnarsson skrifar

Mest lesið


Þeir bestu (1. sæti): Afrekaði allt
Íslenski boltinn

Enginn labbaði meira en verðandi leikmaður Man United
Enski boltinn


Þeir bestu (2. sæti): Hæglæti en heljarinnar ferill
Íslenski boltinn


„Við sjáum okkur ekki sem körfuboltinn á móti fótboltanum“
Íslenski boltinn

KR kaupir ungan og efnilegan leikmann Njarðvíkur
Íslenski boltinn

„Nálguðumst leikinn vitlaust“
Fótbolti
