Gengur auðmjúk inn í nýjar aðstæður 3. september 2015 10:00 Guðrún Högnadóttir ráðgjafi og einn eigenda alþjóðlega ráðgjafafyrirtækisins FranklinCovey á Norðurlöndunum. MYND/GVA Fjöldi íslenskra ráðgjafa hefur starfað víða um heim undanfarin ár við ýmiss konar rekstrarráðgjöf til fyrirtækja, stofnana og sveitarfélaga. Verkefnin eru af öllum stærðum og gerðum og jafnvel í nokkrum heimsálfum á hverju ári. Guðrún Högnadóttir er einn sex eigenda alþjóðlega ráðgjafarfyrirtækisins FranklinCovey á Norðurlöndunum og hefur sem slíkur starfað víða um heim undanfarin við skemmtileg, krefjandi og fjölbreytt verkefni. Fyrr í ágústmánuði var hún t.d. stödd í Namibíu við leiðtogaþjálfun með stjórnendateymi tryggingafyrirtækisins Old Mutual. „Ég var beðin um að leiða vinnustofur fyrir Old Mutual í Windhoek í Namibíu en um 62.000 manns starfa hjá þessu rótgróna félagi sem var stofnað árið 1845 og er með starfsemi í Evrópu, Afríku og Asíu.“ Valdir voru 25 æðstu stjórnendur félagsins í Suður-Afríku og Namibíu til að sækja vinnuferli sem kallast „Great Leaders, Great Teams, Great Results“ og teygist yfir sex mánaða tímabil með þriggja daga vinnustofu, frammistöðumati, markþjálfun og stuðningi. „Þetta var einstaklega skemmtilegt en krefjandi verkefni. Um leið er merkilegt að upplifa hversu framarlega Namibíubúar eru í öllum infrastrúktúr, upplýsingatækni, menntun og viðskiptum.“ Í heimsókn sinni vann Guðrún einnig að verkefni fyrir Deloitte og tækniháskólann í Namibíu auk þess að funda með nokkrum opinberum stofnunum. Þótt Ísland og Namibía eigi fátt sameiginlegt við fyrstu sýn eru verkefni Guðrúnar í þessum tveimur löndum ekki svo ólík og fólkið furðu líkt að hennar sögn. „Áskoranir við erlend verkefni eru svipuð og við innlend, bara í öðru stærðarsamhengi og menningarmun. Stórfyrirtæki Íslendinga eru oft á við litlar deildir í alþjóðlegu samhengi en frammistaða og kraftur okkar fólks er síst minni! Mikilvægast er að greina strax þarfir viðskiptavinarins og skilja stefnu og sókn félagsins. Afgerandi er að ganga auðmjúk inn í nýjar aðstæður og hlusta, læra og virða.“Svipuð verkefni Það kom henni einnig á óvart hversu líkir Íslendingar og Namibíumenn eru. „Fyrirtæki eru jú bara fólk þegar upp er staðið og mannlegt eðli er ekki svo margbreytilegt þegar öllu er á botninn hvolft. Stjórnendahóparnir sem ég vinn með erlendis eru oftast að fást við mjög svipaðar aðstæður og íslenskir stjórnendur; mikla ábyrgð, mörg krefjandi viðfangsefni, skort á forgangsröðun, óskýrar væntingar, takmörkuð aðföng o.s.frv. Ég myndi frekar vilja horfa á hvert fyrirtæki út frá karakter og getu þess, frekar en að flokka þau eftir landafræði.“ Aðspurð hvort íslenskir ráðgjafar séu á einhvern hátt ólíkir þeim erlendu segir hún Íslendinga vera oft hörkuduglega og klára en þeir einangrast stundum í verkefnum sínum. „Hin klassísku íslensku einkenni snerpu og þrautseigju lýsa vel hópnum en erlendir kollegar eru stundum með meiri víðsýni og dýpri þekkingu á sínu sérsviði vegna margra líkra verkefna.“ Varðandi framtíðarhorfur íslenskra ráðgjafa erlendis segir hún þær vera nokkuð góðar. „Fjöldi íslenskra ráðgjafa hefur meðal annars starfað erlendis vegna sérþekkingar sinnar í sjávarútvegi og í orkugeiranum. Ég tel þekkingu og reynslu íslenskra ráðgjafa geta nýst á flestum sviðum, ekki síst á sviðum hönnunar, hugbúnaðar og heilbrigðismála. Þar sem saman fer þekking, þrautseigja og öflugt netverk eru íslenskum ráðgjöfum allir vegir færir.“ Namibía Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Steypti ég mér í algjöra glötun með lántökunni fyrir þremur árum? Viðskipti innlent Grunnlán nær nú aðeins til helmings kaupverðs Viðskipti innlent Svona lögðu Kínverjar framtíðina undir sig Viðskipti erlent Fleiri fréttir Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sjá meira
Fjöldi íslenskra ráðgjafa hefur starfað víða um heim undanfarin ár við ýmiss konar rekstrarráðgjöf til fyrirtækja, stofnana og sveitarfélaga. Verkefnin eru af öllum stærðum og gerðum og jafnvel í nokkrum heimsálfum á hverju ári. Guðrún Högnadóttir er einn sex eigenda alþjóðlega ráðgjafarfyrirtækisins FranklinCovey á Norðurlöndunum og hefur sem slíkur starfað víða um heim undanfarin við skemmtileg, krefjandi og fjölbreytt verkefni. Fyrr í ágústmánuði var hún t.d. stödd í Namibíu við leiðtogaþjálfun með stjórnendateymi tryggingafyrirtækisins Old Mutual. „Ég var beðin um að leiða vinnustofur fyrir Old Mutual í Windhoek í Namibíu en um 62.000 manns starfa hjá þessu rótgróna félagi sem var stofnað árið 1845 og er með starfsemi í Evrópu, Afríku og Asíu.“ Valdir voru 25 æðstu stjórnendur félagsins í Suður-Afríku og Namibíu til að sækja vinnuferli sem kallast „Great Leaders, Great Teams, Great Results“ og teygist yfir sex mánaða tímabil með þriggja daga vinnustofu, frammistöðumati, markþjálfun og stuðningi. „Þetta var einstaklega skemmtilegt en krefjandi verkefni. Um leið er merkilegt að upplifa hversu framarlega Namibíubúar eru í öllum infrastrúktúr, upplýsingatækni, menntun og viðskiptum.“ Í heimsókn sinni vann Guðrún einnig að verkefni fyrir Deloitte og tækniháskólann í Namibíu auk þess að funda með nokkrum opinberum stofnunum. Þótt Ísland og Namibía eigi fátt sameiginlegt við fyrstu sýn eru verkefni Guðrúnar í þessum tveimur löndum ekki svo ólík og fólkið furðu líkt að hennar sögn. „Áskoranir við erlend verkefni eru svipuð og við innlend, bara í öðru stærðarsamhengi og menningarmun. Stórfyrirtæki Íslendinga eru oft á við litlar deildir í alþjóðlegu samhengi en frammistaða og kraftur okkar fólks er síst minni! Mikilvægast er að greina strax þarfir viðskiptavinarins og skilja stefnu og sókn félagsins. Afgerandi er að ganga auðmjúk inn í nýjar aðstæður og hlusta, læra og virða.“Svipuð verkefni Það kom henni einnig á óvart hversu líkir Íslendingar og Namibíumenn eru. „Fyrirtæki eru jú bara fólk þegar upp er staðið og mannlegt eðli er ekki svo margbreytilegt þegar öllu er á botninn hvolft. Stjórnendahóparnir sem ég vinn með erlendis eru oftast að fást við mjög svipaðar aðstæður og íslenskir stjórnendur; mikla ábyrgð, mörg krefjandi viðfangsefni, skort á forgangsröðun, óskýrar væntingar, takmörkuð aðföng o.s.frv. Ég myndi frekar vilja horfa á hvert fyrirtæki út frá karakter og getu þess, frekar en að flokka þau eftir landafræði.“ Aðspurð hvort íslenskir ráðgjafar séu á einhvern hátt ólíkir þeim erlendu segir hún Íslendinga vera oft hörkuduglega og klára en þeir einangrast stundum í verkefnum sínum. „Hin klassísku íslensku einkenni snerpu og þrautseigju lýsa vel hópnum en erlendir kollegar eru stundum með meiri víðsýni og dýpri þekkingu á sínu sérsviði vegna margra líkra verkefna.“ Varðandi framtíðarhorfur íslenskra ráðgjafa erlendis segir hún þær vera nokkuð góðar. „Fjöldi íslenskra ráðgjafa hefur meðal annars starfað erlendis vegna sérþekkingar sinnar í sjávarútvegi og í orkugeiranum. Ég tel þekkingu og reynslu íslenskra ráðgjafa geta nýst á flestum sviðum, ekki síst á sviðum hönnunar, hugbúnaðar og heilbrigðismála. Þar sem saman fer þekking, þrautseigja og öflugt netverk eru íslenskum ráðgjöfum allir vegir færir.“
Namibía Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Steypti ég mér í algjöra glötun með lántökunni fyrir þremur árum? Viðskipti innlent Grunnlán nær nú aðeins til helmings kaupverðs Viðskipti innlent Svona lögðu Kínverjar framtíðina undir sig Viðskipti erlent Fleiri fréttir Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sjá meira