Umfjöllun og viðtöl: Grótta - Stjarnan 24-20 | Grótta með fullt hús stiga Ingvi Þór Sæmundsson í Hertz-höllinni skrifar 19. september 2015 15:00 Lovísa Thompson, leikmaður Gróttu. vísir/valli Íslandsmeistarar Gróttu hefja titilvörn sína vel en í dag unnu Seltirningar annan sigur sinn í fyrstu tveimur umferðunum þegar Stjörnukonur komu í heimsókn í Hertz-höllina. Lokatölur 24-20, Gróttu í vil. Þessi sömu lið mættust í lokaúrslitunum í fyrra þar sem Grótta hafði betur í fjórum leikjum. Stjarnan átti því harma að hefna. Það er ekki hægt að segja að úrslitaliðin frá því í fyrra hafi boðið upp á merkilegan handbolta í fyrri hálfleik. Uppstilltur sóknarleikur beggja liða var slakur en Gróttukonur nýttu hraðaupphlaupin hins vegar vel en fimm af tíu mörkum liðsins í fyrri hálfleik komu eftir hraðar sóknir. Grótta var með undirtökin allt frá byrjun, ekki síst fyrir tilstuðlan Írisar Bjarkar Símonardóttur sem varði 16 af þeim 20 skotum sem hún fékk á sig í fyrri hálfleik. Það gerir 80% hlutfallsmarkvörslu sem er náttúrulega út úr kortinu. Þá varði vörn Gróttu nokkur skot til viðbótar frá leikmönnum Stjörnunnar en sóknarleikur liðsins í fyrri hálfleik var ekki boðlegur. Gestunum gekk ekkert að opna Gróttuvörnina og flestar sóknirnar enduðu annað hvort á töpuðum bolta eða þvinguðu skoti sem Íris varði. Ráðleysið var algjört og lausnirnar engar. Grótta skoraði fyrstu þrjú mörk leiksins og var með 2-4 marka forystu framan af fyrri hálfleik. Munurinn hefði þó getað verið meiri en sóknarleikur Gróttu var sem áður sagði ekkert sérstakur og þá töpuðu Íslandsmeistararnir alltof mörgum boltum. Stjarnan náði að minnka muninn í 5-3 á 18. mínútu en þá kom flottur kafli hjá heimakonum sem unnu síðustu 12 mínútur fyrri hálfleiks 5-1 og fóru með sex marka forystu inn í hálfleikinn, 10-4. Gestirnir byrjuðu seinni hálfleikinn ágætlega og Stjörnukonur fóru loks að finna leiðina framhjá vörn Gróttu og Írisi. Stjarnan byrjaði seinni hálfleikinn á 5-2 kafla og minnkaði muninn í þrjú mörk, 12-9. Tveimur til fjórum mörkum munaði á liðunum næstu mínútur en eftir að Helena Rut Örvarsdóttir minnkaði muninn í þrjú mörk, 19-16, þegar 10 mínútur voru eftir skildu leiðir á ný. Allur vindur virtist úr Stjörnuliðinu og heimakonur gengu á lagið. Grótta skoraði fimm mörk í röð og breytti stöðunni úr 19-16 í 24-16 og úrslitin þar með ráðin. Stjarnan skoraði fjögur síðustu mörk leiksins en það breytti engu um úrslitin. Fjögurra marka sigur Gróttu staðreynd, 24-20. Sunna María Einarsdóttir átti frábæran leik í liði Gróttu og skoraði 10 mörk, þar af fimm úr vítaköstum. Unnur Ómarsdóttir kom næst með fimm mörk og þá var Þórey Anna Ásgeirsdóttir öflug á lokakaflanum en hún skoraði þrjú af sex síðustu mörkum Gróttu í leiknum. Íris endaði með 22 skot varin, flest þeirra í fyrri hálfleik eins og áður var um getið. Stefanía Theodórsdóttir var markahæst í liði Stjörnunnar með sjö mörk, öll í seinni hálfleik, en hún nýtti færin sín afbragðsvel. Helena Rut kom næst með sex mörk. Florentina Stanciu varði 13 skot í markinu en hún hefur oft spilað betur en í dag.Sunna María: Miklu betra en í fyrsta leiknum "Þetta er mjög góð byrjun á laugardeginum, eigum við ekki að segja það," sagði Sunna María Einarsdóttir sem var markahæst í liði Gróttu sem vann fjögurra marka sigur, 24-20, á Stjörnunni í dag. Sunna skoraði 10 mörk í dag, þar af fimm úr vítaköstum, og var auk þess öflug í vörninni. Varnarleikur Gróttu í fyrri hálfleik var magnaður en Stjörnunni tókst aðeins að skora fjögur mörk á fyrstu 30 mínútum leiksins. Grótta leiddi með sex mörkum í hálfleik, 10-4, en Sunna sagði að forskotið hefði getað verið meira en Íslandsmeistararnir gerðu sig seka um nokkur slæm mistök í sóknarleiknum. "Já, við fengum ekki alveg nógu mörg hraðaupphlaup og svo klúðruðum við einhverjum sóknum. Þetta var alveg fínt en hefði mátt vera betra," sagði Sunna sem hafði smá áhyggjur um miðbik seinni hálfleiks þegar Stjörnukonur voru að minnka muninn. "Já, kannski. Þær komu aðeins betur inn í seinni hálfleikinn heldur en við. En um leið og við gáfum aftur í varð maður aftur rólegur." Sunna segir Gróttukonur hafi sýnt miklar framfarir frá því í leiknum gegn ÍR í 1. umferðinni sem Seltirningar unnu með fimm marka mun, 16-21. "Já, það er óhætt að segja það. Við vorum ekki mættar andlega til leiks í fyrsta leik," sagði Sunna sem segir ekki hægt að kvarta yfir byrjuninni hjá Gróttu enda fjögur stig af fjórum mögulegum komin í sarpinn.Sólveig Lára: Vorum einum færri nánast allan fyrri hálfleikinn Sólveig Lára Kjærnested, leikmaður Stjörnunnar, var ósátt með hversu margar brottvísanir Garðbæingar fengu í fyrri hálfleik gegn Gróttu í dag. "Við vorum ekki alveg tilbúnar í þessa línu sem dómararnir lögðu og vorum að láta reka okkur út af fyrir afar litlar sakir. "Svo áttum við í erfiðleikum sóknarlega enda oft manni færri," sagði Sólveig sem fannst dómarar leiksins, þeir Arnar Sigurjónsson og Svavar Pétursson, leggja of stranga línu í leiknum. "Já, síðan hvenær má ekki ýta í línumann? Ég veit það ekki? Þeir settu þessa línu og við þurftum að aðlaga okkur að henni en gerðum það ekki. Við vorum einum færri nánast allan fyrri hálfleikinn." Stjarnan var sex mörkum undir, 10-4, eftir fyrri hálfleikinn en náði fínum kafla um miðjan seinni hálfleik þar sem Garðbæingar minnkuðu muninn í tvö mörk. "Við náðum smá rykk en svo hleyptum við þeim aftur inn í þetta og misstum þær aftur fram úr okkur. Við náðum ekki að halda þetta út. Við þurfum að lengja góðu kaflana," sagði Sólveig sem er þó nokkuð sátt með ástandið á Stjörnuliðinu. "Mér finnst við betur staddar en á sama tíma í fyrra og vonandi náum við sama stíganda og þá. En það er ljóst að við þurfum að halda áfram að bæta okkur ef við ætlum að gera eitthvað í vor," sagði Sólveig að lokum. Olís-deild kvenna Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hélt að Arnar væri að djóka í sér: „Maður var í smá sjokki“ Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Færeyingar töpuðu eftir tvíframlengdan leik Forsetabikarinn rann Íslandi úr greipum Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri „Stress og spenningur að flytja einn út og þurfa læra á uppþvottavél“ Rúnar látinn fara frá Leipzig Rut bætist í stóran hóp sem kvatt hefur landsliðið Sjá meira
Íslandsmeistarar Gróttu hefja titilvörn sína vel en í dag unnu Seltirningar annan sigur sinn í fyrstu tveimur umferðunum þegar Stjörnukonur komu í heimsókn í Hertz-höllina. Lokatölur 24-20, Gróttu í vil. Þessi sömu lið mættust í lokaúrslitunum í fyrra þar sem Grótta hafði betur í fjórum leikjum. Stjarnan átti því harma að hefna. Það er ekki hægt að segja að úrslitaliðin frá því í fyrra hafi boðið upp á merkilegan handbolta í fyrri hálfleik. Uppstilltur sóknarleikur beggja liða var slakur en Gróttukonur nýttu hraðaupphlaupin hins vegar vel en fimm af tíu mörkum liðsins í fyrri hálfleik komu eftir hraðar sóknir. Grótta var með undirtökin allt frá byrjun, ekki síst fyrir tilstuðlan Írisar Bjarkar Símonardóttur sem varði 16 af þeim 20 skotum sem hún fékk á sig í fyrri hálfleik. Það gerir 80% hlutfallsmarkvörslu sem er náttúrulega út úr kortinu. Þá varði vörn Gróttu nokkur skot til viðbótar frá leikmönnum Stjörnunnar en sóknarleikur liðsins í fyrri hálfleik var ekki boðlegur. Gestunum gekk ekkert að opna Gróttuvörnina og flestar sóknirnar enduðu annað hvort á töpuðum bolta eða þvinguðu skoti sem Íris varði. Ráðleysið var algjört og lausnirnar engar. Grótta skoraði fyrstu þrjú mörk leiksins og var með 2-4 marka forystu framan af fyrri hálfleik. Munurinn hefði þó getað verið meiri en sóknarleikur Gróttu var sem áður sagði ekkert sérstakur og þá töpuðu Íslandsmeistararnir alltof mörgum boltum. Stjarnan náði að minnka muninn í 5-3 á 18. mínútu en þá kom flottur kafli hjá heimakonum sem unnu síðustu 12 mínútur fyrri hálfleiks 5-1 og fóru með sex marka forystu inn í hálfleikinn, 10-4. Gestirnir byrjuðu seinni hálfleikinn ágætlega og Stjörnukonur fóru loks að finna leiðina framhjá vörn Gróttu og Írisi. Stjarnan byrjaði seinni hálfleikinn á 5-2 kafla og minnkaði muninn í þrjú mörk, 12-9. Tveimur til fjórum mörkum munaði á liðunum næstu mínútur en eftir að Helena Rut Örvarsdóttir minnkaði muninn í þrjú mörk, 19-16, þegar 10 mínútur voru eftir skildu leiðir á ný. Allur vindur virtist úr Stjörnuliðinu og heimakonur gengu á lagið. Grótta skoraði fimm mörk í röð og breytti stöðunni úr 19-16 í 24-16 og úrslitin þar með ráðin. Stjarnan skoraði fjögur síðustu mörk leiksins en það breytti engu um úrslitin. Fjögurra marka sigur Gróttu staðreynd, 24-20. Sunna María Einarsdóttir átti frábæran leik í liði Gróttu og skoraði 10 mörk, þar af fimm úr vítaköstum. Unnur Ómarsdóttir kom næst með fimm mörk og þá var Þórey Anna Ásgeirsdóttir öflug á lokakaflanum en hún skoraði þrjú af sex síðustu mörkum Gróttu í leiknum. Íris endaði með 22 skot varin, flest þeirra í fyrri hálfleik eins og áður var um getið. Stefanía Theodórsdóttir var markahæst í liði Stjörnunnar með sjö mörk, öll í seinni hálfleik, en hún nýtti færin sín afbragðsvel. Helena Rut kom næst með sex mörk. Florentina Stanciu varði 13 skot í markinu en hún hefur oft spilað betur en í dag.Sunna María: Miklu betra en í fyrsta leiknum "Þetta er mjög góð byrjun á laugardeginum, eigum við ekki að segja það," sagði Sunna María Einarsdóttir sem var markahæst í liði Gróttu sem vann fjögurra marka sigur, 24-20, á Stjörnunni í dag. Sunna skoraði 10 mörk í dag, þar af fimm úr vítaköstum, og var auk þess öflug í vörninni. Varnarleikur Gróttu í fyrri hálfleik var magnaður en Stjörnunni tókst aðeins að skora fjögur mörk á fyrstu 30 mínútum leiksins. Grótta leiddi með sex mörkum í hálfleik, 10-4, en Sunna sagði að forskotið hefði getað verið meira en Íslandsmeistararnir gerðu sig seka um nokkur slæm mistök í sóknarleiknum. "Já, við fengum ekki alveg nógu mörg hraðaupphlaup og svo klúðruðum við einhverjum sóknum. Þetta var alveg fínt en hefði mátt vera betra," sagði Sunna sem hafði smá áhyggjur um miðbik seinni hálfleiks þegar Stjörnukonur voru að minnka muninn. "Já, kannski. Þær komu aðeins betur inn í seinni hálfleikinn heldur en við. En um leið og við gáfum aftur í varð maður aftur rólegur." Sunna segir Gróttukonur hafi sýnt miklar framfarir frá því í leiknum gegn ÍR í 1. umferðinni sem Seltirningar unnu með fimm marka mun, 16-21. "Já, það er óhætt að segja það. Við vorum ekki mættar andlega til leiks í fyrsta leik," sagði Sunna sem segir ekki hægt að kvarta yfir byrjuninni hjá Gróttu enda fjögur stig af fjórum mögulegum komin í sarpinn.Sólveig Lára: Vorum einum færri nánast allan fyrri hálfleikinn Sólveig Lára Kjærnested, leikmaður Stjörnunnar, var ósátt með hversu margar brottvísanir Garðbæingar fengu í fyrri hálfleik gegn Gróttu í dag. "Við vorum ekki alveg tilbúnar í þessa línu sem dómararnir lögðu og vorum að láta reka okkur út af fyrir afar litlar sakir. "Svo áttum við í erfiðleikum sóknarlega enda oft manni færri," sagði Sólveig sem fannst dómarar leiksins, þeir Arnar Sigurjónsson og Svavar Pétursson, leggja of stranga línu í leiknum. "Já, síðan hvenær má ekki ýta í línumann? Ég veit það ekki? Þeir settu þessa línu og við þurftum að aðlaga okkur að henni en gerðum það ekki. Við vorum einum færri nánast allan fyrri hálfleikinn." Stjarnan var sex mörkum undir, 10-4, eftir fyrri hálfleikinn en náði fínum kafla um miðjan seinni hálfleik þar sem Garðbæingar minnkuðu muninn í tvö mörk. "Við náðum smá rykk en svo hleyptum við þeim aftur inn í þetta og misstum þær aftur fram úr okkur. Við náðum ekki að halda þetta út. Við þurfum að lengja góðu kaflana," sagði Sólveig sem er þó nokkuð sátt með ástandið á Stjörnuliðinu. "Mér finnst við betur staddar en á sama tíma í fyrra og vonandi náum við sama stíganda og þá. En það er ljóst að við þurfum að halda áfram að bæta okkur ef við ætlum að gera eitthvað í vor," sagði Sólveig að lokum.
Olís-deild kvenna Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hélt að Arnar væri að djóka í sér: „Maður var í smá sjokki“ Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Færeyingar töpuðu eftir tvíframlengdan leik Forsetabikarinn rann Íslandi úr greipum Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri „Stress og spenningur að flytja einn út og þurfa læra á uppþvottavél“ Rúnar látinn fara frá Leipzig Rut bætist í stóran hóp sem kvatt hefur landsliðið Sjá meira