VW byrjar að innkalla í janúar

Bílframleiðandinn Volkswagen ætlar að hefja innköllun bíla sem búnir eru svindlbúnaðnum svokallaða í janúar á næsta ári. Matthias Muller, nýr framkvæmdastjóri Volkswagen, sagði við þýska fjölmiðla að stefnt sé á að koma öllum bílunum í rétt stand fyrir árslok 2016.

Dísilvélasvindl Volkswagen er eitt það stærsta í bílageiranum síðustu ár, en fyrirtækið hefur viðkurkennt að hafa komið fyrir hugbúnaði í ellefu milljónir dísilbíla, sem hafði þau áhrif að bílarnir menguðu minna við prófanir en við hefðbundna notkun. Á fjórða þúsund bíla hér á landi eru búnir þessum búnaði.