Landsliðskonan Bryndís Guðmundsdóttir fór heldur betur vel af stað með nýja liðinu sínu, Snæfelli, í dag.
Bryndís tryggði þá Íslandsmeisturunum 95-93 sigur á nýliðum Stjörnunnar í Hólminum í 2. umferð Domino's deildar kvenna í körfubolta.
Aðeins þrjú sekúndubrot voru eftir af leiknum þegar Haiden Palmer tók innkast undir körfunni.
Sending hennar var góð og Bryndísi tókst að koma boltanum í körfuna áður en tíminn rann út. Ótrúlega vel gert hjá Bryndísi sem skrifaði undir samning við Snæfell í gær.
Flautukörfu Bryndísar má sjá á vefsíðunni Leikbrot, eða með því að smella hér.
Sjáðu sigurkörfu Bryndísar | Myndband
