Umfjöllun: Keflavík - Snæfell 75-67 | Góður sigur Keflvíkinga Styrmir Gauti Fjeldsted skrifar 12. desember 2015 19:45 Keflvíkingar unnu góðan sigur á Íslandsmeisturunum. Vísir/Stefán Keflavík vann góðan sigur, 75-67, á Snæfelli í Domino's deild kvenna í körfubolta í dag. Leikar byrjuðu mjög jafnir í kvöld og ljóst var strax í upphafi að Keflvíkingar ætluðu að veita gestunum frá Stykkishólmi alvöru keppni. Bæði lið voru að hitta fremur illa í byrjun leiks en staðan eftir fyrsta leikhluta var 15-15 þar sem vörn Keflavíkinga var búin að vera einkar góð þó það hafi gengið illa hjá þeim að stíga út. Sóknarleikur gestanna fór mestmegnis í gegnum Bandaríkjamann þeirra, hana Haiden Palmer, en heimastúlkur voru greinilega búnar að fara vel yfir leik hennar og náðu þær að þröngva hana í erfið skot trekk í trekk. Þegar annar leikhluti var hálfnaður var staðan 23-25 gestunum í vil. Þá kom smá rispa hjá Snæfell þar sem þær náðu mest sjö stiga forskoti en Snæfellingar leiddu með þrem stigum í hálfleik 34-37. Það var í raun ótrúlegt að munurinn var ekki meir í ljós þessi að Snæfell tók hvorki meira né minna en 18 sóknarfráköst í fyrri hálfleik. Til samanburðar tók Keflavík í heildina 18 fráköst í öllum fyrri hálfleik. En vörn Keflvíkinga var til fyrirmyndar þrátt fyrir frákastayfirburði gestanna. Að sama skapi var skotavalið hjá Snæfell alls ekki gott og Haiden Palmer tók oft á tíðum erfið skot. Í hálfleik voru atkvæðamestar í liði Keflavíkur þær Melissa Zorning með 10 stig, 4 fráköst og Guðlaug Björt Júlíusdóttir 6 stig auk þess að spila stórgóða vörn á Palmer. Í liði Snæfells var Palmer með 15 stig og 8 fráköst. Á eftir henni kom Bryndís Guðmundsdóttir með 10 stig og 8 fráköst. Áfram var mikið jafnræði á leiknum í þriðja leikhluta. Heimastúlkur voru gera miklu betri hluti í frákastabaráttunni en Margrét Sturlaugsdóttir, þjálfari Keflavíkur, hefur eflaust lagt mikla áherslu á það í hálfleiksræðu sinni. Að loknum þriðja leikhluta var staðan 52-53 þar sem ómögulegt var að segja til um hvort liðið myndi fara með sigur af hólmi. Keflvíkingar byrjuðu seinasta leikhlutan af miklum krafti og baráttan þeirra var algjörlega til fyrirmyndar. Þær náðu fljótlega forustunni og héldu henni allan leikinn. Melissa Zorning var gríðarlega mikilvæg á lokasprettinum og skoraði hún níu stig á seinustu þrem mínútum leiksins. Snæfellsstúlkur reyndu hvað þær gátu til að snúa leiknum sér í vil en hittni þeirra í kvöld var ekki merkileg og náðu þær aldrei að ógna Keflvíkingum á lokasprettinum. Að lokum unnu Keflvíkingar glæsilegan sigur á Snæfelli, 75-67, sem þýðir að Haukar sitja einar á toppnum í deildinni en þær unnu Grindavík í kvöld. Keflavík er nú komið í jólafrí og sitja 4.sæti en sigurinn í kvöld ætti að gefa þeim aukið sjálfstraust fyrir komandi átök. Snæfell tapaði í kvöld toppsætinu og eiga þær næst erfiðan útileik gegn Grindavík áður en þær fara í jólafrí. Zorning var atkvæðamest í liði Keflavíkur en hún skoraði 30 stig og tók átta fráköst en hún var sérstaklega góð á lokasprettinum. Á eftir henni kom fyrirliði Keflavíkur, Sandra Lind Þrastardóttir, með 12 stig og sjö fráköst. Í liði gestanna var Palmer með 20 stig og 13 fráköst en hún tapaði einnig sex boltum og hitti einungis úr 9/33 skotum sínum í kvöld. Á eftir henni kom Bryndís með 18 stig og 14 fráköst á sínum gamla heimavelli.Tölfræði leiks: Keflavík-Snæfell 75-67 (15-15, 19-22, 18-16, 23-14) Keflavík: Melissa Zornig 30/8 fráköst, Sandra Lind Þrastardóttir 12/7 fráköst, Marín Laufey Davíðsdóttir 10/5 fráköst, Guðlaug Björt Júlíusdóttir 10, Bríet Sif Hinriksdóttir 6, Thelma Dís Ágústsdóttir 5, Elfa Falsdottir 2/4 fráköst, Emelía Ósk Gunnarsdóttir 0, Irena Sól Jónsdóttir 0, Þóranna Kika Hodge-Carr 0, Katla Rún Garðarsdóttir 0, Andrea Einarsdóttir 0. Snæfell: Haiden Denise Palmer 20/13 fráköst, Bryndís Guðmundsdóttir 18/14 fráköst, María Björnsdóttir 13, Berglind Gunnarsdóttir 6, Andrea Björt Ólafsdóttir 5/7 fráköst, Anna Soffía Lárusdóttir 3, Rebekka Rán Karlsdóttir 2, Hugrún Eva Valdimarsdóttir 0/4 fráköst, Sara Diljá Sigurðardóttir 0/4 fráköst, Hrafnhildur Magnúsdóttir 0.Bein lýsing: Keflavík - SnæfellTweets by @Visirkarfa3 Dominos-deild kvenna Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti Virtist ætla að vaða í samherja sinn Fótbolti Dortmund kom til baka á meðan AC Milan og Chelsea unnu örugga sigra Fótbolti Tryggvi Snær í riðlakeppni Evrópubikarsins Körfubolti FH á toppinn eftir sigur í Garðabæ Handbolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Sjá meira
Keflavík vann góðan sigur, 75-67, á Snæfelli í Domino's deild kvenna í körfubolta í dag. Leikar byrjuðu mjög jafnir í kvöld og ljóst var strax í upphafi að Keflvíkingar ætluðu að veita gestunum frá Stykkishólmi alvöru keppni. Bæði lið voru að hitta fremur illa í byrjun leiks en staðan eftir fyrsta leikhluta var 15-15 þar sem vörn Keflavíkinga var búin að vera einkar góð þó það hafi gengið illa hjá þeim að stíga út. Sóknarleikur gestanna fór mestmegnis í gegnum Bandaríkjamann þeirra, hana Haiden Palmer, en heimastúlkur voru greinilega búnar að fara vel yfir leik hennar og náðu þær að þröngva hana í erfið skot trekk í trekk. Þegar annar leikhluti var hálfnaður var staðan 23-25 gestunum í vil. Þá kom smá rispa hjá Snæfell þar sem þær náðu mest sjö stiga forskoti en Snæfellingar leiddu með þrem stigum í hálfleik 34-37. Það var í raun ótrúlegt að munurinn var ekki meir í ljós þessi að Snæfell tók hvorki meira né minna en 18 sóknarfráköst í fyrri hálfleik. Til samanburðar tók Keflavík í heildina 18 fráköst í öllum fyrri hálfleik. En vörn Keflvíkinga var til fyrirmyndar þrátt fyrir frákastayfirburði gestanna. Að sama skapi var skotavalið hjá Snæfell alls ekki gott og Haiden Palmer tók oft á tíðum erfið skot. Í hálfleik voru atkvæðamestar í liði Keflavíkur þær Melissa Zorning með 10 stig, 4 fráköst og Guðlaug Björt Júlíusdóttir 6 stig auk þess að spila stórgóða vörn á Palmer. Í liði Snæfells var Palmer með 15 stig og 8 fráköst. Á eftir henni kom Bryndís Guðmundsdóttir með 10 stig og 8 fráköst. Áfram var mikið jafnræði á leiknum í þriðja leikhluta. Heimastúlkur voru gera miklu betri hluti í frákastabaráttunni en Margrét Sturlaugsdóttir, þjálfari Keflavíkur, hefur eflaust lagt mikla áherslu á það í hálfleiksræðu sinni. Að loknum þriðja leikhluta var staðan 52-53 þar sem ómögulegt var að segja til um hvort liðið myndi fara með sigur af hólmi. Keflvíkingar byrjuðu seinasta leikhlutan af miklum krafti og baráttan þeirra var algjörlega til fyrirmyndar. Þær náðu fljótlega forustunni og héldu henni allan leikinn. Melissa Zorning var gríðarlega mikilvæg á lokasprettinum og skoraði hún níu stig á seinustu þrem mínútum leiksins. Snæfellsstúlkur reyndu hvað þær gátu til að snúa leiknum sér í vil en hittni þeirra í kvöld var ekki merkileg og náðu þær aldrei að ógna Keflvíkingum á lokasprettinum. Að lokum unnu Keflvíkingar glæsilegan sigur á Snæfelli, 75-67, sem þýðir að Haukar sitja einar á toppnum í deildinni en þær unnu Grindavík í kvöld. Keflavík er nú komið í jólafrí og sitja 4.sæti en sigurinn í kvöld ætti að gefa þeim aukið sjálfstraust fyrir komandi átök. Snæfell tapaði í kvöld toppsætinu og eiga þær næst erfiðan útileik gegn Grindavík áður en þær fara í jólafrí. Zorning var atkvæðamest í liði Keflavíkur en hún skoraði 30 stig og tók átta fráköst en hún var sérstaklega góð á lokasprettinum. Á eftir henni kom fyrirliði Keflavíkur, Sandra Lind Þrastardóttir, með 12 stig og sjö fráköst. Í liði gestanna var Palmer með 20 stig og 13 fráköst en hún tapaði einnig sex boltum og hitti einungis úr 9/33 skotum sínum í kvöld. Á eftir henni kom Bryndís með 18 stig og 14 fráköst á sínum gamla heimavelli.Tölfræði leiks: Keflavík-Snæfell 75-67 (15-15, 19-22, 18-16, 23-14) Keflavík: Melissa Zornig 30/8 fráköst, Sandra Lind Þrastardóttir 12/7 fráköst, Marín Laufey Davíðsdóttir 10/5 fráköst, Guðlaug Björt Júlíusdóttir 10, Bríet Sif Hinriksdóttir 6, Thelma Dís Ágústsdóttir 5, Elfa Falsdottir 2/4 fráköst, Emelía Ósk Gunnarsdóttir 0, Irena Sól Jónsdóttir 0, Þóranna Kika Hodge-Carr 0, Katla Rún Garðarsdóttir 0, Andrea Einarsdóttir 0. Snæfell: Haiden Denise Palmer 20/13 fráköst, Bryndís Guðmundsdóttir 18/14 fráköst, María Björnsdóttir 13, Berglind Gunnarsdóttir 6, Andrea Björt Ólafsdóttir 5/7 fráköst, Anna Soffía Lárusdóttir 3, Rebekka Rán Karlsdóttir 2, Hugrún Eva Valdimarsdóttir 0/4 fráköst, Sara Diljá Sigurðardóttir 0/4 fráköst, Hrafnhildur Magnúsdóttir 0.Bein lýsing: Keflavík - SnæfellTweets by @Visirkarfa3
Dominos-deild kvenna Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti Virtist ætla að vaða í samherja sinn Fótbolti Dortmund kom til baka á meðan AC Milan og Chelsea unnu örugga sigra Fótbolti Tryggvi Snær í riðlakeppni Evrópubikarsins Körfubolti FH á toppinn eftir sigur í Garðabæ Handbolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Sjá meira