Zaventem-flugvöllur í Brussel verður í fyrsta lagi opnaður að takmörkuðu leyti á morgun en margir mánuðir eru í að hann kemst í fullan rekstur.
Þetta segir flugvallarstjórinn Arnaud Feist í samtali við L’Echo.
Um átta hundruð starfsmenn flugvallarins munu í dag framkvæma prófanir þar sem kannað verður hvort mögulegt verði að starfrækja hluta vallarins og tryggja öryggi.
Sextán manns fórust, auk tveggja árásarmanna, í sprengjuárásinni nærri innrutunarborðunum á Zaventem-flugvelli fyrir viku.
„Ef allir gefa grænt ljós verðum við nálægt því að komast að lausn,“ segir Feist um prófanir dagsins. „Ef það verður þannig og flugfélögin eru reiðubúin og veita samþykki sitt þá gætum við opnað á miðvikudaginn.“
Hann segir þó að flugvöllurinn gæti þá tekið við milli átta hundruð og þúsund farþegum á klukkustund, eða um fimmtungi af því sem áður var.
Hann segir að bíða verði einhverja mánuði þar til völlurinn komist í fullan rekstur.
Margir mánuðir þar til Zaventem kemst aftur í fullan rekstur
Tengdar fréttir
Sprengingar á flugvelli og lestarstöð í Brussel
Samgöngukerfi borgarinnar hefur verið lokað og viðbúnaður settur í hæsta stig.
Íslendingur í Brussel: „Maður er svo vanur því að vera öruggur“
Freyja Steingrímsdóttir segir skemmtilegt að sjá hvað borgarbúar hafa brugðist við árásunum með mikilli samheldni.
Íslendingur í Brussel: „Mikið af blóði og sært fólk“
Sigrún Kristjánsdóttir var stödd í flugstöðinni þegar tvær sprengingar urðu.
