Björt Ólafsdóttir, umhverfis- og auðlindaráðherra, hefur skipað Vilhjálm Árnason formann Þingvallanefndar og Theodóru S. Þorsteinsdóttur varaformann nefndarinnar.
Málefni Þingvallaþjóðgarðs heyra nú undir umhverfis- og auðlindaráðuneyti samkvæmt forsetaúrskurði.
Ráðherra skipar formann og varaformann úr hópi aðalmanna sem kosnir hafa verið af Alþingi til setu í Þingvallanefnd samkvæmt lögum um þjóðgarðinn á Þingvöllum.
Aðalmenn Þingvallanefndar eru þingmennirnir Vilhjálmur Árnason (Sjálfstæðisflokki), Andrés Ingi Jónsson (Vinstri grænum), Páll Magnússon (Sjálfstæðisflokki), Einar Brynjólfsson (Pírötum), Hanna Katrín Friðriksson (Viðreisn), Sigmundur Davíð Gunnlaugsson (Framsóknarflokki) og Theodóra Þorsteinsdóttir (Bjartri framtíð).
