Donald Trump, forseti Bandaríkjanna, lýsti í gær efasemdum sínum um hlutleysi Roberts Mueller sem rannsakar meint afskipti Rússa af forsetakosningum vestra og möguleg tengsl þeirra við framboð Trumps.
Í viðtali við Fox News sagði Trump vináttu Muellers við James Comey, sem Trump rak úr embætti yfirmanns FBI, vera truflandi. Bíða þyrfti og sjá hvort hann færi fram á að Mueller myndi stíga til hliðar. Hann sagði þó að Mueller væri heiðarlegur og góður maður.
Mueller var skipaður sérstakur ráðgjafi dómsmálaráðuneytis Bandaríkjanna við rannsóknina í kjölfar brottreksturs Comeys.
Fjölmiðlar segja að Mueller rannsaki hvort Trump hafi hindrað framgang réttvísinnar en sjálfur hefur Mueller ekki tjáð sig um það.
Trump segir rannsakanda ekki hlutlausan
