Reykjanesið hefur haldið áfram að skjálfa í nótt og í morgun. Fjöldi jarðskjálfta með upptök nærri Fagradalsfjalli hafa mælst þar. Sex skjálftana hafa verið af stærðinni tveir eða meira.
Tveir jarðskjálftar af stærðinni þrír skuku Reykjanesið, norðaustur af Fagradalsfjalli í gærmorgun. Hundruð skjálfta hafa mælst á svæðinu síðasta rúma sólahringinn.
Ekkert lát varð á virkninni í gærkvöldi, nótt og morgun. Samkvæmt sjálfvirkum mæli Veðurstofunnar varð skjálfti upp á 2,9 með upptök austnorðaustur af fjallinu kl. 23:21 í gærkvöldi.
Nú kl. 7 í morgun varð jarðskjálfti af stærðinni 2,3, í þetta skiptið vestsuðvestur af Fagradalsfjalli. Upptök hans voru á 1,1 kílómetra dýpi.
Jarðskjálftahrinan á Reykjanesi heldur áfram
Tengdar fréttir
Jarðskjálftar upp á þrjá riðu yfir Reykjanesskaga
Sextán jarðskjálftar hafa mælst við Fagradalsfjall á Reykjanesi í morgun, þar af tveir af stærðinni þrír.
Jarðskjálfti við Fagradalsfjall fannst vel á höfuðborgarsvæðinu
Jarðskjálfti sem mældist klukkan 11:40 norðaustan í Fagradalssfjalli á Reykjanesi fannst vel á höfuðborgarsvæðinu.
Um 200 skjálftar mælst við Fagradalsfjall á Reykjanesi
Um klukkan tvö leitið í dag fannst einn skjálftinn á höfuðborgarsvæðinu.
Annar snarpur skjálfti sem fannst vel víða
Skjálftinn varð rétt fyrir klukkan 14.
Þriðji stóri skjálftinn varð klukkan 20:25
Skjálfti af stærðinni 3,8 varð austan við Fagradalsfjall á Reykjanesskaga klukkan 20:25 í kvöld.
