Bjarni Benediktsson forsætisráðherra lét sig ekki vanta á leik Íslands og Kósóvó í kvöld þegar landsliðið tryggði sér sæti á HM í sögulegum leik á Laugardalsvelli. Bjarni er mikill fótboltaáhugamaður og gaf sér því tíma til þess að fagna með landsliðinu eftir leikinn. Hann leit við í klefanum hjá landsliðinu og tók meðal annars eina mynd af sér með Aroni Einari fyrirliða. Við myndina skrifaði hann einfaldlega: „Þessi strákur. Og allir hinir! #islandahm.“ Frekari orðvoru óþörf.
Bjarni hafði beðið spenntur eftir leiknum en fyrr í dag birti Svanhildur Hólm aðstoðarkona hans mynd af honum í landsliðstreyju með íslenskan fána í hönd.
Bjarni Ben fagnaði með strákunum inni í klefa eftir leik
Tengdar fréttir
Umfjöllun: Ísland - Kosóvó 2-0 | Ísland á HM
Sigur Íslands í kvöld gegn Kosóvó gulltryggir farseðilinn á HM í Rússlandi næsta sumar.
Ísland á HM │ Gæsahúðarmyndband
Ísland braut í kvöld blað í fótboltasögunni og varð minnsta þjóð í heimi til þess að komast í lokakeppni Heimsmeistarmóts
Twitter eftir farseðilinn á HM: „To Russia with love“
Ísland er búið að tryggja sér farseðilinn á HM í Rússlandi næsta sumar, en þetta var ljóst eftir sigur Íslands á Kósóvó á Laugardalsvelli, 2-0.
