Þótti ekki kynferðisleg áreitni að girða niður um konu á Goslokahátíð Hulda Hólmkelsdóttir skrifar 18. október 2017 16:09 Brotið átti sér stað í júlí árið 2015 þegar Goslokahátíð fór fram í Eyjum. Vísir/Pjetur Héraðsdómur Suðurlands hefur dæmt karlmann á sextugsaldri í þriggja mánaða skilorðsbundið fangelsi fyrir blygðunarsemisbrot gegn konu á Goslokahátíð í Vestmannaeyjum árið 2015. Var manninum gefið að sök að hafa klætt konuna úr buxunum, stungið fingrum sínum upp í munn sinn og í kjölfarið í leggöng konunnar og káfað á kynfærum hennar. Gat konan ekki varið sig sökum ölvunar. Lögreglunni barst tilkynning vegna málsins að morgni 5. Júlí 2015 um að mögulegt kynferðisbrot væri að eiga sér stað. Þegar lögreglan kom á vettvang sat konan á bekk með bakið að húsvegg og maðurinn á móti henni. Svartar síðbuxur konunnar voru niðri á miðjum lærum hennar og virtist maðurinn, sem var fullklæddur og greinilega ölvaður, vera að reyna að hysja upp um hana buxurnar þegar lögreglan kom á vettvang. Að sögn lögreglu leit konan út fyrir að vera sofandi og sýndi engin viðbrögð við lögreglu. Var konan færð á lögreglustöð og þegar hún hafi verið viðræðuhæf hafi hún sagst muna eftir því að ákærði hafi verið að reyna við hana, en hún hafi ekki sýnt honum neinn áhuga. Hann hafði ekki náð að komast að neinum „óþægilegum stöðum“ að hennar sögn. Hún hafi ekki viljað gera neitt í málinu og var því ekið heim.Mynd þar sem hendi sást í klofi konunnar Skömmu seinna sama dag kom tilkynnandinn á lögreglustöðina og hafði meðferðis mynd sem hann hafði tekið á snjallsímann sinn þar sem sjá mátti fólkið sitja við húsgaflinn. Sást á myndinni að konan væri með svartar síðbuxur á hælunum og maðurinn með hendur í klofi hennar. Sagði tilkynnandinn að maðurinn hafi dregið buxurnar niður um brotaþola sem hafi ekki veitt mótspyrnu enda hafi hún verið rænulaus sökum ölvunar. Þá er haft eftir tilkynnandanum í skýrslu að maðurinn hafi í þrígang stungið fingrunum í munn sér og síðan í klof brotaþola. Var maðurinn handtekinn í kjölfarið. Nokkur vitni voru af samskiptum fólksins umrætt kvöld. Könnuðust þau við að maðurinn hafi verið að reyna við konuna en hún ekki tekið vel í framgang mannsins. Í skýrslu hjá lögreglu við rannsókn málsins kannaðist maðurinn við að hafa hitt konuna undir morgun. þau hafi verið að spjalla og sest niður. Hún hafi verið farin að sofna og höfuð hennar hafi verið farið að detta á öxl hans. Kannaðist hann ekki við að hafa gert við konuna en hún hafi verið með vodkapela sem þau hafi bæði drukkið af. Hann sagðist hafa haldið að hann hafi farið heim með leigubíl og muni næst eftir sér þegar hann hafi vaknað heima hjá sér í öllum fötunum þegar lögregla hafi komið að sækja hann.Tvenns konar DNA á fingrum mannsins Maðurinn gekkst undir réttarlæknisfræðilega skoðun þar sem tekið var blóðsýni, strok frá getnaðarlim, fingrum, skaf undan nöglum og munnvatnssýni. Í niðurstöðum þess segir að í stroksýni af tveimur fingrum vinstri handar mannsins hafi verið blanda af erfðaefni tveggja einstaklinga. Annars vegar úr honum sjálfum og var það í meirihluta en í minnihluta hafi verið erfðaefni eins og úr brotaþola. Konan mundi ekkert eftir atburðinum og eins ber maðurinn fyrir sig minnisleysi sökum ölvunar. Í niðurstöðu héraðsdóms segir að hafið sé yfir skynsamlegan vafa að maðurinn hafi girt buxurnar niður um konuna og sett hönd sína á milli læra hennar. Það sé þó ósannað að hann hafi snert kynfæri hennar og því er það niðurstaða dómsins að ekki sé um kynferðisbrot að ræða. „Sú háttsemi sem telst vera hafin yfir skynsamlegan vafa þykir á hinn bóginn fela í sér fullframið brot gegn blygðunarsemi brotaþola og verður sú háttsemi ákærða, sem sönnuð er, heimfærð undir 209. gr. almennra hegningarlaga nr. 19/1940,“ segir í dómnum. Maðurinn var sem fyrr segir dæmdur í þriggja mánaða skilorðsbundið fangelsi. Honum er einnig gert að greiða konunni 100 þúsund krónur og einn sjötta hluta sakarkostnaðar, eða rúmar 500 þúsund krónur. Dómsmál Mest lesið Stærsti óttinn varð að veruleika á þriðja degi af 90 Innlent Rétt náði að stilla hjálminn sem bjargaði lífi dótturinnar Innlent Ökumaður dráttarvélarinnar fluttur með þyrlu Innlent „Af hverju sit ég einn af öllum þessum mönnum fyrir framan dómara?“ Innlent Fjögurra ára martröð Karlottu lauk með sýknudómi Innlent Segir Ísraelsher hafa myrt leiðtoga Hamas Erlent Oscar fluttur úr landi á þriðjudag Innlent Tuttugu ára fangelsisvist fyrir kynferðisbrot gegn 299 börnum Erlent Átta nemendur með ágætiseinkunn Innlent Margt til fyrirmyndar á Íslandi en gerir athugasemd við einangrunarvistun ódæmdra fanga Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira
Héraðsdómur Suðurlands hefur dæmt karlmann á sextugsaldri í þriggja mánaða skilorðsbundið fangelsi fyrir blygðunarsemisbrot gegn konu á Goslokahátíð í Vestmannaeyjum árið 2015. Var manninum gefið að sök að hafa klætt konuna úr buxunum, stungið fingrum sínum upp í munn sinn og í kjölfarið í leggöng konunnar og káfað á kynfærum hennar. Gat konan ekki varið sig sökum ölvunar. Lögreglunni barst tilkynning vegna málsins að morgni 5. Júlí 2015 um að mögulegt kynferðisbrot væri að eiga sér stað. Þegar lögreglan kom á vettvang sat konan á bekk með bakið að húsvegg og maðurinn á móti henni. Svartar síðbuxur konunnar voru niðri á miðjum lærum hennar og virtist maðurinn, sem var fullklæddur og greinilega ölvaður, vera að reyna að hysja upp um hana buxurnar þegar lögreglan kom á vettvang. Að sögn lögreglu leit konan út fyrir að vera sofandi og sýndi engin viðbrögð við lögreglu. Var konan færð á lögreglustöð og þegar hún hafi verið viðræðuhæf hafi hún sagst muna eftir því að ákærði hafi verið að reyna við hana, en hún hafi ekki sýnt honum neinn áhuga. Hann hafði ekki náð að komast að neinum „óþægilegum stöðum“ að hennar sögn. Hún hafi ekki viljað gera neitt í málinu og var því ekið heim.Mynd þar sem hendi sást í klofi konunnar Skömmu seinna sama dag kom tilkynnandinn á lögreglustöðina og hafði meðferðis mynd sem hann hafði tekið á snjallsímann sinn þar sem sjá mátti fólkið sitja við húsgaflinn. Sást á myndinni að konan væri með svartar síðbuxur á hælunum og maðurinn með hendur í klofi hennar. Sagði tilkynnandinn að maðurinn hafi dregið buxurnar niður um brotaþola sem hafi ekki veitt mótspyrnu enda hafi hún verið rænulaus sökum ölvunar. Þá er haft eftir tilkynnandanum í skýrslu að maðurinn hafi í þrígang stungið fingrunum í munn sér og síðan í klof brotaþola. Var maðurinn handtekinn í kjölfarið. Nokkur vitni voru af samskiptum fólksins umrætt kvöld. Könnuðust þau við að maðurinn hafi verið að reyna við konuna en hún ekki tekið vel í framgang mannsins. Í skýrslu hjá lögreglu við rannsókn málsins kannaðist maðurinn við að hafa hitt konuna undir morgun. þau hafi verið að spjalla og sest niður. Hún hafi verið farin að sofna og höfuð hennar hafi verið farið að detta á öxl hans. Kannaðist hann ekki við að hafa gert við konuna en hún hafi verið með vodkapela sem þau hafi bæði drukkið af. Hann sagðist hafa haldið að hann hafi farið heim með leigubíl og muni næst eftir sér þegar hann hafi vaknað heima hjá sér í öllum fötunum þegar lögregla hafi komið að sækja hann.Tvenns konar DNA á fingrum mannsins Maðurinn gekkst undir réttarlæknisfræðilega skoðun þar sem tekið var blóðsýni, strok frá getnaðarlim, fingrum, skaf undan nöglum og munnvatnssýni. Í niðurstöðum þess segir að í stroksýni af tveimur fingrum vinstri handar mannsins hafi verið blanda af erfðaefni tveggja einstaklinga. Annars vegar úr honum sjálfum og var það í meirihluta en í minnihluta hafi verið erfðaefni eins og úr brotaþola. Konan mundi ekkert eftir atburðinum og eins ber maðurinn fyrir sig minnisleysi sökum ölvunar. Í niðurstöðu héraðsdóms segir að hafið sé yfir skynsamlegan vafa að maðurinn hafi girt buxurnar niður um konuna og sett hönd sína á milli læra hennar. Það sé þó ósannað að hann hafi snert kynfæri hennar og því er það niðurstaða dómsins að ekki sé um kynferðisbrot að ræða. „Sú háttsemi sem telst vera hafin yfir skynsamlegan vafa þykir á hinn bóginn fela í sér fullframið brot gegn blygðunarsemi brotaþola og verður sú háttsemi ákærða, sem sönnuð er, heimfærð undir 209. gr. almennra hegningarlaga nr. 19/1940,“ segir í dómnum. Maðurinn var sem fyrr segir dæmdur í þriggja mánaða skilorðsbundið fangelsi. Honum er einnig gert að greiða konunni 100 þúsund krónur og einn sjötta hluta sakarkostnaðar, eða rúmar 500 þúsund krónur.
Dómsmál Mest lesið Stærsti óttinn varð að veruleika á þriðja degi af 90 Innlent Rétt náði að stilla hjálminn sem bjargaði lífi dótturinnar Innlent Ökumaður dráttarvélarinnar fluttur með þyrlu Innlent „Af hverju sit ég einn af öllum þessum mönnum fyrir framan dómara?“ Innlent Fjögurra ára martröð Karlottu lauk með sýknudómi Innlent Segir Ísraelsher hafa myrt leiðtoga Hamas Erlent Oscar fluttur úr landi á þriðjudag Innlent Tuttugu ára fangelsisvist fyrir kynferðisbrot gegn 299 börnum Erlent Átta nemendur með ágætiseinkunn Innlent Margt til fyrirmyndar á Íslandi en gerir athugasemd við einangrunarvistun ódæmdra fanga Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira