Þeir sem sáu leikinn voru ekki sviknir því strax í fyrri hálfleik var allt komið á fullt. LeBron byrjaði á því að skóla gríska fríkið, eins og Antetokounmpo er kallaður, með skemmtilegum snúning og góðu skoti utarlega úr teignum.
Honum hefndist heldur betur fyrir það því skömmu síðar réðist LeBron til atlögu að körfunni með Antetokounmpo fyrir aftan sig en sá gríski varði skot kóngsins allhressilega. Biluð tilþrif.
Það fór svo, eins og svo oft í uppgjöri liða í austurdeildinni, að Cleveland hafði sigur, 124-119, en LeBron James skoraði 30 stig, tók átta fráköst og gaf níu stoðsendingar.
Giannis Antetokounmpo skoraði heil 40 stig, tók níu fráköst og gaf þrjár stoðsendingar. Hann tók ekki þriggja stiga skot í leiknum heldur skoraði úr 16 af 21 skoti inn í teig og nýtti átta af ellefu vítaskotum sínum.
Brot af baráttu kóngsins og hins mögulega arftaka má sjá hér að neðan.
Úrslit næturinnar:
Cleveland Cavaliers - Milwaukee Bucks 124-119
Indiana Pacers - New Orleans Pelicans 112-117
Washington Wizards - Dallas Mavericks 99-113
New York Knicks - Charlotte Hornets 118-113
Toronto Raptors - Chicago Bulls 119-114
San Antonio Spurs - LA Clippers 120-107
Denver Nuggets - Broklyn Nets 112-104
Utah Jazz - Philadelphia 76ers 97-104
Portland Trail Blazers - Memphis Grizzlies 97-98
Sacramento Kings - OKC Thunder 94-86
Giannis Antetokounmpo BIG BLOCK para LeBron James! #NBA pic.twitter.com/3HLxjpapqL
— All Sport News (@All_SportNews) November 8, 2017
