Stoltur og glaður í hjartanu 1. mars 2019 17:30 Sundkappinn Hjalti Geir Guðmundsson klæðist hér stoltur treyju Special Olympics með foreldrum sínum, Jóhönnu Vigdísi Hjaltadóttur og Guðmundi Magnússyni. Mynd/Sigtryggur Ari Hjalti Geir er ákaflega upp með sér að hafa verið valinn til þess að fara á heimsleikana. Hann er svo innilega stoltur og glaður í hjartanu og finnur að þetta er eitthvað stærra og meira,“ segir Jóhanna Vigdís Hjaltadóttir, móðir sundkappans. „Það er sagt um heimsleikana að þátttaka í þeim sé sigurför fyrir sjálfsmyndina og það eru orð að sönnu. Nú er komið ár síðan Hjalti Geir var valinn og ég hef séð hversu mikið það hefur gert fyrir sjálfsmynd hans og sjálfstraust að fá viðurkenningu fyrir að vera duglegur, leggja sig fram, vera stundvís og gera sitt besta. Þetta verður þroskaför því heimsleikarnir eru haldnir svo langt í burtu og Hjalti Geir fer utan með þjálfara og hópnum en ekki okkur, eins og hann er vanur. Það þykir honum spennandi og hann verður svolítið stór við þessa lífsreynslu. Þetta verður þroskandi fyrir hann á svo marga vegu; að vera hluti af hóp, fara eftir fyrirmælum, og að sýna stillingu og þolinmæði sem allt er svo mikilvægt og dýrmætt.“Fann sig í fyrsta sundtíma Það var í skólasundi í Hlíðaskóla sem Hjalti Geir vakti fyrst athygli fyrir sundhæfileika sína. „Þar kom sundkennarinn auga á hversu Hjalti Geir var duglegur að synda og benti Ólafi Ólafssyni, þáverandi formanni íþróttafélagsins Aspar, á Hjalta Geir sem varð til þess að Ólafur hafði samband við okkur og spyr hvort við viljum ekki koma með hann á sundæfingu,“ rifjar Jóhanna Vigdís upp um upphaf sundferils Hjalta Geirs sem þá var sjö ára. „Hjalti Geir fann sig í sundinu á fyrstu sundæfingunni og hefur allar götur síðan æft sund, fyrst í Æfingastöðinni á Háaleitisbraut en þegar hann stækkaði fór hann yfir í Laugardalslaug og æfir nú þar fimm til sex sinnum í viku. Sundið er stór og mikilvægur þáttur í lífi hans og fastur hluti af tilveru hans að fara á æfingu, leggja sig fram og reyna betur í dag en í gær. Honum er mikilvægt að taka þátt í mótum og hitta sundfélagana, en hann er í keppnishóp Asparinnar, afskaplega ánægður og sáttur,“ segir Jóhanna Vigdís. Hjalti Geir hefur líka gríðarlegan áhuga á boltaíþróttum. „Fyrsta táknið sem hann lærði í táknmáli var táknið fyrir bolta. Hann er mikill Valsari en þar er hann á hliðarlínunni á meðan hann keppir á jafnréttisgrundvelli í sundinu. Sterkustu sundgreinar Hjalta Geirs eru baksund og skriðsund en í félagakeppni þykir honum boðsund skemmtilegast.“Hugur Hjalta Geirs hefur dvalið við heimsleika Special Olympics síðan hann var valinn til þess að fara á þá í fyrra. Sjálfstraust hans og sjálfsmynd hafa blómstrað enda er sigurinn unninn með þátttökunni.MYND/SIGTRYGGUR ARIÖll fjölskyldan fer með Heimsleikar Special Olympics verða settir í Abú Dabí fimmtudaginn 14. mars. „Við foreldrar og systkini Hjalta Geirs förum líka út, eins og systir mín með sínar dætur. Elsta dóttir mín á kærasta og þau fara með dóttur sína. Eins og allir þekkja sem eiga fötluð börn verða þau svolítið þungamiðjan í heimilislífinu og við erum öll svo stolt og glöð vegna Hjalta Geirs og tímum alls ekki að missa af þessum viðburði. Við verðum öll samankomin á setningarhátíðinni í Abú Dabí og erum óskaplega spennt,“ segir Jóhanna Vigdís sem hefur oftsinnis fylgt Hjalta Geir á alþjóðleg íþróttamót fatlaðra í Málmey í Svíþjóð. „Það kennir manni mikið að fara á íþróttamót fatlaðs íþróttafólks og breytir hugarfari manns að verða vitni að því að sjá íþróttafólk sem á vantar útlimi eða eru með þaðan af meiri fötlun. Þá skammast maður sín fyrir að kvarta undan bólu á nefinu og gerir það aldrei meir. Fatlað íþróttafólk þarf að leggja svo miklu meira á sig og róðurinn er svo miklu þyngri, en kosturinn við að vera hluti af samfélagi fatlaðra íþróttamanna er að geta keppt á jafnréttisgrundvelli, tekið þátt í íþróttum, verið virkur íþróttamaður, náð árangri, bætt sig og sett sér markmið. Þess vegna er það kallað sigurför fyrir sjálfsmyndina, því það eitt að taka þátt er sigurför. Í því felst sigurinn. Að fá að fara og vera valinn, og maður vinnur því fyrirfram með því að vera þátttakandi í sigurförinni.“Fullur metnaðar og kapps Hjalti Geir er með þroskahömlun og fæddist með klofinn góm og skarð í vör. „Gómurinn hefur lítinn efnivið og því talar Hjalti Geir óskýrt. Hann hefur verið í talþjálfun og tannréttingum síðan hann man eftir sér og farið í margar stórar aðgerðir. Hann stendur nú á tvítugu, lauk stúdentsprófi frá sérnámsbraut Fjölbrautaskólans í Ármúla í fyrra og starfar nú hjá Styrktarfélaginu Ási sem er verndaður vinnustaður og er mjög ánægður í vinnunni,“ upplýsir Jóhanna Vigdís en Hjalti Geir er næstelstur fjögurra barna þeirra Guðmundar Magnússonar. Hún segir hug Hjalta Geirs hafa dvalið við heimsleikana í allan vetur, en alls fara fjórir sundmenn utan í 38 keppenda hópi Íslendinga. „Hjalti Geir er mikil félagsvera og mikill vinur. Hann þekkti einhverja í hópnum fyrir en hefur ekki æft með þessu sundfólki áður, utan eina æfingu sem þau tóku saman fyrr í febrúar. Þá fóru þau saman út að borða á eftir og það þótti honum mjög skemmtilegt.“ Á heimsleika Special Olympics fer þáttagerðarfólk Með okkar augum til að fylgja íslensku keppendunum eftir. „Það finnst mér frábært og ég hlakka til að hitta þau úti. Special Olympics er stærsti íþróttaviðburður heims þetta árið og mikið fjallað um það í erlendum fjölmiðlum, eins og þegar farið var með Special Olympics-eldinn en þá var niðurtalning á CNN,“ upplýsir Jóhanna Vigdís. Heimsleikarnir verða settir 14. mars og standa yfir í viku. „Hjalti Geir hefur mikinn metnað og kom okkur á óvart með að vera mikill keppnismaður. Hann vill auðvitað helst bara vinna, og hefur alltaf viljað það, og hann er með þetta allt upp á tíu. Þess vegna var hann valinn.“ Birtist í Fréttablaðinu Sund Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Sjá meira
Hjalti Geir er ákaflega upp með sér að hafa verið valinn til þess að fara á heimsleikana. Hann er svo innilega stoltur og glaður í hjartanu og finnur að þetta er eitthvað stærra og meira,“ segir Jóhanna Vigdís Hjaltadóttir, móðir sundkappans. „Það er sagt um heimsleikana að þátttaka í þeim sé sigurför fyrir sjálfsmyndina og það eru orð að sönnu. Nú er komið ár síðan Hjalti Geir var valinn og ég hef séð hversu mikið það hefur gert fyrir sjálfsmynd hans og sjálfstraust að fá viðurkenningu fyrir að vera duglegur, leggja sig fram, vera stundvís og gera sitt besta. Þetta verður þroskaför því heimsleikarnir eru haldnir svo langt í burtu og Hjalti Geir fer utan með þjálfara og hópnum en ekki okkur, eins og hann er vanur. Það þykir honum spennandi og hann verður svolítið stór við þessa lífsreynslu. Þetta verður þroskandi fyrir hann á svo marga vegu; að vera hluti af hóp, fara eftir fyrirmælum, og að sýna stillingu og þolinmæði sem allt er svo mikilvægt og dýrmætt.“Fann sig í fyrsta sundtíma Það var í skólasundi í Hlíðaskóla sem Hjalti Geir vakti fyrst athygli fyrir sundhæfileika sína. „Þar kom sundkennarinn auga á hversu Hjalti Geir var duglegur að synda og benti Ólafi Ólafssyni, þáverandi formanni íþróttafélagsins Aspar, á Hjalta Geir sem varð til þess að Ólafur hafði samband við okkur og spyr hvort við viljum ekki koma með hann á sundæfingu,“ rifjar Jóhanna Vigdís upp um upphaf sundferils Hjalta Geirs sem þá var sjö ára. „Hjalti Geir fann sig í sundinu á fyrstu sundæfingunni og hefur allar götur síðan æft sund, fyrst í Æfingastöðinni á Háaleitisbraut en þegar hann stækkaði fór hann yfir í Laugardalslaug og æfir nú þar fimm til sex sinnum í viku. Sundið er stór og mikilvægur þáttur í lífi hans og fastur hluti af tilveru hans að fara á æfingu, leggja sig fram og reyna betur í dag en í gær. Honum er mikilvægt að taka þátt í mótum og hitta sundfélagana, en hann er í keppnishóp Asparinnar, afskaplega ánægður og sáttur,“ segir Jóhanna Vigdís. Hjalti Geir hefur líka gríðarlegan áhuga á boltaíþróttum. „Fyrsta táknið sem hann lærði í táknmáli var táknið fyrir bolta. Hann er mikill Valsari en þar er hann á hliðarlínunni á meðan hann keppir á jafnréttisgrundvelli í sundinu. Sterkustu sundgreinar Hjalta Geirs eru baksund og skriðsund en í félagakeppni þykir honum boðsund skemmtilegast.“Hugur Hjalta Geirs hefur dvalið við heimsleika Special Olympics síðan hann var valinn til þess að fara á þá í fyrra. Sjálfstraust hans og sjálfsmynd hafa blómstrað enda er sigurinn unninn með þátttökunni.MYND/SIGTRYGGUR ARIÖll fjölskyldan fer með Heimsleikar Special Olympics verða settir í Abú Dabí fimmtudaginn 14. mars. „Við foreldrar og systkini Hjalta Geirs förum líka út, eins og systir mín með sínar dætur. Elsta dóttir mín á kærasta og þau fara með dóttur sína. Eins og allir þekkja sem eiga fötluð börn verða þau svolítið þungamiðjan í heimilislífinu og við erum öll svo stolt og glöð vegna Hjalta Geirs og tímum alls ekki að missa af þessum viðburði. Við verðum öll samankomin á setningarhátíðinni í Abú Dabí og erum óskaplega spennt,“ segir Jóhanna Vigdís sem hefur oftsinnis fylgt Hjalta Geir á alþjóðleg íþróttamót fatlaðra í Málmey í Svíþjóð. „Það kennir manni mikið að fara á íþróttamót fatlaðs íþróttafólks og breytir hugarfari manns að verða vitni að því að sjá íþróttafólk sem á vantar útlimi eða eru með þaðan af meiri fötlun. Þá skammast maður sín fyrir að kvarta undan bólu á nefinu og gerir það aldrei meir. Fatlað íþróttafólk þarf að leggja svo miklu meira á sig og róðurinn er svo miklu þyngri, en kosturinn við að vera hluti af samfélagi fatlaðra íþróttamanna er að geta keppt á jafnréttisgrundvelli, tekið þátt í íþróttum, verið virkur íþróttamaður, náð árangri, bætt sig og sett sér markmið. Þess vegna er það kallað sigurför fyrir sjálfsmyndina, því það eitt að taka þátt er sigurför. Í því felst sigurinn. Að fá að fara og vera valinn, og maður vinnur því fyrirfram með því að vera þátttakandi í sigurförinni.“Fullur metnaðar og kapps Hjalti Geir er með þroskahömlun og fæddist með klofinn góm og skarð í vör. „Gómurinn hefur lítinn efnivið og því talar Hjalti Geir óskýrt. Hann hefur verið í talþjálfun og tannréttingum síðan hann man eftir sér og farið í margar stórar aðgerðir. Hann stendur nú á tvítugu, lauk stúdentsprófi frá sérnámsbraut Fjölbrautaskólans í Ármúla í fyrra og starfar nú hjá Styrktarfélaginu Ási sem er verndaður vinnustaður og er mjög ánægður í vinnunni,“ upplýsir Jóhanna Vigdís en Hjalti Geir er næstelstur fjögurra barna þeirra Guðmundar Magnússonar. Hún segir hug Hjalta Geirs hafa dvalið við heimsleikana í allan vetur, en alls fara fjórir sundmenn utan í 38 keppenda hópi Íslendinga. „Hjalti Geir er mikil félagsvera og mikill vinur. Hann þekkti einhverja í hópnum fyrir en hefur ekki æft með þessu sundfólki áður, utan eina æfingu sem þau tóku saman fyrr í febrúar. Þá fóru þau saman út að borða á eftir og það þótti honum mjög skemmtilegt.“ Á heimsleika Special Olympics fer þáttagerðarfólk Með okkar augum til að fylgja íslensku keppendunum eftir. „Það finnst mér frábært og ég hlakka til að hitta þau úti. Special Olympics er stærsti íþróttaviðburður heims þetta árið og mikið fjallað um það í erlendum fjölmiðlum, eins og þegar farið var með Special Olympics-eldinn en þá var niðurtalning á CNN,“ upplýsir Jóhanna Vigdís. Heimsleikarnir verða settir 14. mars og standa yfir í viku. „Hjalti Geir hefur mikinn metnað og kom okkur á óvart með að vera mikill keppnismaður. Hann vill auðvitað helst bara vinna, og hefur alltaf viljað það, og hann er með þetta allt upp á tíu. Þess vegna var hann valinn.“
Birtist í Fréttablaðinu Sund Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Sjá meira