Landslið Íslands í hestaíþróttum valið og er hér eftir virkt allt árið um kring Óskar Ófeigur Jónsson skrifar 25. febrúar 2019 17:00 Landsliðshóp Íslands í hestaíþróttum 2019. Mynd/Landssamband hestamannafélaga Landssamband hestamannafélaga tilkynnti landsliðshóp LH í hestaíþróttum í Bláa Lóninu í gær en um leið voru gerðar opinberar breyttar áherslur í afreksmálum hjá Landssambandi hestamannafélaga. Hingað til hefur landslið Íslands á HM í hestaíþróttum verið valið út frá svokölluðum lykli og úrtökumóti. Á úrtökumótinu gátu fimm knapar tryggt sér sæti í landsliðinu og liðstjórinn valdi tvo í viðbót, var þá meðal annars litið til árangurs á Íslandsmóti og keppnisárangurs íslenskra knapa erlendis. Landsliðið var svo kynnt rúmum mánuði fyrir HM og má segja að landsliðið hafi verið virkt í rétt rúma tvo mánuði sem er afar stuttur tími og áherslan skiljanlega einungis á þann viðburð. Breytingin sem LH hefur gert á landsliðsmálum er að landsliðshópur LH verður virkur allt árið um kring og mun koma að ýmsum viðburðum, mótum og sýningum sem eru til þess fallnar að efla hestaíþróttina og styrkja liðið til árangurs. Með því að halda úti virkum landsliðshóp gefst tækifæri til að sinna betur markvissu afreksstarfi í hestaíþróttum þar sem áhersla er lögð á knapann sem íþróttamann. Meðal annars verður starfrækt fagteymi sérfræðinga á heilbrigðis- og íþróttasviði, sem verða landsliðsknöpum innan handar í sinni þjálfun. Ætlunin er að halda áfram með þær mælingar sem LH, í samstarfi við Háskólann í Reykjavík, lét gera á landsliðsknöpum 2017 og á afrekshóp ungmenna LH síðastliðin ár. Það sem felst í markvissu afreksstarfi er meðal annars að byggja upp afreksíþróttamenn, afreksknapa í þessu tilfelli, með langtímamarkmið í huga og skapa umhverfi þar sem afreksknapi getur bætt sig í sinni íþrótt, til að auka líkur á enn betri árangri á komandi stórmótum. Sá landsliðshópur sem er virkur ár hvert verður í forvali þegar valdir eru keppendur fyrir Íslands hönd á Heimsmeistaramót og Norðurlandamót. Landsliðsþjálfari getur þó tekið inn í liðið nýja knapa sem sýnt hafa framúrskarandi árangur í keppni, með skömmum fyrirvara, ef hann telur að það muni styrkja landsliðið. Markvisst endurval knapa, byggt á keppnisárangri og mati landsliðsþjálfara, er þó sífellt í gangi. Sigurbjörn Bárðason sem ráðinn var liðstjóri landsliðs Íslands í janúar 2018 verður nú titlaður landsliðsþjálfari líkt og í öðrum íþróttagreinum. Arnar Bjarki Sigurðarson sem var liðstjóri afrekshóps LH verður landsliðsþjálfari U21 landsliðshóps LH, það er næsta skref sem LH tekur í afreksmálum og verður U21 landsliðið kynnt innan tíðar. Sigurbjörn hefur yfirumsjón með báðum hópum en mikið samstarf verður á milli landsliðsþjálfaranna. Fyrsta stóra verkefni landsliðsins er Heimsmeistaramót í Berlín í byrjun ágúst. Þar munu keppa sjö landsliðsknapar í flokki fullorðinna, fimm knapar úr U-21 landsliðshópnum og fjórir titilhafar sem munu verja heimsmeistaratitla sína frá því á HM 2017 og eiga því öruggt sæti í liðinu að þessu sinni. Titilhafarnir eru Jakob Svavar Sigurðsson, Gústaf Ásgeir Hinriksson, Konráð Valur Sveinsson og Máni Hilmarsson. Valið á landsliðinu sjálfu, þ.e. þeir sem verða valdir til að fara á HM og keppa fyrir Íslands hönd, verður einnig með breyttu sniði. Miðað verður við árangur m.a. á WorldRanking-mótum og Íslandsmóti, en ekki haldin sérstök úrtökumót eins og tíðkaðist áður. Liðið verður tilkynnt fomlega í Líflandi eftir Íslandsmót sem verður haldið fyrstu helgina í júlí. Knapar í landsliðshóp LH eru skyldugir til að mæta á um helming viðburða á dagskrá landsliðsins, skyldumæting er á ákveðna forgangsviðburði, m.a. tiltekin WorldRanking mót, Íslandsmót og „Þeir allra sterkustu“ sem er fjáröflunarviðburður landsliðsnefndar. Annað sem er á dagskrá landsliðsins er t.d. mælingar, fræðsla, undirbúningsfundir o.s.frv. Landsliðshóp LH skipa 19 afreksknapar í fremstu röð í hestaíþróttum hérlendis og erlendis og þrír titilhafar í ungmennaflokki frá því á HM 2017 en þeir hafa ekki fasta setu í landsliðshópnum enn sem komið er en tilheyra hópnum fram yfir HM.Þeir 19 afreksknapar sem valdir hafa verið í landsliðshópinn eru: Aðalheiður Anna Guðjónsdóttir Árni Björn Pálsson Ásmundur Ernir Snorrason Bergþór Eggertsson Guðmundur Björgvinsson Hanna Rún Ingibergsdóttir Haukur Tryggvason Helga Una Björnsdóttir Hinrik Bragason Hulda Gústafsdóttir Jakob Svavar Sigurðsson, titilhafi frá HM 2017 Jóhanna Margrét Snorradóttir Jóhann Skúlason Siguroddur Pétursson Sylvía Sigurbjörnsdóttir Teitur Árnason Viðar Ingólfsson Þórarinn Eymundsson Þórarinn RagnarssonTitilhafar úr ungmennaflokki frá því á HM 2017 eru: Gústaf Ásgeir Hinriksson Konráð Valur Sveinsson Máni Hilmarsson Hestar Mest lesið Gætu hent Crystal Palace út úr Evrópudeildinni Enski boltinn Leikmenn ensku stórliðanna kvarta við leikmannasamtökin Enski boltinn Vildi halda áfram með Stólana Körfubolti Leikmaður Barcelona fékk nýfætt barn í fangið frá stuðningsmanni Fótbolti Blessaði Ancelotti við styttuna af Jesú Kristi í Ríó Fótbolti UEFA breytir reglu í Meistaradeildinni Fótbolti „Okkar markmið hefur alltaf verið að vera í toppbaráttunni“ Íslenski boltinn Edda Sif fyrst kvenna kjörin formaður SÍ Sport Umfjöllun: Valur-Fram 2-1 | Níu stig í Valshúsi á níu dögum Íslenski boltinn Tekur við liðinu sem hann barðist við í mörg ár Fótbolti Fleiri fréttir Blessaði Ancelotti við styttuna af Jesú Kristi í Ríó Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni „Okkar markmið hefur alltaf verið að vera í toppbaráttunni“ Leikmaður Barcelona fékk nýfætt barn í fangið frá stuðningsmanni Umfjöllun: Valur-Fram 2-1 | Níu stig í Valshúsi á níu dögum UEFA breytir reglu í Meistaradeildinni Tekur við liðinu sem hann barðist við í mörg ár Vildi halda áfram með Stólana Leikmenn í liði íslenskrar landsliðskonu féllu á lyfjaprófi Neymar reyndi að skora eins og Maradona en fékk rauða spjaldið Jamil og Margrét áfram: Bæði með mikinn metnað og mikið keppnisskap Lögmálið: Þetta lítur ekki vel út fyrir Zion Man. City vill fá bakvörð frá Úlfunum Svona var blaðamannafundur Íslands fyrir Frakklandsleikinn Edda Sif fyrst kvenna kjörin formaður SÍ KA fer beint í aðra umferð Beckham óánægður með hegðun leikmanna Manchester United „Getum alveg fundið glufur“ gegn Frakklandi Átti stórleik degi eftir að systir hans lést Magnus Carlsen brjálaðist og lamdi í skákborðið Heiðrún og Jóhannes unnu Hvaleyrarbikarinn í fyrsta sinn „Heimsmeistaramót félagsliða hefur okkur að féþúfu“ „Lengi dreymt um að keppa við þá“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjóðheitur Scheffler tryggði titil sem aðeins Tiger hafði tekist að verja Sjáðu miðjumark Sverris, tvennu Tobiasar, rautt á Alex og Atla stela sigri Fögnuðu með skrúðgöngu í skugga óeirða Ísak veit að hann verður hataður: „Ungur strákur átti sér draum“ Sjá meira
Landssamband hestamannafélaga tilkynnti landsliðshóp LH í hestaíþróttum í Bláa Lóninu í gær en um leið voru gerðar opinberar breyttar áherslur í afreksmálum hjá Landssambandi hestamannafélaga. Hingað til hefur landslið Íslands á HM í hestaíþróttum verið valið út frá svokölluðum lykli og úrtökumóti. Á úrtökumótinu gátu fimm knapar tryggt sér sæti í landsliðinu og liðstjórinn valdi tvo í viðbót, var þá meðal annars litið til árangurs á Íslandsmóti og keppnisárangurs íslenskra knapa erlendis. Landsliðið var svo kynnt rúmum mánuði fyrir HM og má segja að landsliðið hafi verið virkt í rétt rúma tvo mánuði sem er afar stuttur tími og áherslan skiljanlega einungis á þann viðburð. Breytingin sem LH hefur gert á landsliðsmálum er að landsliðshópur LH verður virkur allt árið um kring og mun koma að ýmsum viðburðum, mótum og sýningum sem eru til þess fallnar að efla hestaíþróttina og styrkja liðið til árangurs. Með því að halda úti virkum landsliðshóp gefst tækifæri til að sinna betur markvissu afreksstarfi í hestaíþróttum þar sem áhersla er lögð á knapann sem íþróttamann. Meðal annars verður starfrækt fagteymi sérfræðinga á heilbrigðis- og íþróttasviði, sem verða landsliðsknöpum innan handar í sinni þjálfun. Ætlunin er að halda áfram með þær mælingar sem LH, í samstarfi við Háskólann í Reykjavík, lét gera á landsliðsknöpum 2017 og á afrekshóp ungmenna LH síðastliðin ár. Það sem felst í markvissu afreksstarfi er meðal annars að byggja upp afreksíþróttamenn, afreksknapa í þessu tilfelli, með langtímamarkmið í huga og skapa umhverfi þar sem afreksknapi getur bætt sig í sinni íþrótt, til að auka líkur á enn betri árangri á komandi stórmótum. Sá landsliðshópur sem er virkur ár hvert verður í forvali þegar valdir eru keppendur fyrir Íslands hönd á Heimsmeistaramót og Norðurlandamót. Landsliðsþjálfari getur þó tekið inn í liðið nýja knapa sem sýnt hafa framúrskarandi árangur í keppni, með skömmum fyrirvara, ef hann telur að það muni styrkja landsliðið. Markvisst endurval knapa, byggt á keppnisárangri og mati landsliðsþjálfara, er þó sífellt í gangi. Sigurbjörn Bárðason sem ráðinn var liðstjóri landsliðs Íslands í janúar 2018 verður nú titlaður landsliðsþjálfari líkt og í öðrum íþróttagreinum. Arnar Bjarki Sigurðarson sem var liðstjóri afrekshóps LH verður landsliðsþjálfari U21 landsliðshóps LH, það er næsta skref sem LH tekur í afreksmálum og verður U21 landsliðið kynnt innan tíðar. Sigurbjörn hefur yfirumsjón með báðum hópum en mikið samstarf verður á milli landsliðsþjálfaranna. Fyrsta stóra verkefni landsliðsins er Heimsmeistaramót í Berlín í byrjun ágúst. Þar munu keppa sjö landsliðsknapar í flokki fullorðinna, fimm knapar úr U-21 landsliðshópnum og fjórir titilhafar sem munu verja heimsmeistaratitla sína frá því á HM 2017 og eiga því öruggt sæti í liðinu að þessu sinni. Titilhafarnir eru Jakob Svavar Sigurðsson, Gústaf Ásgeir Hinriksson, Konráð Valur Sveinsson og Máni Hilmarsson. Valið á landsliðinu sjálfu, þ.e. þeir sem verða valdir til að fara á HM og keppa fyrir Íslands hönd, verður einnig með breyttu sniði. Miðað verður við árangur m.a. á WorldRanking-mótum og Íslandsmóti, en ekki haldin sérstök úrtökumót eins og tíðkaðist áður. Liðið verður tilkynnt fomlega í Líflandi eftir Íslandsmót sem verður haldið fyrstu helgina í júlí. Knapar í landsliðshóp LH eru skyldugir til að mæta á um helming viðburða á dagskrá landsliðsins, skyldumæting er á ákveðna forgangsviðburði, m.a. tiltekin WorldRanking mót, Íslandsmót og „Þeir allra sterkustu“ sem er fjáröflunarviðburður landsliðsnefndar. Annað sem er á dagskrá landsliðsins er t.d. mælingar, fræðsla, undirbúningsfundir o.s.frv. Landsliðshóp LH skipa 19 afreksknapar í fremstu röð í hestaíþróttum hérlendis og erlendis og þrír titilhafar í ungmennaflokki frá því á HM 2017 en þeir hafa ekki fasta setu í landsliðshópnum enn sem komið er en tilheyra hópnum fram yfir HM.Þeir 19 afreksknapar sem valdir hafa verið í landsliðshópinn eru: Aðalheiður Anna Guðjónsdóttir Árni Björn Pálsson Ásmundur Ernir Snorrason Bergþór Eggertsson Guðmundur Björgvinsson Hanna Rún Ingibergsdóttir Haukur Tryggvason Helga Una Björnsdóttir Hinrik Bragason Hulda Gústafsdóttir Jakob Svavar Sigurðsson, titilhafi frá HM 2017 Jóhanna Margrét Snorradóttir Jóhann Skúlason Siguroddur Pétursson Sylvía Sigurbjörnsdóttir Teitur Árnason Viðar Ingólfsson Þórarinn Eymundsson Þórarinn RagnarssonTitilhafar úr ungmennaflokki frá því á HM 2017 eru: Gústaf Ásgeir Hinriksson Konráð Valur Sveinsson Máni Hilmarsson
Hestar Mest lesið Gætu hent Crystal Palace út úr Evrópudeildinni Enski boltinn Leikmenn ensku stórliðanna kvarta við leikmannasamtökin Enski boltinn Vildi halda áfram með Stólana Körfubolti Leikmaður Barcelona fékk nýfætt barn í fangið frá stuðningsmanni Fótbolti Blessaði Ancelotti við styttuna af Jesú Kristi í Ríó Fótbolti UEFA breytir reglu í Meistaradeildinni Fótbolti „Okkar markmið hefur alltaf verið að vera í toppbaráttunni“ Íslenski boltinn Edda Sif fyrst kvenna kjörin formaður SÍ Sport Umfjöllun: Valur-Fram 2-1 | Níu stig í Valshúsi á níu dögum Íslenski boltinn Tekur við liðinu sem hann barðist við í mörg ár Fótbolti Fleiri fréttir Blessaði Ancelotti við styttuna af Jesú Kristi í Ríó Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni „Okkar markmið hefur alltaf verið að vera í toppbaráttunni“ Leikmaður Barcelona fékk nýfætt barn í fangið frá stuðningsmanni Umfjöllun: Valur-Fram 2-1 | Níu stig í Valshúsi á níu dögum UEFA breytir reglu í Meistaradeildinni Tekur við liðinu sem hann barðist við í mörg ár Vildi halda áfram með Stólana Leikmenn í liði íslenskrar landsliðskonu féllu á lyfjaprófi Neymar reyndi að skora eins og Maradona en fékk rauða spjaldið Jamil og Margrét áfram: Bæði með mikinn metnað og mikið keppnisskap Lögmálið: Þetta lítur ekki vel út fyrir Zion Man. City vill fá bakvörð frá Úlfunum Svona var blaðamannafundur Íslands fyrir Frakklandsleikinn Edda Sif fyrst kvenna kjörin formaður SÍ KA fer beint í aðra umferð Beckham óánægður með hegðun leikmanna Manchester United „Getum alveg fundið glufur“ gegn Frakklandi Átti stórleik degi eftir að systir hans lést Magnus Carlsen brjálaðist og lamdi í skákborðið Heiðrún og Jóhannes unnu Hvaleyrarbikarinn í fyrsta sinn „Heimsmeistaramót félagsliða hefur okkur að féþúfu“ „Lengi dreymt um að keppa við þá“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjóðheitur Scheffler tryggði titil sem aðeins Tiger hafði tekist að verja Sjáðu miðjumark Sverris, tvennu Tobiasar, rautt á Alex og Atla stela sigri Fögnuðu með skrúðgöngu í skugga óeirða Ísak veit að hann verður hataður: „Ungur strákur átti sér draum“ Sjá meira