Kim Jong-un, leiðtogi Norður-Kóreu, sakar Bandaríkjamenn um að hafa komið fram af óheilindum á leiðtogafundi ríkjanna sem fram fór fyrr á árinu. Þetta kom fram í máli hans eftir leiðtogafund hans og Vladimirs Pútíns, Rússlandsforseta, sem fram fór í gær í rússnesku borginni Vladivostok.
Kim sagði einnig að það væri algjörlega undir Bandaríkjamönnum komið hvort takist að stilla til friðar á Kóreuskaganum og tók fram að ástandið væri mjög viðkvæmt á svæðinu eins og er og að brugðið gæti til beggja vona.
Pútín, sem einnig þekktist boð Kims um að koma í opinbera heimsókn til Norður-Kóreu innan tíðar, sagði að tími væri kominn til að láta alþjóðalög leysa deiluna á Kóreuskaga, ekki þýddi að láta þann sterkasta ávallt ráða og vísaði þar til Bandaríkjanna.
Kim Jong-un sakar Bandaríkjamenn um óheilindi
Tengdar fréttir
Kim og Pútín hyggjast efla samskipti Norður-Kóreu og Rússlands
Þeir Vladimír Putín Rússlandsforseti og Kim Jong-un, leiðtogi Norður-Kóreu, ætla að efla samskipti ríkjanna tveggja til muna.
Kim sækir Pútín heim
Kim Jong-un, einræðisherra Norður-Kóreu, mun ferðast til Rússlands og eiga þar fund með Vladímír Pútín, forseta Rússa. Frá þessu var greint í norðurkóreska ríkissjónvarpinu, KCNA, í gær.
