Fjórir eru í haldi lögreglunnar á höfuðborgarsvæðinu vegna rannsóknar hennar á skipulagðri brotastarfsemi. Vísir greindi frá handtökunum fyrr í dag.
Í tilkynningu frá lögreglu segir að fjórmenningarnir, sem handteknir voru í gær, hafi verið úrskurðaðir í gæsluvarðhald til 21. júní á grundvelli rannsóknarhagsmuna.
Rannsókn lögreglu snúi meðal annars að framleiðslu fíkniefna og peningaþvætti, en ráðist var í níu húsleitir vegna þessa og hafi því um mjög viðamiklar aðgerðir verið að ræða.
„Alls voru sjö handteknir og hafa fjórir þeirra verið úrskurðaðir í gæsluvarðhald eins og áður sagði.
Rannsókn málsins er á frumstigi og lögreglan getur ekki veitt frekari upplýsingar að svo stöddu,“ segir í tilkynningunni.
Fjórir í gæsluvarðhaldi vegna rannsóknar lögreglu á skipulagðri glæpastarfsemi
Tengdar fréttir
Nokkrir handteknir í aðgerðum lögreglu í morgun
Nokkrir voru handteknir í aðgerðum lögreglunnar á höfuðborgarsvæðinu í tengslum við umfangsmikið fíkniefnamál í morgun. Tilkynningu er að vænta frá embættinu vegna málsins
