Reykjavíkurborg og Orkuveitan auglýstu fyrr á þessu ári að opnað hefði verið fyrir umsóknir um styrki vegna uppsetninga hleðslustöðva fyrir rafbíla við fjöleignarhús.
14 umsóknir bárust fyrir 1. september, þegar upprunalegur frestur rann út. Einungis níu af þeim voru í samræmi við úthlutunarreglur sjóðsins. Ein umsókn hefur borist efir 1. september og sú umsókn var samþykkt. Samtals hafa 10 umsóknir verið samþykktar. Það sem af er hafa rúmlega 13,5 milljónir verið veittar í styrki.
Gert er ráð fyrir því að 40 milljónir verði settar í sjóðinn árlega og því eru enn eftir rúmar 26 milljónir króna í sjóðnum.
Samkvæmt Jóni Halldóri Jónassyni, upplýsingafulltrúa hjá Reykjavíkurborg er enn opið fyrir umsóknir. Umsóknir sem berast verða teknar fyrir í þeirri röð sem þær koma inn.
Jöfn dreifing eftir hverfum
Skiptingin milli hverfa er nokkuð jöfn. Það bárust fjórar umsóknir úr póstnúmeri 101, þrjár umsóknir úr 104, ein úr 105, tvær úr 107, ein úr 108, ein úr 109, tvær úr 110 og ein úr 112.
Nánari upplýsingar um styrkina má finna á heimasíðu Reykjavíkurborgar.
14 fjöleignarhús vildu styrk til uppsetningar hleðslustöðvar
Tengdar fréttir
Kynntu innviðauppbyggingu fyrir orkuskipti í samgöngum
Hleðslustöðvum verður fjölgað um landið, ráðist verður í átak til að rafvæða bílaleigubíla og lög um fjöleignarhús verða aðlöguð til að liðka til fyrir rafbílavæðingu.
Setja upp níutíu hleðslustöðvar fyrir rafbíla í Reykjavík
Reykjavíkurborg og Orkuveitan ætla einnig að stofna sjóð sem á að styrkja húsfélög sem vilja setja upp hleðslustöðvar fyrir rafbíla.
Vara við því að fólk hlaði rafbíla í heimilistenglum að staðaldri
Venjulegir heimilistenglar eru ekki gerðir fyrir svo mikla og langa notkun og þá sem þarf til að hlaða rafknúnar bifreiðar.
