„Náði öllum markmiðunum sem mér voru sett“

Mauricio Pochettino segist hafa náð öllum þeim markmiðum sem Tottenham bað hann um.

Argentínumaðurinn var rekinn frá Tottenham fyrr í mánuðinum eftir fimm og hálft ár við stjórnvöllinn.

Pochettino náði að fara með Tottenham í úrslitaleik Meistaradeidlarinnar á sdíðasta tímabili og gerði liðið að fastaliði á meðal fjögurra efstu í ensku úrvalsdeildinni.

Tottenham gekk hins vegar illa á þessu tímabili í ensku úrvalsdeildinni sem endaði með því að Pochettino var rekinn.

„Ég vil þakka eigandanum og Daniel Levy fyrir það að gefa mér tækifæri til þess að vera hluti af sögu Tottenham Hotspur,“ sagði Pochettino í tilkynningu.

„Ég vil þakka öllum sem ég hitti hjá Tottenham, starfsfólki og leikmönnum.“

„Ég gerði mitt besta og náði öllum þeim markmiðum sem mér voru sett,“ sagði Pochettino.