Fiorentina hefur gert Grikklandsmeisturum PAOK tilboð í Sverri Inga Ingason.
Íslendingavaktin greinir frá og vitnar í gríska fjölmiðilinn To10.gr.
Samkvæmt honum hljóðaði tilboð Fiorentina upp á 4,5 milljónir evra. Talið er að ítalska félagið þurfi að hækka það talsvert til að PAOK sé tilbúið að selja Sverri.
Fyrr í vikunni staðfesti njósnari Fiorentina, Fabrizio Bertucci, að félagið væri með Sverri í sigtinu.
Íslenski landsliðsmaðurinn gekk í raðir PAOK í byrjun þessa árs. Hann skrifaði undir þriggja ára samning við PAOK. Í honum er riftunarákvæði upp á 20 milljónir evra.
Sverrir hefur leikið afar vel með PAOK upp á síðkastið. Hann hefur verið í byrjunarliðinu í síðustu tíu leikjum PAOK og skorað fjögur mörk. Tvö þeirra komu í 5-1 sigri á Atromitos á Þorláksmessu.
PAOK er með tveggja stiga forskot á toppi grísku úrvalsdeildarinnar.
Fiorentina býður í Sverri
Tengdar fréttir
Sverrir skoraði er PAOK fór á toppinn
Sverrir Ingi Ingason hélt áfram frábæru formi sínu með gríska liðinu PAOK í kvöld. Hann var á markaskónum þegar PAOK hafði betur gegn Atromitos.
Njósnari Fiorentina staðfestir að félagið fylgist með Sverri
Sverrir Ingi Ingason, landsliðsmaður og varnarmaður PAOK í Grikklandi, er á óskalista ítalska liðsins Fiorentina.
