Göngin undir Breiðadals- og Botnsheiði á Vestfjörðum (Vestfjarðagöng) hafa verið lokuð eftir að umferðaróhapp varð í gangamunnanum, Tungudalsmegin.
Þetta kemur fram í tilkynningu á Facebook-síðu lögreglunnar á Vestfjörðum. Þar segir ennfremur að meiðsl hafi ekki verið alvarleg.
„Lögreglan er að vinna á vettvangi og eru göngin því lokuð fyrir umferð. Vænta má þess að opnað verði fyrir umferð fljótlega."
