Fjöldi látinna í Kína af völdum Wuhan-veirunnar svokölluðu er nú kominn í 81 einstakling og um 3000 staðfest smit eru nú þekkt.
Yfirvöld hafa ákveðið að framlengja frí landsmanna vegna komu nýs árs um þrjá daga til að reyna að hefta útbreiðslu veirunnar.
Forsætisráðherra Kína Li Kequiang heimsótti Wuhan í morgun en þar á veiran upptök sín. Flest dauðsföllin eru í héraðinu Wubei hvar Wuhan er höfuðborgin, 76 alls.
Wuhan-borg hefur verið lokað og í fleiri borgum á svæðinu hefur ferðabann verið sett á. Af þeim tæplega 3000 sem eru smitaðir í Kína eru um 460 alvarlega veikir en tekist hefur að lækna 51 einstakling og útskrifa af spítala.
Að minnsta kosti 44 tilfelli hafa síðan verið staðfest utan Kína, í Tælandi, Bandaríkjunum og í Ástralíu, svo dæmi séu tekin.
Uppfært klukkan 08:20 með nýrri tölu um fjölda látinna.
81 látin vegna Wuhan-veirunnar og um 3000 staðfest smit
Tengdar fréttir
Wuhan-veiran breiðist hraðar út en áður og einkennalausir smita
Þetta gerir það að verkum að erfiðara er að halda útbreiðslu veirunnar í skefjum.
Wuhan-veiran vekur upp slæmar minningar um Sars-faraldurinn
Rúmlega 40 eru látnir og um fjórtán hundruð smitaðir á heimsvísu af WUHAN-veirunni svokölluðu. Faraldurinn hefur haft víðtæk áhrif á Kína þar sem þar sem neyðarástandi hefur verið lýst yfir í stórborgum til að hefta úbreiðslu.
Fleiri dauðsföll, annar neyðarspítali og „alvarlegt“ ástand
Alls hafa nú 56 látist af völdum Wuhan-veirunnar, nýs afbrigðis af kórónaveiru.
