Utah vann ellefta leikinn í röð í nótt er þeir höfðu betur gegn Dallas á heimavelli. Þeir eru á fljúgandi siglingu og fátt virðist fá þá stöðvað. 25 stig frá Luka Doncic dugði ekki til gegn 32 Bojan Bogdanovic hjá Utah.
Nikola Jokic var magnaður fyrir Denver gegn San Antonio í nótt. Það dugði hins vegar ekki til. Jokic gerði 35 stig og tók tíu fráköst en Denver tapaði að endingu með tíu stiga mun, 119-109.
Einu sinni sem oftar var það Giannis Antetokounmpo sem dró vagninn fyrir Milwaukee. Hann skoraði 38 stig og tók ellefu fráköst er Milwaukee tapaði naumlega egn New Orleans á útivelli, 126-131.
Í Washington bauð Trae Young upp á stórleik. Hann gerði 41 stig og það dugði til sigurs gegn Russel Westbrook og félögum í Washington, lokatölur 116-100.
Leikir næturinnar:
Atlanta - Washington 116-100
Indiana - Charlotte 105-108
Milwaukee - New Orleans 126-131
Cleveland - New York 81-102
Sacramento - Toronto 126-124
Philadelphia - Minnesota 118-94
LA Clippers - Orlando 116-90
Brooklyn - Oklahoma City 147-125
Denver - San Antonio 109-119
Dallas - Utah 101-102
NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
