Annað þeirra átti Sigríður Á. Andersen, fyrrverandi dómsmálaráðherra Sjálfstæðisflokksins, sem hefur ítrekað mótmælt ákvörðunum ríkisstjórnarinnar í tengslum við kórónuveirufaraldurinn.
Hitt var frá Olgu Margréti Ciliu, varaþingmanni Pírata, sem tók sæti á Alþingi fyrr í þessum mánuði í staðinn fyrir Þórhildi Sunnu Ævarsdóttur, sem er í fæðingarorlofi. Olga hafði einnig tekið sæti Þórhildar Sunnu stuttlega í febrúar.
Ekki hlynnt því að loka landamærum alfarið
Olga Margrét Cilia var í þriðja sæti á framboðslista Pírata í Reykjavík suður í síðustu alþingiskosningum, en Þórhildur Sunna efst og Björn Leví Gunnarsson í öðru. Hún hefur verið varaþingmaður frá 2018, en fór fyrst í framboð 2016. Hún er með BA-gráðu í bókmenntafræði og lauk meistaraprófi í lögfræði árið 2018.
Olga segir í samtali við Vísi að hún hafi greitt atkvæði gegn frumvarpinu vegna þess að það sat illa í henni eftir að hafa lesið það oft yfir. Hún hafi ekki getað farið gegn eigin sannfæringu, enda telur hún verið að takmarka réttindi fólks með frumvarpi sem er unnið í fljótfærni.
„Ég er hlynnt takmörkunum og átta mig á að það þurfi að takmarka réttindi fólks en ég er á móti þessu frumvarpi á þeim grundvelli að ég tel það vanvirðingu að skerða réttindi einstakling með frumvarpi sem er samið á einum degi,“ segir Olga.
Í ræðu frá 26. mars, þegar enginn var enn skikkaður til dvalar á sóttkvíarhóteli við komuna til landsins, hvatti Olga til hertra aðgerða á landamærunum.
Þá var nýbúið að grípa til hertra sóttvarnaráðstafana. „Þess vegna fannst mér skjóta svolítið skökku við að það voru ekki hertar aðgerðir á landamærunum. Ég er ekki hlynnt því að loka þeim alfarið en ég hefði viljað sjá einhvers konar aðgerðir sem eru í samræmi við þær aðgerðir sem við þurfum að búa við hér innan lands næstu þrjár vikurnar,“ sagði Olga.
„Er verið að forgangsraða ferðamannaiðnaðinum fram yfir þá sem búa á Íslandi?“ spurði hún síðan.
Helmingur flokka greiddi engin atkvæði
Einkar fáir þingmenn greiddu atkvæði við afgreiðslu málsins miðað við víðtækar afleiðingar lagabreytinganna og mikillar umræðu sem hefur skapast í tengslum við málið. 30 greiddu atkvæði, 28 sögðu já, tveir nei og 22 greiddu ekki atkvæði þrátt fyrir að vera viðstaddir fundinn. Fjarverandi voru ellefu.
Brynjar Níelsson þingmaður Sjálfstæðisflokksins greiddi atkvæði með frumvarpinu, þrátt fyrir að hafa lýst því yfir að honum hafi þótt upphaflegar aðgerðir ríkisstjórnarinnar of víðtækar. Birgir Ármannsson var einn úr Sjálfstæðisflokki sem greiddi ekki atkvæði.
Já:
Ari Trausti Guðmundsson, Áslaug Arna Sigurbjörnsdóttir, Ásmundur Einar Daðason, Ásmundur Friðriksson, Bjarkey Olsen Gunnarsdóttir, Bjarni Benediktsson, Bryndís Haraldsdóttir, Brynjar Níelsson, Halla Signý Kristjánsdóttir, Haraldur Benediktsson, Jón Gunnarsson, Katrín Jakobsdóttir, Kolbeinn Óttarsson Proppé, Kristján Þór Júlíusson, Lilja Alfreðsdóttir, Lilja Rafney Magnúsdóttir, Líneik Anna Sævarsdóttir, Ólafur Þór Gunnarsson, Óli Björn Kárason, Páll Magnússon, Sigurður Ingi Jóhannsson, Silja Dögg Gunnarsdóttir, Steingrímur J. Sigfússon, Steinunn Þóra Árnadóttir, Svandís Svavarsdóttir, Vilhjálmur Árnason, Willum Þór Þórsson, Þórarinn Ingi Pétursson.
Nei:
Olga Margrét Cilia, Sigríður Á. Andersen
Greiddi ekki atkvæði:
Bergþór Ólason, Birgir Ármannsson, Birgir Þórarinsson, Guðjón S. Brjánsson, Guðmundur Andri Thorsson, Gunnar Bragi Sveinsson, Hanna Katrín Friðriksson, Helga Vala Helgadóttir, Helgi Hrafn Gunnarsson, Inga Sæland, Jón Þór Ólafsson, Jón Steindór Valdimarsson, Karl Gauti Hjaltason, Logi Einarsson, María Hjálmarsdóttir, Oddný G. Harðardóttir, Ólafur Ísleifsson, Rósa Björk Brynjólfsdóttir, Sigmundur Davíð Gunnlaugsson, Þorbjörg Sigríður Gunnlaugsdóttir, Þorgerður K. Gunnarsdóttir, Þorsteinn Sæmundsson.
Fjarverandi:
Andrés Ingi Jónsson, Anna Kolbrún Árnadóttir, Ágúst Ólafur Ágústsson, Björn Leví Gunnarsson, Guðlaugur Þór Þórðarson, Guðmundur Ingi Kristinsson, Halldóra Mogensen, Njáll Trausti Friðbertsson, Sigurður Páll Jónsson, Smári McCarthy, Þórdís Kolbrún R. Gylfadóttir
Uppfært 16.03: Fréttin var uppfærð og tilvitnun í Olgu bætt við.
