Íslenski boltinn

Fylkir afgreiddi Keflavík í Árbænum

Anton Ingi Leifsson skrifar
Þórdís Elva skoraði tvö mörk í kvöld.
Þórdís Elva skoraði tvö mörk í kvöld. vísir/bára

Fylkir verður í pottinum er dregið verður í átta liða úrslitum Mjólkurbikars kvenna. Fylkir vann 4-1 sigur á Keflavík í kvöld.

Hulda Hrund Arnarsdóttir kom Fylki yfir undir lok fyrri hálfleiks en Natasha Moraa Anasi jafnaði á tíundu mínútu síðari hálfleiks.

Shannon Simon kom svo Fylki aftur yfir fimm mínútum síðar og Þórdís Elva Ágústsdóttir gerði út um leikinn á 63. mínútu.

Þrjú mörk á átta mínútum. Þórdís Elva bætti við fjórða markinu í uppbótartíma og Fylkir komið í átta liða úrslitin.

Fylkir er komið áfram ásamt ÍBV, Breiðabliki og Þrótti en restin af leikjunum í sextán liða úrslitunum fara fram annað kvöld.

Mjólkurbikarinn er á Stöð 2 Sport en upplýsingar um útsendingar má finna hér. Mjólkurbikarinn er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Mjólkurbikarinn Fylkir Keflavík ÍF

Mest lesið


Fleiri fréttir

Sjá meira


×

Mest lesið