Markalaust var í kvöld allt fram á 70. mínútu leiksins þegar Jóhann Árni Gunnarsson kom Fjölnismönnum í forystu. Chechu Menenes jafnaði hins vegar fyrir heimamenn aðeins fjórum mínútum síðar og á 79. mínútu skoraði Nicolaj Madsen það sem reyndist sigurmark Vestra.
Sigurinn er Vestramönnum mikilvægur þar sem þeir fara upp fyrir Fjölni í fimmta sæti deildarinnar með 16 stig, líkt og Kórdrengir sem eru sæti ofar, og aðeins þremur stigum frá ÍBV í 2. sæti deildarinnar. Fjölnir er með 14 stig í sjötta sæti.
