Yfir 130 milljónir í húfi fyrir íslenskan fótbolta í kvöld og Valur fær 120 Sindri Sverrisson skrifar 15. júlí 2021 11:31 Blikar eru í bestri stöðu íslensku liðanna þriggja sem spila í kvöld, eftir 3-2 útisigur. Útivallarmörk telja þó ekki meira en mörk skoruð á heimavelli, eftir reglubreytingu UEFA í sumar. vísir/Hulda Margrét FH, Breiðablik og Stjarnan eiga öll möguleika á að komast áfram í 2. umferð undankeppni Sambandsdeildar UEFA í fótbolta í dag. Fyrir hvert félag er 300.000 evru vinningsfé, eða tæpar 44 milljónir króna, í húfi eða samtals rúmar 130 milljónir. Íslandsmeistarar Vals hafa svo þegar tryggt sér 120 milljónir króna vegna Evrópuleikja í sumar. FH og Stjarnan leika á Írlandi í dag þar sem FH er með 1-0 forskot gegn Sligo Rovers en staðan er jöfn hjá Stjörnunni og Bohemians eftir 1-1 jafntefli í Garðabæ. Breiðablik tekur svo á móti Racing frá Lúxemborg á Kópavogsvelli klukkan 19, eftir að hafa unnið fyrri leikinn 3-2. Fjórða íslenska liðið í Sambandsdeildinni er svo Valur, sem kominn er í 2. umferð. Þegar Valsmenn féllu úr leik í Meistaradeild Evrópu féllu þeir nefnilega niður í 2. umferð undankeppni Sambandsdeildarinnar, þar sem þeir mæta Bodö/Glimt frá Noregi. Meistarar Vals hafa þegar tryggt sér 810.000 evrur, jafnvirði tæplega 120 milljóna króna, vegna þátttöku sinnar í Evrópukeppnum í ár, jafnvel þó að þeir tapi gegn Bodö/Glimt. Fá 37 milljónir króna ef þau falla úr leik í dag en ferðakostnaður dregst frá Hafa ber hins vegar í huga að ferðalögin í leiki kosta sitt fyrir íslensk félög, sérstaklega vegna kröfu UEFA um leiguflug vegna kórónuveirufaraldursins. Valur þurfti að ferðast alla leið til Króatíu en deildi reyndar kostnaði með Breiðabliki sem fór til Lúxemborgar, og FH og Stjarnan deila einnig flugvél til Írlands. Valsmenn mættu króatísku meisturunum í Dinamo Zagreb, í undankeppni Meistaradeildarinnar, en féllu úr keppni eftir flotta frammistöðu. Þeir spila því í 2. umferð undankeppni Sambandsdeildarinnar.vísir/bára Ef Breiðablik, FH eða Stjarnan fellur úr leik í dag fær viðkomandi lið samtals 250.000 evrur, jafnvirði tæplega 37 milljóna króna, fyrir þátttöku sína í Evrópukeppni í ár. Komist lið í 2. umferð fær það að lágmarki 550.000 evrur, rúmar 80 milljónir króna, samanlagt fyrir þátttöku sína. Leikir íslenskra liða í Sambandsdeild UEFA í dag: 17.00 Sligo Rovers - FH (0-1) 18.45 Bohemians - Stjarnan (1-1) 19.00 Breiðablik - Racing (3-2) Leikir í 2. umferð: Valur - Bodö Glimt (Nor.) FH/Sligo Rovers - Rosenborg (Nor.) Bohemians/Stjarnan - Dudelange (Lúx.) Breiðablik/Racing - Austria Vín (Aus.) Það fást nefnilega 100.000 evrur fyrir að spila á hverju af fjórum stigum undankeppninnar, og svo sífellt hærri „kveðjuupphæð“ eftir því hvenær liðin falla úr leik. Falli lið úr keppni í 1. umferð fá þau 150.000 evrur að kveðju, 350.000 að kveðju í 2. umferð, 550.000 að kveðju í 3. umferð og 750.000 evrur að kveðju falli þau úr leik í umspili. Lið sem fellur úr leik í umspili fær því samtals 1.150.000 evrur (168 milljónir króna) fyrir að hafa spilað á fjórum stigum og fallið úr leik. Mun hærri upphæðir eru svo í boði fyrir liðin sem spila í sjálfri riðlakeppninni. Stórlið á borð við Tottenham og Roma bíða Sambandsdeildin er ný keppni og sú þriðja og neðsta í styrkleikaröðun UEFA. Meistaradeildin er sterkust og Evrópudeildin, þar sem liðum hefur verið fækkað til muna, er mitt á milli. Á meðal liða sem leika í Sambandsdeildinni eru Tottenham og Roma en þau mæta ekki til leiks fyrr en í 4. og síðustu umferð undankeppninnar, hinu svokallaða umspili um sæti í riðlakeppninni sem fram fer í haust. Freista þess að vinna aftur Evrópusæti fyrir íslenskan fótbolta Íslensku liðin eru því langt frá því að komast í riðlakeppnina en eins og fyrr segir er mikið í húfi fyrir hvert skref sem þau stíga í undankeppninni hvað verðlaunafé varðar. Við það bætist svo að hver sigur og hvert jafntefli telur fyrir Ísland sem þarf að komast upp styrkleikalista UEFA til að fá aftur fjögur sæti í Evrópukeppnum, en aðeins þrjú sæti eru í boði fyrir íslensk lið í Evrópukeppnum næsta árs. Sambandsdeild Evrópu Pepsi Max-deild karla Valur Mest lesið Fimm ástæður þess að Ísland vinni EM Fótbolti „Tilhugsunin um að spila fyrir annað félag sat bara ekki rétt í mér“ Íslenski boltinn „Auðvitað á þetta að vera svona hjá KSÍ líka“ Fótbolti Jón Daði skrifar undir hjá Selfossi Íslenski boltinn Svona var fundurinn fyrir fyrsta leik Íslands á EM Fótbolti Opnaði Instagram og sá að hún væri á leiðinni á EM í Sviss Fótbolti „Ef þú vilt ekki vera hérna, farðu bara“ Fótbolti City úr leik eftir sjö marka spennutrylli gegn Al-Hilal Fótbolti EM í dag: Ánægjuleg truflun og þungu fargi létt Fótbolti Efaðist en lagði allt í sölurnar fyrir EM: „Mörg gleðitár“ Fótbolti Fleiri fréttir „Þegar allir eru tilbúnir að gefa af sér þá gerast svona hlutir“ Í beinni: Valur - Stjarnan | Hvort liðið fer á Laugardalsvöllinn? Innkoma Caulker jákvæð: „Tekið vel á varnarhlutanum“ Klár í erfiðan slag við Ísland: „Þær eru fljótar en við erum með svipað lið“ „Eitt það versta sem ég hef séð síðustu ár“ Glódís alveg búin að kveðja meiðslin og allar klárar í slag við Finna Svona var fundurinn fyrir fyrsta leik Íslands á EM Þjálfari Finna segir sitt lið þurfa að varast Sveindísi „Tilhugsunin um að spila fyrir annað félag sat bara ekki rétt í mér“ Fjöldi Íslendinga á EM og Tólfan slær taktinn Jón Daði skrifar undir hjá Selfossi Orðnar vanar hitanum án loftkælingar en fannst rigningin góð Ætla skrefinu lengra: „Menn muna þá tilfinningu vel“ EM í dag: Ánægjuleg truflun og þungu fargi létt Opnaði Instagram og sá að hún væri á leiðinni á EM í Sviss Hefur haldið hreinu oftast allra og nálgast leikjametið „Ef þú vilt ekki vera hérna, farðu bara“ „Auðvitað á þetta að vera svona hjá KSÍ líka“ Bonmatí komin til móts við spænska landsliðið Efaðist en lagði allt í sölurnar fyrir EM: „Mörg gleðitár“ City úr leik eftir sjö marka spennutrylli gegn Al-Hilal Fimm ástæður þess að Ísland vinni EM Biðla til FIFA um að hætta við miðdagsleiki af ótta við hita Markaregn og þrenna er ÍA vann botnslaginn Gáttaðir á ótrúlegu skoti: „Yrði dæmt á þetta í blakinu“ Fluminense sendi Inter heim Arnór lagði upp og dramatískur sigur lærisveina Freys UEFA frestar ákvörðuninni og Evrópusætið enn í óvissu Víkingar krækja í Óskar Borgþórs frá Sogndal „Ég er mjög sátt og þið verðið bara að bíða spennt“ Sjá meira
FH og Stjarnan leika á Írlandi í dag þar sem FH er með 1-0 forskot gegn Sligo Rovers en staðan er jöfn hjá Stjörnunni og Bohemians eftir 1-1 jafntefli í Garðabæ. Breiðablik tekur svo á móti Racing frá Lúxemborg á Kópavogsvelli klukkan 19, eftir að hafa unnið fyrri leikinn 3-2. Fjórða íslenska liðið í Sambandsdeildinni er svo Valur, sem kominn er í 2. umferð. Þegar Valsmenn féllu úr leik í Meistaradeild Evrópu féllu þeir nefnilega niður í 2. umferð undankeppni Sambandsdeildarinnar, þar sem þeir mæta Bodö/Glimt frá Noregi. Meistarar Vals hafa þegar tryggt sér 810.000 evrur, jafnvirði tæplega 120 milljóna króna, vegna þátttöku sinnar í Evrópukeppnum í ár, jafnvel þó að þeir tapi gegn Bodö/Glimt. Fá 37 milljónir króna ef þau falla úr leik í dag en ferðakostnaður dregst frá Hafa ber hins vegar í huga að ferðalögin í leiki kosta sitt fyrir íslensk félög, sérstaklega vegna kröfu UEFA um leiguflug vegna kórónuveirufaraldursins. Valur þurfti að ferðast alla leið til Króatíu en deildi reyndar kostnaði með Breiðabliki sem fór til Lúxemborgar, og FH og Stjarnan deila einnig flugvél til Írlands. Valsmenn mættu króatísku meisturunum í Dinamo Zagreb, í undankeppni Meistaradeildarinnar, en féllu úr keppni eftir flotta frammistöðu. Þeir spila því í 2. umferð undankeppni Sambandsdeildarinnar.vísir/bára Ef Breiðablik, FH eða Stjarnan fellur úr leik í dag fær viðkomandi lið samtals 250.000 evrur, jafnvirði tæplega 37 milljóna króna, fyrir þátttöku sína í Evrópukeppni í ár. Komist lið í 2. umferð fær það að lágmarki 550.000 evrur, rúmar 80 milljónir króna, samanlagt fyrir þátttöku sína. Leikir íslenskra liða í Sambandsdeild UEFA í dag: 17.00 Sligo Rovers - FH (0-1) 18.45 Bohemians - Stjarnan (1-1) 19.00 Breiðablik - Racing (3-2) Leikir í 2. umferð: Valur - Bodö Glimt (Nor.) FH/Sligo Rovers - Rosenborg (Nor.) Bohemians/Stjarnan - Dudelange (Lúx.) Breiðablik/Racing - Austria Vín (Aus.) Það fást nefnilega 100.000 evrur fyrir að spila á hverju af fjórum stigum undankeppninnar, og svo sífellt hærri „kveðjuupphæð“ eftir því hvenær liðin falla úr leik. Falli lið úr keppni í 1. umferð fá þau 150.000 evrur að kveðju, 350.000 að kveðju í 2. umferð, 550.000 að kveðju í 3. umferð og 750.000 evrur að kveðju falli þau úr leik í umspili. Lið sem fellur úr leik í umspili fær því samtals 1.150.000 evrur (168 milljónir króna) fyrir að hafa spilað á fjórum stigum og fallið úr leik. Mun hærri upphæðir eru svo í boði fyrir liðin sem spila í sjálfri riðlakeppninni. Stórlið á borð við Tottenham og Roma bíða Sambandsdeildin er ný keppni og sú þriðja og neðsta í styrkleikaröðun UEFA. Meistaradeildin er sterkust og Evrópudeildin, þar sem liðum hefur verið fækkað til muna, er mitt á milli. Á meðal liða sem leika í Sambandsdeildinni eru Tottenham og Roma en þau mæta ekki til leiks fyrr en í 4. og síðustu umferð undankeppninnar, hinu svokallaða umspili um sæti í riðlakeppninni sem fram fer í haust. Freista þess að vinna aftur Evrópusæti fyrir íslenskan fótbolta Íslensku liðin eru því langt frá því að komast í riðlakeppnina en eins og fyrr segir er mikið í húfi fyrir hvert skref sem þau stíga í undankeppninni hvað verðlaunafé varðar. Við það bætist svo að hver sigur og hvert jafntefli telur fyrir Ísland sem þarf að komast upp styrkleikalista UEFA til að fá aftur fjögur sæti í Evrópukeppnum, en aðeins þrjú sæti eru í boði fyrir íslensk lið í Evrópukeppnum næsta árs.
Leikir íslenskra liða í Sambandsdeild UEFA í dag: 17.00 Sligo Rovers - FH (0-1) 18.45 Bohemians - Stjarnan (1-1) 19.00 Breiðablik - Racing (3-2) Leikir í 2. umferð: Valur - Bodö Glimt (Nor.) FH/Sligo Rovers - Rosenborg (Nor.) Bohemians/Stjarnan - Dudelange (Lúx.) Breiðablik/Racing - Austria Vín (Aus.)
Sambandsdeild Evrópu Pepsi Max-deild karla Valur Mest lesið Fimm ástæður þess að Ísland vinni EM Fótbolti „Tilhugsunin um að spila fyrir annað félag sat bara ekki rétt í mér“ Íslenski boltinn „Auðvitað á þetta að vera svona hjá KSÍ líka“ Fótbolti Jón Daði skrifar undir hjá Selfossi Íslenski boltinn Svona var fundurinn fyrir fyrsta leik Íslands á EM Fótbolti Opnaði Instagram og sá að hún væri á leiðinni á EM í Sviss Fótbolti „Ef þú vilt ekki vera hérna, farðu bara“ Fótbolti City úr leik eftir sjö marka spennutrylli gegn Al-Hilal Fótbolti EM í dag: Ánægjuleg truflun og þungu fargi létt Fótbolti Efaðist en lagði allt í sölurnar fyrir EM: „Mörg gleðitár“ Fótbolti Fleiri fréttir „Þegar allir eru tilbúnir að gefa af sér þá gerast svona hlutir“ Í beinni: Valur - Stjarnan | Hvort liðið fer á Laugardalsvöllinn? Innkoma Caulker jákvæð: „Tekið vel á varnarhlutanum“ Klár í erfiðan slag við Ísland: „Þær eru fljótar en við erum með svipað lið“ „Eitt það versta sem ég hef séð síðustu ár“ Glódís alveg búin að kveðja meiðslin og allar klárar í slag við Finna Svona var fundurinn fyrir fyrsta leik Íslands á EM Þjálfari Finna segir sitt lið þurfa að varast Sveindísi „Tilhugsunin um að spila fyrir annað félag sat bara ekki rétt í mér“ Fjöldi Íslendinga á EM og Tólfan slær taktinn Jón Daði skrifar undir hjá Selfossi Orðnar vanar hitanum án loftkælingar en fannst rigningin góð Ætla skrefinu lengra: „Menn muna þá tilfinningu vel“ EM í dag: Ánægjuleg truflun og þungu fargi létt Opnaði Instagram og sá að hún væri á leiðinni á EM í Sviss Hefur haldið hreinu oftast allra og nálgast leikjametið „Ef þú vilt ekki vera hérna, farðu bara“ „Auðvitað á þetta að vera svona hjá KSÍ líka“ Bonmatí komin til móts við spænska landsliðið Efaðist en lagði allt í sölurnar fyrir EM: „Mörg gleðitár“ City úr leik eftir sjö marka spennutrylli gegn Al-Hilal Fimm ástæður þess að Ísland vinni EM Biðla til FIFA um að hætta við miðdagsleiki af ótta við hita Markaregn og þrenna er ÍA vann botnslaginn Gáttaðir á ótrúlegu skoti: „Yrði dæmt á þetta í blakinu“ Fluminense sendi Inter heim Arnór lagði upp og dramatískur sigur lærisveina Freys UEFA frestar ákvörðuninni og Evrópusætið enn í óvissu Víkingar krækja í Óskar Borgþórs frá Sogndal „Ég er mjög sátt og þið verðið bara að bíða spennt“ Sjá meira