Dauðadómur yfir djamminu ef sýn Þórólfs verður að veruleika Snorri Másson skrifar 18. ágúst 2021 15:27 Steinþór Helgi er einn Röntgen-manna. Vísir/Vilhelm Framtíðarsýn sóttvarnalæknis næstu misseri: Opið til ellefu í bænum. Það er dauðadómur fyrir ákveðna rekstraraðila, segir bareigandi. Í tillögum sóttvarnalæknis um framtíðarfyrirkomulag hér innanlands er kveðið á um að opið skuli á veitingastöðum, krám og skemmtistöðum ekki lengur en til 23 á kvöldin. Sóttvarnalæknir vill að þessar aðgerðir verði við líði „þar til faraldurinn er um garð genginn,“ sem hann hefur sagt að hann telji geta tekið nokkra mánuði ef ekki nokkur ár. Svandís Svavarsdóttir heilbrigðisráðherra hefur lagt áherslu á að þessar framtíðartillögur Þórólfs Guðnasonar séu ólíkar fyrri tillögum, enda séu þær ekki endilega til þess fallnar að verða að reglugerð til lengri tíma, heldur séu þær einfaldlega innlegg hans í umræðuna á þessari stundu. Sjá meira: „Svona sér Þórólfur fyrir sér framtíðina“ „Ég vil ekki vera leiðinlegi gæinn, en þetta er ekki búið,“ sagði Þórólfur þegar allir héldu að þetta væri búið.Vísir/Arnar Engu að síður er það svo að drjúgur meiri hluti allra tillagna sem Þórólfur Guðnason hefur sett fram í faraldrinum hefur ráðherra gert að sínum. Steinþór Helgi Arnsteinsson, einn eigenda barsins Röntgen á Hverfisgötu, segir þessar hugmyndir algerlega á skjön við þau skilaboð að við séum að komast í eðlilegt horf og að við stefnum á að lifa með þessum faraldri. „Þetta er náttúrulega bara alveg hræðilegt. Með þessu er ekki heldur verið að leysa neinn vanda, þetta lítur vel út á minnisblaði en þegar út er komið held ég að fólk muni ekki láta bjóða sér þetta. Það verður erill á götum úti og í heimapartíum, og er þá ekki betra að vera með fólk á skráðum stöðum með eftirliti og dyravörðum?“ spyr Steinþór. Snýst ekki um að djamma af sér rassgatið Steinþór segir ljóst að þessar hugmyndir hafi í för með sér algeran rekstrarlegan forsendubrest fyrir fjölda aðila í skemmtanalífi, svo og listamenn. Það sé enda alls ekki svo að allir tónlistarmenn geti til dæmis haft í sig og á með því að halda sitjandi tónleika með grímum. Fyrst og fremst er þetta undarleg forgangsröðun hjá stjórnvöldum að mati Steinþórs. „Mér finnst þetta lýsa fordómum gagnvart ungu fólki. Það er gersamlega verið að hafa af því frelsið og mikilvæg mótunarár. Það gengur ekki að tala eins og þetta snúist bara um djamm, eitthvað brjálað djamm. Þetta snýst um að fólk geti farið út, átt samræður við vini sína og létt aðeins á sér. Það kallast ekkert að djamma af sér rassgatið, heldur bara eðlilegt félagslíf,“ segir Steinþór. Ef þetta nær fram að ganga eru forsendur alls konar rekstrar einfaldlega brostnar: „Þetta er tekjuskerðing upp á tugi prósenta hjá mörgum og er auðvitað bara reiðarslag fyrir ákveðna skemmtikrafta og ákveðna tegund af börum. Í rauninni bara dauðadómur.“ Vonarglætu um kraftmikla kafla í skemmtanalífinu á komandi tímum er þrátt fyrir þetta allt að finna í minnisblaði Þórólfs, nefnilega í hugmyndum hans um að leyfa fjölmenna viðburði að því tilskildu að þátttakendur fari í sýnatöku áður en þeir mæti. Fyrirmynd er fyrir slíkum veisluhöldum í Danmörku. Faraldur kórónuveiru (COVID-19) Næturlíf Reykjavík Veitingastaðir Samkomubann á Íslandi Mest lesið Landsmenn allir harmi slegnir Innlent Dauðbrá og varð öskureið þegar hún sá sjálfa sig í gervigreindarmyndbandi Innlent „Kannski verður maður grátandi hálft hlaupið, en þá bara er það þannig“ Innlent Tillaga um að stækka Hótel Flatey felld Innlent Sósíalistar og Rússlandsvinir undir eitt þak Innlent Fundu ríflega tuttugu lítra af brennisteinssýru í Gnoðarvogi Innlent „Dýrlingurinn“ tekinn úr umferð en keyrir enn Innlent Mikilvægt að nota réttu orðin sem séu píka og typpi Innlent Fjögurra daga Njáluhátíð sett á Hvolsvelli í kvöld Innlent Menntamálaráðherra greindur með þágufallssýki Innlent Fleiri fréttir Tillaga um að stækka Hótel Flatey felld Landsmenn allir harmi slegnir Sósíalistar og Rússlandsvinir undir eitt þak „Kannski verður maður grátandi hálft hlaupið, en þá bara er það þannig“ Fjögurra daga Njáluhátíð sett á Hvolsvelli í kvöld Bærinn hefur afhent lögreglu myndefni í tengslum við hraðbankaránið Dauðbrá og varð öskureið þegar hún sá sjálfa sig í gervigreindarmyndbandi 83% fallinna almennir borgarar: „Allt sem er að gerast þarna ber einkenni þjóðarmorðs“ Næsti fasi í yfirtöku á Gasaströnd og Njálugleði Þrír laxar reyndust úr sjókví í Dýrafirði Allt stopp á lokametrunum Framboðið „verður að koma í ljós“ Fundu ríflega tuttugu lítra af brennisteinssýru í Gnoðarvogi Mikilvægt að nota réttu orðin sem séu píka og typpi Biðla til bílstjóra sem leggja á bílastæði kirkjunnar Gjörólíkt gengi frá kosningum Helmingur landsmanna ánægður með störf Höllu Rafmagnslaust í öllum Skagafirði Gerður ráðin skólastjóri Barnaskóla Kársness Menntamálaráðherra greindur með þágufallssýki Fjórir greinast að meðaltali á ári með malaríu Markar lok vegferðar sem hófst vegna Kristnihátíðarinnar 2000 Óska eftir myndefni af gröfunni Vendingar í hraðbankamálinu og húsnæði sem fólk vill ekki Fórnarlamb stórhættulegs hrekks sem betur fer með hjálm Fannst heill á húfi Síðustu aspirnar á Austurvegi felldar Björguðu ferðamanni sem hafði fest bílinn í aurbleytu við Hagavatn Gæsluvarðhaldskröfu hafnað í hraðbankamálinu „Þessi sleggja, sem var sveiflað, var gúmmísleggja“ Sjá meira
Í tillögum sóttvarnalæknis um framtíðarfyrirkomulag hér innanlands er kveðið á um að opið skuli á veitingastöðum, krám og skemmtistöðum ekki lengur en til 23 á kvöldin. Sóttvarnalæknir vill að þessar aðgerðir verði við líði „þar til faraldurinn er um garð genginn,“ sem hann hefur sagt að hann telji geta tekið nokkra mánuði ef ekki nokkur ár. Svandís Svavarsdóttir heilbrigðisráðherra hefur lagt áherslu á að þessar framtíðartillögur Þórólfs Guðnasonar séu ólíkar fyrri tillögum, enda séu þær ekki endilega til þess fallnar að verða að reglugerð til lengri tíma, heldur séu þær einfaldlega innlegg hans í umræðuna á þessari stundu. Sjá meira: „Svona sér Þórólfur fyrir sér framtíðina“ „Ég vil ekki vera leiðinlegi gæinn, en þetta er ekki búið,“ sagði Þórólfur þegar allir héldu að þetta væri búið.Vísir/Arnar Engu að síður er það svo að drjúgur meiri hluti allra tillagna sem Þórólfur Guðnason hefur sett fram í faraldrinum hefur ráðherra gert að sínum. Steinþór Helgi Arnsteinsson, einn eigenda barsins Röntgen á Hverfisgötu, segir þessar hugmyndir algerlega á skjön við þau skilaboð að við séum að komast í eðlilegt horf og að við stefnum á að lifa með þessum faraldri. „Þetta er náttúrulega bara alveg hræðilegt. Með þessu er ekki heldur verið að leysa neinn vanda, þetta lítur vel út á minnisblaði en þegar út er komið held ég að fólk muni ekki láta bjóða sér þetta. Það verður erill á götum úti og í heimapartíum, og er þá ekki betra að vera með fólk á skráðum stöðum með eftirliti og dyravörðum?“ spyr Steinþór. Snýst ekki um að djamma af sér rassgatið Steinþór segir ljóst að þessar hugmyndir hafi í för með sér algeran rekstrarlegan forsendubrest fyrir fjölda aðila í skemmtanalífi, svo og listamenn. Það sé enda alls ekki svo að allir tónlistarmenn geti til dæmis haft í sig og á með því að halda sitjandi tónleika með grímum. Fyrst og fremst er þetta undarleg forgangsröðun hjá stjórnvöldum að mati Steinþórs. „Mér finnst þetta lýsa fordómum gagnvart ungu fólki. Það er gersamlega verið að hafa af því frelsið og mikilvæg mótunarár. Það gengur ekki að tala eins og þetta snúist bara um djamm, eitthvað brjálað djamm. Þetta snýst um að fólk geti farið út, átt samræður við vini sína og létt aðeins á sér. Það kallast ekkert að djamma af sér rassgatið, heldur bara eðlilegt félagslíf,“ segir Steinþór. Ef þetta nær fram að ganga eru forsendur alls konar rekstrar einfaldlega brostnar: „Þetta er tekjuskerðing upp á tugi prósenta hjá mörgum og er auðvitað bara reiðarslag fyrir ákveðna skemmtikrafta og ákveðna tegund af börum. Í rauninni bara dauðadómur.“ Vonarglætu um kraftmikla kafla í skemmtanalífinu á komandi tímum er þrátt fyrir þetta allt að finna í minnisblaði Þórólfs, nefnilega í hugmyndum hans um að leyfa fjölmenna viðburði að því tilskildu að þátttakendur fari í sýnatöku áður en þeir mæti. Fyrirmynd er fyrir slíkum veisluhöldum í Danmörku.
Faraldur kórónuveiru (COVID-19) Næturlíf Reykjavík Veitingastaðir Samkomubann á Íslandi Mest lesið Landsmenn allir harmi slegnir Innlent Dauðbrá og varð öskureið þegar hún sá sjálfa sig í gervigreindarmyndbandi Innlent „Kannski verður maður grátandi hálft hlaupið, en þá bara er það þannig“ Innlent Tillaga um að stækka Hótel Flatey felld Innlent Sósíalistar og Rússlandsvinir undir eitt þak Innlent Fundu ríflega tuttugu lítra af brennisteinssýru í Gnoðarvogi Innlent „Dýrlingurinn“ tekinn úr umferð en keyrir enn Innlent Mikilvægt að nota réttu orðin sem séu píka og typpi Innlent Fjögurra daga Njáluhátíð sett á Hvolsvelli í kvöld Innlent Menntamálaráðherra greindur með þágufallssýki Innlent Fleiri fréttir Tillaga um að stækka Hótel Flatey felld Landsmenn allir harmi slegnir Sósíalistar og Rússlandsvinir undir eitt þak „Kannski verður maður grátandi hálft hlaupið, en þá bara er það þannig“ Fjögurra daga Njáluhátíð sett á Hvolsvelli í kvöld Bærinn hefur afhent lögreglu myndefni í tengslum við hraðbankaránið Dauðbrá og varð öskureið þegar hún sá sjálfa sig í gervigreindarmyndbandi 83% fallinna almennir borgarar: „Allt sem er að gerast þarna ber einkenni þjóðarmorðs“ Næsti fasi í yfirtöku á Gasaströnd og Njálugleði Þrír laxar reyndust úr sjókví í Dýrafirði Allt stopp á lokametrunum Framboðið „verður að koma í ljós“ Fundu ríflega tuttugu lítra af brennisteinssýru í Gnoðarvogi Mikilvægt að nota réttu orðin sem séu píka og typpi Biðla til bílstjóra sem leggja á bílastæði kirkjunnar Gjörólíkt gengi frá kosningum Helmingur landsmanna ánægður með störf Höllu Rafmagnslaust í öllum Skagafirði Gerður ráðin skólastjóri Barnaskóla Kársness Menntamálaráðherra greindur með þágufallssýki Fjórir greinast að meðaltali á ári með malaríu Markar lok vegferðar sem hófst vegna Kristnihátíðarinnar 2000 Óska eftir myndefni af gröfunni Vendingar í hraðbankamálinu og húsnæði sem fólk vill ekki Fórnarlamb stórhættulegs hrekks sem betur fer með hjálm Fannst heill á húfi Síðustu aspirnar á Austurvegi felldar Björguðu ferðamanni sem hafði fest bílinn í aurbleytu við Hagavatn Gæsluvarðhaldskröfu hafnað í hraðbankamálinu „Þessi sleggja, sem var sveiflað, var gúmmísleggja“ Sjá meira