Í tilkynningu segir að á fundinum verði fjallað í víðu samhengi um þessa grænu framtíð sem stefnan sé sett á og hvernig þessum markmiðum stjórnvalda verði náð með öllum þeim tækifærum og áskorunum sem það feli í sér.
Nánar verður farið í sviðsmyndir Samorku um orkuþörf fyrir jarðefnaeldsneytislaust Ísland.
„Sviðsmyndir Samorku hafa þegar birst í skýrslu starfshóps umhverfis-, orku- og loftslagsmálaráðherra um stöðu og áskoranir í orkumálum, en á ársfundi Samorku verður ítarlega farið í forsendur, hversu mikla orku þarf í hvern samgöngumáta o.s.frv. sem gefur skýrari mynd á verkefnið.“
Hægt er að fylgjast með fundinum í spilara að neðan.
Dagskrá:
- Opnun fundar: Berglind Rán Ólafsdóttir, stjórnarformaður Samorku
- Ávarp: Guðlaugur Þór Þórðarson, ráðherra umhverfis-, orku- og loftslagsmála
- Orkumál og græn framtíð: Halla Hrund Logadóttir, Orkumálastjóri
- Græn framtíð: Hvað þarf til?: Dagný Jónsdóttir, deildarstjóri Auðlindagarðs HS Orku og Jóhannes Þorleiksson, forstöðumaður rafveitu hjá Veitum
- Hlutverk rafeldsneytis: Bjarni Már Júliusson, framkvæmdastjóri Icefuel
- Græna iðnbyltingin: Sigríður Mogensen, sviðsstjóri iðnaðar- og hugverkasviðs hjá Samtökum iðnaðarins
- Hringrásarhagkerfið í grænni framtíð: Björgvin Sævarsson, Yorth Group
- Áslaug Arna Sigurbjörnsdóttir, háskóla-, vísinda- og nýsköpunarráðherra, afhendir Nýsköpunarverðlaun Samorku til framúrskarandi sprota- og/eða nýsköpunarfyrirtækis í orku- og veitugeiranum.
