Ámælisvert að reglum hafi ekki verið fylgt þegar slys varð hjá vitateyminu Atli Ísleifsson skrifar 1. apríl 2022 07:01 Zodiac-gúmmíbáturinn sem um ræðir. Ein til tvær mínútur liðu þar til uppgötvaðist að einn hinna þriggja um borð hefði fallið útbyrðis. Hann var í sjónum í um tíu mínútur áður en honum var aftur bjargað um borð, þrekuðum og köldum. Vísir/vilhelm/RNSA Rannsóknarnefnd samgönguslysa gerir athugasemdir við að starfsmanni á vegum Vegagerðarinnar hafi ekki verið komið undir læknishendur við fyrsta tækifæri eftir að hann hafi fallið útbyrðis úr gúmmíbát þar sem hann hafi auk tveggja annarra verið á leið í land eftir að hafa sinnt viðgerðum á vitanum á Þormóðsskeri í nóvember 2020. Í skýrslu rannsóknarnefndar samgönguslysa segir að ein til tvær mínútur hafi liðið þegar samstarfsmenn mannsins sem féll útbyrðis hafi uppgötvað hvað hafði gerst og liðu um tíu mínútur áður en honum var komið aftur í bátinn, þá þrekuðum og köldum. Maðurinn hafi verið kaldur í um þrjár klukkustundir og hafi afleiðingar þess reynst alvarlegar fyrir hann. Rannsóknarnefndin segir að nefndin telji það jafnframt ámælisvert að ekki hafi verið farið eftir verklagsreglu Vegagerðarinnar þegar farið var í siglinguna frá Akranesi og út í Þormóðssker, meðal annars hvað það verðar að tveir bátar eigi ávallt að vera í samfloti. Mynd tekin af Þormóðsskeri 24. nóvember 2020, sama dag og slysið varð.RNSA Ekið heim til sín Í skýrslunni segir að slysið hafi átt sér stað í lok nóvember 2020 þar sem Zodiac-gúmmíbátur Vegagerðarinnar hafi verið á siglingu milli Þormóðsskers og Akraness. Þrír starfsmenn á vitasviði stofnunarinnar hafi þarna verið að koma til baka upp úr hádegi þann 24. nóvember eftir vinnu við Þormóðsskersvita þegar einn mannanna hafi fallið útbyrðis. Öðrum bátsverjum tókst að ná honum aftur um borð eftir um tíu mínútur í sjónum og var svo siglt til hafnar á Akranesi. Tók sú sigling milli þrjátíu og fjörutíu mínútur. Þegar í land var komið var báturinn tekinn á land og honum komið fyrir á kerru. Bátsverjinn sem féll útbyrðis var tekinn úr blautum fötum sínum en ekki var farið með hann til skoðunar eða aðhlynningar heldur var honum ekið heim til sín. Telur nefndin ljóst að ástand bátsverjans hafi gefið fullt tilefni til skjótrar og faglegrar aðhlynningar. Slysið sjálft var rakið til þess að báturinn hafi fengið á sig hliðaröldu og skyndilegan halla, en ölduhæðin var áætluð rúmir þrír metrar á þeim tíma þegar slysið varð. Orðuðu ítrekað sjúkrameðferð á Akranesi Bátsverjinn sem féll útbyrðis sagðist hafa verið kaldur í um þrjár klukkustundir og hafi bæði hann og samstarfsmaður ítrekað orðað sjúkrameðferð á Akranesi en að þriðji maðurinn um borð, verkstjórinn sem fór fyrir hópnum, hafi ekki talið þörf á því. Að sögn verkstjórans hafi bátsverjinn verið færður í þurran fatnað innan klukkustundar frá því að hann féll í sjóinn og að þá væri það ekki rétt að honum hafi verið meinað um sjúkrameðferð. Bátsverjinn sagðist hafa farið margar ferðir út í vita á umræddum bát, en að hann hafi ekki fengið neina „alvöru þjálfun“ líkt og það var orðað. Verkstjórinn sagði samstarfsmenn sína tvo hins vegar hafa miklu reynslu og sömuleiðis fengið þjálfun. Afstöðukort af siglingaleið milli Akranes og Þormóðsskers.RNSA Brást ekki rétt við Verkstjórinn sagði að bátnum hafi verið siglt á um tíu hnútum sem hann taldi ekki óeðlilegan miðað við aðstæður. Þessu voru hinir bátsverjarnir ósammála og telja að bátnum hafi verið siglt of hratt. Verkstjórinn taldi að um ein til tvær mínútur hafi liðið þar til uppgötvaðist að bátsverjinn hefði fallið útbyrðis og sagði hann við rannsóknarnefndina að hann hefði vanmetið aðstæður og ekki brugðist rétt við. Hann hefði átt að koma manninum undir læknishendur strax og þeir komu í land. Ósammála Um ástand sjálfs bátsins sagði verkstjórinn að hann hefði verið í góðu ástandi og farið vel í sjó. Þriðji bátsverjinn taldi þó svo ekki vera og að báturinn hafi verið vanbúinn í verkefnið. Talstöð hafi ekki virkað og að tvö göt hafi verið í bátnum með tilheyrandi sjó um borð. Í skýrslunni segir ennfremur að Vegagerðin hafi gripið til ýmissa ráðstafana eftir að slysið varð – gerð björgunaráætlunar og námskeið fyrir alla fasta starfsmenn. Þá sé nú alltaf farið á tveimur bátum í slík verkefni, og að notast verði við TETRA-samskiptabúnað. Í umræddri ferð hafi einungis verið farið á einum bát út í Þormóðssker þar sem annar báturinn hafi verið bilaður og þess vegna ekki með í ferðinni. Samgönguslys Akranes Mest lesið Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Mölbraut rúðu í Þjóðleikhúsinu Innlent „Heilt yfir“ friðsamleg Menningarnótt en nokkrir ofbeldisfullir Innlent Skutu upp flugeldum í minningu Bryndísi Klöru Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Lést við tökur á Emily in Paris Erlent Fleiri fréttir Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Sjá meira
Í skýrslu rannsóknarnefndar samgönguslysa segir að ein til tvær mínútur hafi liðið þegar samstarfsmenn mannsins sem féll útbyrðis hafi uppgötvað hvað hafði gerst og liðu um tíu mínútur áður en honum var komið aftur í bátinn, þá þrekuðum og köldum. Maðurinn hafi verið kaldur í um þrjár klukkustundir og hafi afleiðingar þess reynst alvarlegar fyrir hann. Rannsóknarnefndin segir að nefndin telji það jafnframt ámælisvert að ekki hafi verið farið eftir verklagsreglu Vegagerðarinnar þegar farið var í siglinguna frá Akranesi og út í Þormóðssker, meðal annars hvað það verðar að tveir bátar eigi ávallt að vera í samfloti. Mynd tekin af Þormóðsskeri 24. nóvember 2020, sama dag og slysið varð.RNSA Ekið heim til sín Í skýrslunni segir að slysið hafi átt sér stað í lok nóvember 2020 þar sem Zodiac-gúmmíbátur Vegagerðarinnar hafi verið á siglingu milli Þormóðsskers og Akraness. Þrír starfsmenn á vitasviði stofnunarinnar hafi þarna verið að koma til baka upp úr hádegi þann 24. nóvember eftir vinnu við Þormóðsskersvita þegar einn mannanna hafi fallið útbyrðis. Öðrum bátsverjum tókst að ná honum aftur um borð eftir um tíu mínútur í sjónum og var svo siglt til hafnar á Akranesi. Tók sú sigling milli þrjátíu og fjörutíu mínútur. Þegar í land var komið var báturinn tekinn á land og honum komið fyrir á kerru. Bátsverjinn sem féll útbyrðis var tekinn úr blautum fötum sínum en ekki var farið með hann til skoðunar eða aðhlynningar heldur var honum ekið heim til sín. Telur nefndin ljóst að ástand bátsverjans hafi gefið fullt tilefni til skjótrar og faglegrar aðhlynningar. Slysið sjálft var rakið til þess að báturinn hafi fengið á sig hliðaröldu og skyndilegan halla, en ölduhæðin var áætluð rúmir þrír metrar á þeim tíma þegar slysið varð. Orðuðu ítrekað sjúkrameðferð á Akranesi Bátsverjinn sem féll útbyrðis sagðist hafa verið kaldur í um þrjár klukkustundir og hafi bæði hann og samstarfsmaður ítrekað orðað sjúkrameðferð á Akranesi en að þriðji maðurinn um borð, verkstjórinn sem fór fyrir hópnum, hafi ekki talið þörf á því. Að sögn verkstjórans hafi bátsverjinn verið færður í þurran fatnað innan klukkustundar frá því að hann féll í sjóinn og að þá væri það ekki rétt að honum hafi verið meinað um sjúkrameðferð. Bátsverjinn sagðist hafa farið margar ferðir út í vita á umræddum bát, en að hann hafi ekki fengið neina „alvöru þjálfun“ líkt og það var orðað. Verkstjórinn sagði samstarfsmenn sína tvo hins vegar hafa miklu reynslu og sömuleiðis fengið þjálfun. Afstöðukort af siglingaleið milli Akranes og Þormóðsskers.RNSA Brást ekki rétt við Verkstjórinn sagði að bátnum hafi verið siglt á um tíu hnútum sem hann taldi ekki óeðlilegan miðað við aðstæður. Þessu voru hinir bátsverjarnir ósammála og telja að bátnum hafi verið siglt of hratt. Verkstjórinn taldi að um ein til tvær mínútur hafi liðið þar til uppgötvaðist að bátsverjinn hefði fallið útbyrðis og sagði hann við rannsóknarnefndina að hann hefði vanmetið aðstæður og ekki brugðist rétt við. Hann hefði átt að koma manninum undir læknishendur strax og þeir komu í land. Ósammála Um ástand sjálfs bátsins sagði verkstjórinn að hann hefði verið í góðu ástandi og farið vel í sjó. Þriðji bátsverjinn taldi þó svo ekki vera og að báturinn hafi verið vanbúinn í verkefnið. Talstöð hafi ekki virkað og að tvö göt hafi verið í bátnum með tilheyrandi sjó um borð. Í skýrslunni segir ennfremur að Vegagerðin hafi gripið til ýmissa ráðstafana eftir að slysið varð – gerð björgunaráætlunar og námskeið fyrir alla fasta starfsmenn. Þá sé nú alltaf farið á tveimur bátum í slík verkefni, og að notast verði við TETRA-samskiptabúnað. Í umræddri ferð hafi einungis verið farið á einum bát út í Þormóðssker þar sem annar báturinn hafi verið bilaður og þess vegna ekki með í ferðinni.
Samgönguslys Akranes Mest lesið Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Mölbraut rúðu í Þjóðleikhúsinu Innlent „Heilt yfir“ friðsamleg Menningarnótt en nokkrir ofbeldisfullir Innlent Skutu upp flugeldum í minningu Bryndísi Klöru Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Lést við tökur á Emily in Paris Erlent Fleiri fréttir Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Sjá meira