Efast um að ný starfsauglýsing Áslaugar Örnu samræmist lögum Óttar Kolbeinsson Proppé skrifar 30. júní 2022 14:40 Enskunotkun á Íslandi er feimnismál að sögn Eiríks. Hér vantar meiri umræðu um samlíf þessara tungumála á Íslandi. vísir/stöð 2 Eiríkur Rögnvaldsson, prófessor emeritus í íslenskri málfræði við Háskóla Íslands, efast um að starfsauglýsing sem birtist á vef háskóla-, iðnaðar- og nýsköpunarráðuneytisins síðasta mánudag samræmist lögum um stöðu íslenskrar tungu og táknmáls. Ráðherra deildi auglýsingunni í gær og stærði sig af því að þarna væri í fyrsta skipti auglýst starf í íslensku ráðuneyti þar sem íslenskukunnátta væri ekki skilyrði. Í lögum um stöðu íslenskrar tungu og táknmáls stendur skýrum stöfum: „Íslenska er mál Alþingis, dómstóla, stjórnvalda, jafnt ríkis sem sveitarfélaga, skóla á öllum skólastigum og annarra stofnana sem hafa með höndum framkvæmdir og veita almannaþjónustu.“ Þetta benti Eiríkur á í gær og kallaði eftir umræðu um stöðu íslenskrar tungu gagnvart ensku. Samkvæmt starfsauglýsingunni leitar ráðuneytið eftir talnaspekingi og felur starfið meðal annars í sér framsetningu og skilgreiningu á mælikvörðum, árangursmat á verkefnum sem ráðuneytið stýrir, undirbúning fjármálaáætlunar og fjárlaga og miðlun upplýsinga bæði innan og utan ráðuneytisins. „Óhjákvæmilega leiðir skortur á íslenskukunnáttu í þessu starfi til þess að stjórnsýsla ráðuneytisins verður að verulegu leyti á ensku sem er skýrt brot á tilvitnaðri lagagrein,“ skrifar Eiríkur um málið inn á umræðuhóp á Facebook. Would you like to work for the Government? Á mánudaginn birtist tilkynning á vef Stjórnarráðsins þar sem greint er frá því að háskóla-, iðnaðar- og nýsköpunarráðuneytið hafi auglýst eftir þremur störfum. Þar má opna hlekk á auglýsingu fyrir starf umrædds talnaspekings undir yfirskriftinni Talnaspekingur sem elskar árangursmælikvarða. Áslaug Arna Sigurbjörnsdóttir er háskóla-, iðnaðar- og nýsköpunarráðherra. Vísir/Vilhelm Sama dag birtist mun lengri og ítarlegri starfslýsing á enskri útgáfu af heimasíðu Stjórnarráðsins fyrir umrætt starf undir titlinum Would you like to work for the Government? Í hæfniskröfunum er tekið fram að viðkomandi verði að hafa „gott vald á íslensku og/eða ensku“. Áslaug Arna Sigurbjörnsdóttir, háskóla-, iðnaðar- og nýsköpunarráðherra, deildi enskri útgáfu starfsauglýsingarinnar á Facebook-síðu sinni í gær og tilkynnti að hér væri um að ræða fyrsta skipti þar sem ekki væri gerð krafa um íslenskukunnáttu í starfi innan ráðuneytis. Hér er í fyrsta sinn auglýst starf í Stjórnarráðinu þar sem íslenska er ekki krafa. Would you like to work with us?...Posted by Áslaug Arna Sigurbjörnsdóttir on Wednesday, 29 June 2022 Megum ekki halda áfram að stinga höfðinu í sandinn „Ég legg áherslu á, eins og ég hef oft gert, að almennt séð á ekki að nota skort á íslenskukunnáttu til að mismuna fólki við ráðningu í störf eða á öðrum sviðum. En það á aðeins við um ómálefnalega mismunun, þegar fyrir liggur að fólk geti sinnt starfinu fullkomlega án íslenskukunnáttu – þegar beiting tungumáls er óverulegur þáttur í starfinu, eða þörf á samskiptum við Íslendinga takmörkuð,“ skrifar Eiríkur um málið. Í sumum tilvikum sé þó „málefnalegt og eðlilegt og jafnvel nauðsynlegt, að gera kröfu um íslenskukunnáttu vegna eðlis starfsins. Ég get ekki betur séð en svo sé í þessu tilviki – starfið grundvallast á mállegum samskiptum í ræðu og riti,“ að hans sögn. Um þessi atriði megi vissulega deila. En skort hafi umræðu um áhrif enskrar tungu á íslensk samfélag, hvernig við tryggjum hagsmuni fólks sem kann ekki ensku og hagsmuni fólks sem hér býr en kann ekki íslensku. „Það hefur ekki borið á miklum umræðum um þetta, og verið farið með enskunotkun á Íslandi svolítið eins og feimnismál. Við tölum íslensku á Íslandi, segjum við. En við vitum samt að enskan er komin til að vera og ekkert bendir til annars en mikilvægi hennar í málsamfélaginu haldi áfram að aukast. Við megum ekki halda áfram að stinga höfðinu í sandinn – við þurfum að ræða þetta. Að minnsta kosti þurfum við að gera upp við okkur hvort það sé í lagi að starfsauglýsingar stjórnarráðsins brjóti í bága við lög,“ skrifar Eiríkur. Íslensk fræði Íslenska á tækniöld Ríkisstjórn Katrínar Jakobsdóttur Vinnumarkaður Mest lesið Hefja söfnun fyrir fjölskyldu Víglunds Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent Borðaði súrdeigsbrauð og mældist með áfengi í útblæstri Innlent Hefur skilning á báðum sjónarmiðum í Heiðmerkurmálinu Innlent Lækkandi fæðingartíðni er vandamál sem leysist ekki án innflytjenda Innlent Umferðartafir vegna framkvæmda við Kringlumýrarbraut í sumar Innlent Býður til flugveislu á Reykjavíkurflugvelli Innlent Bað um 12 milljónir til að halda tónlistarhátíð í öðru sveitarfélagi Innlent Segja ógnarstjórn ríkja á Þjóðminjasafninu Innlent Fleiri fréttir Ók hlaupahjólinu á tré með pizzu í annarri Hefja söfnun fyrir fjölskyldu Víglunds Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Sjá meira
Í lögum um stöðu íslenskrar tungu og táknmáls stendur skýrum stöfum: „Íslenska er mál Alþingis, dómstóla, stjórnvalda, jafnt ríkis sem sveitarfélaga, skóla á öllum skólastigum og annarra stofnana sem hafa með höndum framkvæmdir og veita almannaþjónustu.“ Þetta benti Eiríkur á í gær og kallaði eftir umræðu um stöðu íslenskrar tungu gagnvart ensku. Samkvæmt starfsauglýsingunni leitar ráðuneytið eftir talnaspekingi og felur starfið meðal annars í sér framsetningu og skilgreiningu á mælikvörðum, árangursmat á verkefnum sem ráðuneytið stýrir, undirbúning fjármálaáætlunar og fjárlaga og miðlun upplýsinga bæði innan og utan ráðuneytisins. „Óhjákvæmilega leiðir skortur á íslenskukunnáttu í þessu starfi til þess að stjórnsýsla ráðuneytisins verður að verulegu leyti á ensku sem er skýrt brot á tilvitnaðri lagagrein,“ skrifar Eiríkur um málið inn á umræðuhóp á Facebook. Would you like to work for the Government? Á mánudaginn birtist tilkynning á vef Stjórnarráðsins þar sem greint er frá því að háskóla-, iðnaðar- og nýsköpunarráðuneytið hafi auglýst eftir þremur störfum. Þar má opna hlekk á auglýsingu fyrir starf umrædds talnaspekings undir yfirskriftinni Talnaspekingur sem elskar árangursmælikvarða. Áslaug Arna Sigurbjörnsdóttir er háskóla-, iðnaðar- og nýsköpunarráðherra. Vísir/Vilhelm Sama dag birtist mun lengri og ítarlegri starfslýsing á enskri útgáfu af heimasíðu Stjórnarráðsins fyrir umrætt starf undir titlinum Would you like to work for the Government? Í hæfniskröfunum er tekið fram að viðkomandi verði að hafa „gott vald á íslensku og/eða ensku“. Áslaug Arna Sigurbjörnsdóttir, háskóla-, iðnaðar- og nýsköpunarráðherra, deildi enskri útgáfu starfsauglýsingarinnar á Facebook-síðu sinni í gær og tilkynnti að hér væri um að ræða fyrsta skipti þar sem ekki væri gerð krafa um íslenskukunnáttu í starfi innan ráðuneytis. Hér er í fyrsta sinn auglýst starf í Stjórnarráðinu þar sem íslenska er ekki krafa. Would you like to work with us?...Posted by Áslaug Arna Sigurbjörnsdóttir on Wednesday, 29 June 2022 Megum ekki halda áfram að stinga höfðinu í sandinn „Ég legg áherslu á, eins og ég hef oft gert, að almennt séð á ekki að nota skort á íslenskukunnáttu til að mismuna fólki við ráðningu í störf eða á öðrum sviðum. En það á aðeins við um ómálefnalega mismunun, þegar fyrir liggur að fólk geti sinnt starfinu fullkomlega án íslenskukunnáttu – þegar beiting tungumáls er óverulegur þáttur í starfinu, eða þörf á samskiptum við Íslendinga takmörkuð,“ skrifar Eiríkur um málið. Í sumum tilvikum sé þó „málefnalegt og eðlilegt og jafnvel nauðsynlegt, að gera kröfu um íslenskukunnáttu vegna eðlis starfsins. Ég get ekki betur séð en svo sé í þessu tilviki – starfið grundvallast á mállegum samskiptum í ræðu og riti,“ að hans sögn. Um þessi atriði megi vissulega deila. En skort hafi umræðu um áhrif enskrar tungu á íslensk samfélag, hvernig við tryggjum hagsmuni fólks sem kann ekki ensku og hagsmuni fólks sem hér býr en kann ekki íslensku. „Það hefur ekki borið á miklum umræðum um þetta, og verið farið með enskunotkun á Íslandi svolítið eins og feimnismál. Við tölum íslensku á Íslandi, segjum við. En við vitum samt að enskan er komin til að vera og ekkert bendir til annars en mikilvægi hennar í málsamfélaginu haldi áfram að aukast. Við megum ekki halda áfram að stinga höfðinu í sandinn – við þurfum að ræða þetta. Að minnsta kosti þurfum við að gera upp við okkur hvort það sé í lagi að starfsauglýsingar stjórnarráðsins brjóti í bága við lög,“ skrifar Eiríkur.
Íslensk fræði Íslenska á tækniöld Ríkisstjórn Katrínar Jakobsdóttur Vinnumarkaður Mest lesið Hefja söfnun fyrir fjölskyldu Víglunds Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent Borðaði súrdeigsbrauð og mældist með áfengi í útblæstri Innlent Hefur skilning á báðum sjónarmiðum í Heiðmerkurmálinu Innlent Lækkandi fæðingartíðni er vandamál sem leysist ekki án innflytjenda Innlent Umferðartafir vegna framkvæmda við Kringlumýrarbraut í sumar Innlent Býður til flugveislu á Reykjavíkurflugvelli Innlent Bað um 12 milljónir til að halda tónlistarhátíð í öðru sveitarfélagi Innlent Segja ógnarstjórn ríkja á Þjóðminjasafninu Innlent Fleiri fréttir Ók hlaupahjólinu á tré með pizzu í annarri Hefja söfnun fyrir fjölskyldu Víglunds Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Sjá meira