Aðstoðar þyrlusveitar Landhelgisgæslunnar var óskað svo koma mætti manninum undir læknishendur. Þyrlan var send af stað og kom að skipinu um 70 sjómílur suðvestur af Reykjanesi.
„Sigmaður þyrlunnar seig um borð í skipið og mat ástand sjúklingsins og undirbjó fyrir hífingu. Þyrlan lenti svo á Reykjavíkurflugvelli um klukkan hálfþrjú þaðan sem sjúklingurinn var fluttur með sjúkrabíl á slysadeild,“ segir í tilkynningu frá gæslunni.
