Það er Fotbolti.net sem greinir frá þessu í gærkvöldi en miðillinn er með heimildir fyrir því að Daníel hafi flogið síðustu nótt til Málmeyjar í Svíþjóð til að ganga frá samningi sínum við sænska félagið.
Daníel mun þá spila gegn bræðrum sínum í sænsku úrvalsdeildinni á næsta tímabili en eldri bróðir hans, Andri Lucas Guðjohnsen, er sagður vera á leið til Norrköping á meðan elsti bróðirinn, Sveinn Aron Guðjohnsen, spilar með Elfsborg.
Daníel er einungis 16 ára gamall og hefur á sínum stutta ferli leikið með bæði unglingaliðum Barcelona og Real Madrid. Síðustu fjögur ár hefur Daníel verið í herbúðum Real Madrid.
Leikmaðurinn ungi á fimm leiki að baki fyrir U-17 ára landslið Íslands þar sem hann hefur skorað eitt mark.
Daniel Tristan Gudjohnsen (2006) has opened his goal account for @footballiceland when U17´s drew vs. Georgia U17´s in qualifying group for EURO in Hungary. Now all 3 brothers have scored for Iceland: Sveinn Gudjohnsen, Andri Gudjohnsen & Daniel Gudjohnsen. 🇮🇸⚽️🌟👌 pic.twitter.com/JHBdYpyS65
— Magnus Agnar Magnusson (@totalfl) October 23, 2021