Óskað eftir aðstoð lögreglu að á skemmtistað í miðbænum vegna tveggja einstaklinga sem voru til vandræða. Annar einstaklingurinn handtekinn en hann er gurnaður um að hafa sparkað bæði í dyraverði og lögreglumenn en einstaklingurinn var vistaður í fangaklefa í þágu rannsóknar málsins.
Þetta kemur fram í tilkynningu frá lögreglu en að öðru leyti virðist hafa verið nokkuð tíðindalítið hjá lögreglunni á höfuðborgarsvæðinu þessa nóttina.
Tilkynnt var um rafhlaupahjólaslys í miðbænum skömmu eftir miðnætti en þar hafði einstaklingur fallið af hjóli og var með áverka í andliti. Einstaklingurinn fluttur á bráðamóttöku til skoðunar.
Þá voru fjórar bifreiðar stöðvaðar í miðbænum og hlíðahverfi þar sem ökumenn voru grunaðir um ölvunarakstur.
Veitingamenn segja nokkrar breytingar hafa orðið á skemmtanalífi í miðbænum eftir að faraldrinum lauk. Fólk fari nú oft fyrr heim, sé rólegra og djammið dreifist betur yfir vikuna.
