Lauren kom inn á sem varamaður á 79. mínútu þegar Evrópumeistarar Englands unnu Austurríki, 0-2, í undankeppni HM í gær.
England debut!! A dream come true Annnd qualified W/C @lionesses pic.twitter.com/kTuBhSUth1
— Lauren James (@laurenjamess22) September 3, 2022
Þetta var fyrsti landsleikur hinnar tvítugu Lauren. Hún fetaði þar með í fótspor eldri bróður síns, Reece, sem hefur leikið þrettán A-landsleiki. Reece er tveimur árum eldri en Lauren.
Making history, so proud pic.twitter.com/adj6e8H6Rq
— Reece James (@ReeceJames) September 4, 2022
James-systkinin leika bæði með Chelsea. Lauren er uppalin hjá félaginu og sneri aftur til þess í fyrra eftir dvöl hjá Arsenal og Manchester United. Hún kom þó lítið við sögu hjá Chelsea á síðasta tímabili.
Reece átti einnig góða helgi því Chelsea vann West Ham United, 2-1, í Lundúnaslag í ensku úrvalsdeildinni á laugardaginn. Reece lék allan leikinn fyrir Chelsea.
