Fyrri hluti viðtalsins birtist í gærkvöld en þá sagði Ronaldo að hann væri enga virðingu fyrir Erik ten Hag, þjálfara Man United þar sem það væri ljóst að þjálfarinn bæri enga virðingu fyrir honum. Sami þjálfari og lét Ronaldo bera fyrirliðabandið eftir að hann neitaði að koma inn á gegn Tottenham Hotspur og strunsaði inn í klefa skömmu fyrir leikslok þegar lið hans var að vinna 2-0 sigur.
Í kvöld fékk Glazer-fjölskyldan að finna fyrir því. Flest stuðningsfólk Man United hefur lengi vel viljað fjölskylduna á bak og burt þar sem hún hefur skuldsett félagið og hefur aðeins sogið fjármagn úr félaginu ólíkt öðrum eigendum stórliða á Englandi eða víðar um Evrópu.
Ronaldo ákvað nú að láta eigendurna, sem samþykktu að borga honum ríflega hálfa milljón punda á viku, heyra það. „Þeim er alveg sama um félagið, þeim er sama um íþróttaina,“ sagði hinn 37 ára gamli Portúgali áður en hann ásakaði Glazer-fjölskylduna um að hugsa eingöngu um hversu vel sé hægt að markaðssetja félagið frekar en að ná árangri inn á vellinum.
"The Glazers, they don't care about the club."
— Piers Morgan Uncensored (@PiersUncensored) November 14, 2022
Cristiano Ronaldo has sensationally blasted Manchester United's American owners.@cristiano | @piersmorgan | @TalkTV | #90MinutesWithRonaldo pic.twitter.com/nNTyHgqvPy
Ronaldo áskaði Gary Neville, fyrrum samherja sinn og núverandi sparkspeking, um að gagnrýna sig til að fá athygli.
„Það er auðvelt að gagnrýna, ég veit ekki hvort þú verðir að gagnrýna í sjónvarpi til að verða frægari. Ég held þeir nýti sér nafn mitt til að fá meiri athygli. Þeir eru ekki heimskir. Ég er með flesta fylgjendur [e. Followers] í heiminum, það er ekki tilviljun að þeir noti nafn mitt.“
„Fólk getur haft þeirra eigin skoðanir en það veit ekki hvað gengur á, hvorki inn á Carrington [æfingasvæði Man United] eða í einkalífi mínu.“
NEW: Cristiano Ronaldo reveals why be blanked Gary Neville on the pitch and what he really thinks of Wayne Rooney.@cristiano | @GNev2 | @WayneRooney | @piersmorgan | @TalkTV pic.twitter.com/9PtiHWb2ey
— Piers Morgan Uncensored (@PiersUncensored) November 14, 2022
„Þeir eru ekki vinir mínir,“ sagði Ronaldi jafnframt um fyrrum liðsfélaga sem hafa gagnrýnt hann áður en hann hrósaði Rio Ferdinand og Roy Keane.
„Þeir eru góðir náungar. Ekki aðeins af því þeir tala vel um mig heldur voru þeir leikmenn. Þeir vita hvernig leikmenn hugsa og haga sér.“