Hjarta Damar Hamlin hætti að slá eftir að hann hafði staðið upp eftir mikið samstuð. Hann var endurlífgaður á vellinum og svo aftur á sjúkrahúsinu en hann liggur enn þungt haldinn á sjúkrahúsi.
Leik Buffalo og Cincinnati var aflýst og hefur ekki verið settur á aftur.
Fljótlega eftir leikinn fóru framlög að streyma inn til góðgerðasamtaka Hamlin og nú er búið að safna 5,5 milljónum Bandaríkjadölum eða um 780 milljónum íslenskra króna.
Fjölmargir þekktir einstaklingar hafa lagt inn pening þar á meðal NFL-stjörnur eins og þeir Tom Brady, Russell Wilson, Andy Dalton og Josh McDaniels svo einhverjir séu nefndir. NFL-liðin eru einnig að gefa pening.
Brady gaf tíu þúsund dollara eða 1,4 milljón íslenskra króna.
Damar Hamlin s GoFundMe Page is nearly at $5.5M, with donations from endless NFL people. On these pages alone: Andy Dalton and his wife at $3K, Russell Wilson and his wife at $10K plus their charity, Tom Brady, Josh McDaniels, Commanders. On and on. https://t.co/cM1lhPv27c pic.twitter.com/SnLONebY2w
— Ian Rapoport (@RapSheet) January 4, 2023
