Einkunnir strákanna okkar á móti Ungverjalandi: Bjarki Már bestur Óskar Ófeigur Jónsson skrifar 14. janúar 2023 22:00 Bjarki Már var besti maður Íslands í kvöld. Vísir/Vilhelm Íslenska handboltalandsliðið tapaði með tveimur mörkum á móti Ungverjum í kvöld, 28-30, í öðrum leik sínum á heimsmeistaramótinu í handbolta í Svíþjóð og Póllandi. Íslenska liðið bauð upp á frábæran leik í rúmar fjörutíu mínútur en svo virtust menn klára algjörlega bensínið hjá sér. Liðið henti í framhaldinu frá sér frábærri stöðu og margir leikmenn duttu niður í einkunnum á þessum hræðilega lokakafla. Liðið leit svakalega vel út lengst af í leiknum en strákarnir okkar grófu upp öll mistök í bókinni á hryllilegum lokakafla sem tapaðist með átta mörkum. Guðmundur Guðmundsson landsliðsþjálfari notar ekki hópinn sinn og fjölda fínna leikmanna sitja á bekknum allan leikinn. Það þarf að breytast snarlega ef liðið ætlar að gera eitthvað á þessu móti. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Bjarki Már Elísson var besti leikmaður íslenska liðsins í kvöld að mati okkar en hann fær fimmu þrátt fyrir fjölda mistaka undir lokin. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Ungverjalandi: - Byrjunarlið Íslands í leiknum - Björgvin Páll Gústavsson, mark - 4 (10 varin skot- 51:53 mín.) Átti afbragðsgóðan leik lengi framan af. Fljótur að koma boltanum í leik sem skilaði mörkum og skoraði sitt tuttugasta landsliðsmark. Traust frammistaða hjá honum í fyrstu tveimur leikjunum. Bjarki Már Elísson, vinstra horn - 5 (9 mörk - 60:00 mín.) Var besti leikmaður íslenska liðsins. Byrjaði leikinn af fítonskrafti. Var í heimsklassa í 55 mínútur en fór illa með færin á ögurstundu sem var dýrt þegar upp var staðið. Aron Pálmarsson, vinstri skytta - 3 (3 mörk - 42:53 mín.) Fyrirliðinn átti fína spretti í fyrri hálfleiknum, skoraði góð mörk og var öflugur varnarlega. Í síðari hálfleik náði hann engum takti í sínum leik, var ragur og hræddur. Þarf að gera mun betur til að íslenska liðið komist lengra. Gísli Þorgeir Kristjánsson, leikstjórnandi - 3 (1 mark - 20:29 mín.) Gísli hefur ekki fundið fjölina sína í Svíþjóð. Hann er hins vegar ekki öfundsverður af hlutskipti sínu. Var í stöðugum árásum allan leikinn en sterkir Ungverjar sáu við honum og Gísli ólíkur sjálfum sér annan leikinn í röð. Það er greinilegt að hann hefur ætlað sér um of og virkar ekki í jafnvægi inn á vellinum. Ómar Ingi Magnússon, hægri skytta - 4 (7/4 mörk - 59:10 mín.) Ómar Ingi er listamaður af guðs náð. Án ef einn besti handboltamaður í heimi. Spilaði hverja einustu mínútu en þegar leið á leikinn varð hann orkulaus og lítill í sér. Tók ákvarðanir sem við höfum ekki séð frá Ómari Inga í langan tíma. Kannski ekki honum að kenna að hann fái ekki hvíld á réttum tímapunktum í leikjunum. Sigvaldi Guðjónsson, hægra horn - 4 (3 mörk - 59:26 mín.) Nýtti færin sín vel, ekki síst í fyrri hálfleiknum. Í síðari hálfleik fékk hann einfaldlega ekki boltann og í raun ekki við hann að sakast. Gæti þó gert betur í þeim færum sem hann klúraði í leiknum. Það voru dauðafæri. Ýmir Örn Gíslason, lína - 3 (8 stopp - 41:44 mín.) Ýmir átti frábæran leik í fyrri hálfleik. Í síðari hálfleik var hann í vandræðum eins og öll miðjublokkin enda réðust Ungverjar á miðsvæðið trekk í trekk sem skilaði þeim auðveldum mörkum. Vantar ekkert upp á baráttuna og viljann þar sem hann dregur gjarnan aðra leikmenn með sér. Elvar Örn Jónsson, vinstri skytta - 3 (2 stopp - 28:48 mín.) Var hnökralítill varnarlega en skilar litlu sóknarlega enda eru tækifærin þar af skornum skammti. Sannaði á Evrópumótinu, ekki síst gegn Noregi, að hann getur hæglega hjálpað íslenska liðinu í vinstri skyttunni en fær bara ekki tækifæri til þess. - Menn sem komu inn af bekknum í leiknum - Elliði Snær Viðarsson, lína - 4 (4 mörk - 46:34 mín.) Annan leikinn í röð var Elliði sannfærandi. Skilaði fjórum mörkum og varnarlega heilt yfir frábær ekki síst framan af. Missti svolítið móðinn í síðari hálfleik þegar Ungverjar fóru að éta niður forystu íslenska liðsins sem var í raun lygilegt á kafla. Viktor Gísli Hallgrímsson, mark - 3 (3 varin skot- 6:12 mín.) Ungi maðurinn kom inn og varði tvö mikilvæg skot. Ekki einfalt að koma inn í leikinn á þessum tímapunkti þar sem pressan var orðin yfirþyrmandi. Það vita allir hvað hann getur, bara spurning um að galdra það fram. Janus Daði Smárason, leikstjórnandi - 2 (0 mörk - 2:51 mín.) Janus kom inn í stuttan tíma og virtist þrúgaður af taugaspennu. Leikmaður sem oftar en ekki hefur hjálpað íslenska liðinu á ögurstundu. Var ólíkur sjálfum sér og var ekki öfundsverður að koma inn þegar allt var að fara í skrúfuna. Arnar Freyr Arnarsson, vörn - spilaði ekkiÓlafur Guðmundsson, vinstri skytta - spilaði ekkiViggó Kristjánsson, hægri skytta - spilaði ekkiÓðinn Þór Ríkharðsson, hægra horn - spilaði ekkiHákon Daði Styrmisson, vinstra horn - spilaði ekkiGuðmundur Guðmundsson, þjálfari - 2 Frábær frammistaða í fyrri hálfleik, ekki síst hvað varðar varnarleikinn. Var kominn með liðið í frábæra stöðu en eins og oft áður þá treysti hann ekki bekknum og lykilleikmenn voru komnir af fótum fram. Þá var of seint að bregðast við. Það er liðin tíð í alþjóðlegum bolta að lið geti spilað á átta mönnum tvo leiki í röð. Síðari hálfleikurinn var afleitur og hann hlýtur að vera á ábyrgð þjálfarans. Útskýring á einkunnum: 6 - Heimsklassa frammistaða5 - Frábær frammistaða4 - Góð frammistaða3 - Sæmileg frammistaða - skilaði sínu2 - Ekki nógu góð frammistaða1 - Slakur leikur HM 2023 í handbolta Landslið karla í handbolta Mest lesið Stuðningsfólk Fortuna brjálað út í Ísak Bergmann Fótbolti „Ég held það vilji enginn upplifa svona aftur“ Íslenski boltinn Tveir látnir og fleiri hundruð handtekin í óeirðum eftir sigur PSG Fótbolti Ósáttur Davíð Smári: Einn maður sem eyðileggur leikinn Íslenski boltinn Uppgjörið: KR - Vestri 2-1 | Atlarnir stálu sigrinum af Vestra Íslenski boltinn Kolbeinn er WBF heimsmeistari Sport Gísli Þorgeir meiddist enn á ný á öxl Handbolti Sævar hundeltur af blaðamönnum í Danmörku og Noregi Fótbolti Hispurslaus Amorim mun reynast Man United vel Enski boltinn Leik lokið: KA - Stjarnan 1-1 | Náðu að lokum að jafna gegn tíu gestum Íslenski boltinn Fleiri fréttir Óskar Hrafn: Sem betur fer hlusta stuðningsmenn KR ekki mikið á umræðuna Í beinni: Breiðablik - Víkingur R. | Stórleikur í Kópavogi Viggó kom Erlangen úr fallsæti Sævar Atli kallaður inn í landsliðið Sex mörk í fyrri þegar Eggert og Freyr fóru upp í annað sæti Í beinni: FH - Afturelding | Tvö lið sem vilja aftur á sigurbraut Í beinni: ÍA - ÍBV | Eru Skagamenn komnir í gír? Ósáttur Davíð Smári: Einn maður sem eyðileggur leikinn Enduðu í 5. sæti af 145 Gunnar hættir sem forseti Skáksambands Íslands Uppgjörið: KR - Vestri 2-1 | Atlarnir stálu sigrinum af Vestra Íslendingalið Melsungen heldur í við toppliðin Í beinni: KA - Stjarnan | KA-menn gætu komist upp fyrir gestina Gísli Þorgeir meiddist enn á ný á öxl Rauðu djöflarnir staðfesta kaup á Cunha Köln kaupir Ísak Bergmann Kolbeinn skoraði tvö í góðum sigri Gautaborgar „Þyrfti að vera klúbbur í efri hillu í Skandinavíu eða eitthvað á meginlandinu“ „Ég held það vilji enginn upplifa svona aftur“ „Þakklát fyrir skilning á þessum erfiðu tímum“ „Ótrúlega góð tilfinning að vera aftur á pallinum eftir fimm ára meiðslatímabil“ Tveir látnir og fleiri hundruð handtekin í óeirðum eftir sigur PSG Sævar hundeltur af blaðamönnum í Danmörku og Noregi Indiana Pacers í úrslit í fyrsta sinn síðan árið 2000 Stuðningsfólk Fortuna brjálað út í Ísak Bergmann Valdi tíu bestu augnablik Meistaradeildar Evrópu á leiktíðinni Hispurslaus Amorim mun reynast Man United vel Dagskráin í dag: Stórleikur á Kópavogsvelli, Formúla 1 og margt fleira Stúkan: „Bera virðingu fyrir leiknum og andstæðingnum“ „Draumar rætast“ Sjá meira
Íslenska liðið bauð upp á frábæran leik í rúmar fjörutíu mínútur en svo virtust menn klára algjörlega bensínið hjá sér. Liðið henti í framhaldinu frá sér frábærri stöðu og margir leikmenn duttu niður í einkunnum á þessum hræðilega lokakafla. Liðið leit svakalega vel út lengst af í leiknum en strákarnir okkar grófu upp öll mistök í bókinni á hryllilegum lokakafla sem tapaðist með átta mörkum. Guðmundur Guðmundsson landsliðsþjálfari notar ekki hópinn sinn og fjölda fínna leikmanna sitja á bekknum allan leikinn. Það þarf að breytast snarlega ef liðið ætlar að gera eitthvað á þessu móti. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Bjarki Már Elísson var besti leikmaður íslenska liðsins í kvöld að mati okkar en hann fær fimmu þrátt fyrir fjölda mistaka undir lokin. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Ungverjalandi: - Byrjunarlið Íslands í leiknum - Björgvin Páll Gústavsson, mark - 4 (10 varin skot- 51:53 mín.) Átti afbragðsgóðan leik lengi framan af. Fljótur að koma boltanum í leik sem skilaði mörkum og skoraði sitt tuttugasta landsliðsmark. Traust frammistaða hjá honum í fyrstu tveimur leikjunum. Bjarki Már Elísson, vinstra horn - 5 (9 mörk - 60:00 mín.) Var besti leikmaður íslenska liðsins. Byrjaði leikinn af fítonskrafti. Var í heimsklassa í 55 mínútur en fór illa með færin á ögurstundu sem var dýrt þegar upp var staðið. Aron Pálmarsson, vinstri skytta - 3 (3 mörk - 42:53 mín.) Fyrirliðinn átti fína spretti í fyrri hálfleiknum, skoraði góð mörk og var öflugur varnarlega. Í síðari hálfleik náði hann engum takti í sínum leik, var ragur og hræddur. Þarf að gera mun betur til að íslenska liðið komist lengra. Gísli Þorgeir Kristjánsson, leikstjórnandi - 3 (1 mark - 20:29 mín.) Gísli hefur ekki fundið fjölina sína í Svíþjóð. Hann er hins vegar ekki öfundsverður af hlutskipti sínu. Var í stöðugum árásum allan leikinn en sterkir Ungverjar sáu við honum og Gísli ólíkur sjálfum sér annan leikinn í röð. Það er greinilegt að hann hefur ætlað sér um of og virkar ekki í jafnvægi inn á vellinum. Ómar Ingi Magnússon, hægri skytta - 4 (7/4 mörk - 59:10 mín.) Ómar Ingi er listamaður af guðs náð. Án ef einn besti handboltamaður í heimi. Spilaði hverja einustu mínútu en þegar leið á leikinn varð hann orkulaus og lítill í sér. Tók ákvarðanir sem við höfum ekki séð frá Ómari Inga í langan tíma. Kannski ekki honum að kenna að hann fái ekki hvíld á réttum tímapunktum í leikjunum. Sigvaldi Guðjónsson, hægra horn - 4 (3 mörk - 59:26 mín.) Nýtti færin sín vel, ekki síst í fyrri hálfleiknum. Í síðari hálfleik fékk hann einfaldlega ekki boltann og í raun ekki við hann að sakast. Gæti þó gert betur í þeim færum sem hann klúraði í leiknum. Það voru dauðafæri. Ýmir Örn Gíslason, lína - 3 (8 stopp - 41:44 mín.) Ýmir átti frábæran leik í fyrri hálfleik. Í síðari hálfleik var hann í vandræðum eins og öll miðjublokkin enda réðust Ungverjar á miðsvæðið trekk í trekk sem skilaði þeim auðveldum mörkum. Vantar ekkert upp á baráttuna og viljann þar sem hann dregur gjarnan aðra leikmenn með sér. Elvar Örn Jónsson, vinstri skytta - 3 (2 stopp - 28:48 mín.) Var hnökralítill varnarlega en skilar litlu sóknarlega enda eru tækifærin þar af skornum skammti. Sannaði á Evrópumótinu, ekki síst gegn Noregi, að hann getur hæglega hjálpað íslenska liðinu í vinstri skyttunni en fær bara ekki tækifæri til þess. - Menn sem komu inn af bekknum í leiknum - Elliði Snær Viðarsson, lína - 4 (4 mörk - 46:34 mín.) Annan leikinn í röð var Elliði sannfærandi. Skilaði fjórum mörkum og varnarlega heilt yfir frábær ekki síst framan af. Missti svolítið móðinn í síðari hálfleik þegar Ungverjar fóru að éta niður forystu íslenska liðsins sem var í raun lygilegt á kafla. Viktor Gísli Hallgrímsson, mark - 3 (3 varin skot- 6:12 mín.) Ungi maðurinn kom inn og varði tvö mikilvæg skot. Ekki einfalt að koma inn í leikinn á þessum tímapunkti þar sem pressan var orðin yfirþyrmandi. Það vita allir hvað hann getur, bara spurning um að galdra það fram. Janus Daði Smárason, leikstjórnandi - 2 (0 mörk - 2:51 mín.) Janus kom inn í stuttan tíma og virtist þrúgaður af taugaspennu. Leikmaður sem oftar en ekki hefur hjálpað íslenska liðinu á ögurstundu. Var ólíkur sjálfum sér og var ekki öfundsverður að koma inn þegar allt var að fara í skrúfuna. Arnar Freyr Arnarsson, vörn - spilaði ekkiÓlafur Guðmundsson, vinstri skytta - spilaði ekkiViggó Kristjánsson, hægri skytta - spilaði ekkiÓðinn Þór Ríkharðsson, hægra horn - spilaði ekkiHákon Daði Styrmisson, vinstra horn - spilaði ekkiGuðmundur Guðmundsson, þjálfari - 2 Frábær frammistaða í fyrri hálfleik, ekki síst hvað varðar varnarleikinn. Var kominn með liðið í frábæra stöðu en eins og oft áður þá treysti hann ekki bekknum og lykilleikmenn voru komnir af fótum fram. Þá var of seint að bregðast við. Það er liðin tíð í alþjóðlegum bolta að lið geti spilað á átta mönnum tvo leiki í röð. Síðari hálfleikurinn var afleitur og hann hlýtur að vera á ábyrgð þjálfarans. Útskýring á einkunnum: 6 - Heimsklassa frammistaða5 - Frábær frammistaða4 - Góð frammistaða3 - Sæmileg frammistaða - skilaði sínu2 - Ekki nógu góð frammistaða1 - Slakur leikur
HM 2023 í handbolta Landslið karla í handbolta Mest lesið Stuðningsfólk Fortuna brjálað út í Ísak Bergmann Fótbolti „Ég held það vilji enginn upplifa svona aftur“ Íslenski boltinn Tveir látnir og fleiri hundruð handtekin í óeirðum eftir sigur PSG Fótbolti Ósáttur Davíð Smári: Einn maður sem eyðileggur leikinn Íslenski boltinn Uppgjörið: KR - Vestri 2-1 | Atlarnir stálu sigrinum af Vestra Íslenski boltinn Kolbeinn er WBF heimsmeistari Sport Gísli Þorgeir meiddist enn á ný á öxl Handbolti Sævar hundeltur af blaðamönnum í Danmörku og Noregi Fótbolti Hispurslaus Amorim mun reynast Man United vel Enski boltinn Leik lokið: KA - Stjarnan 1-1 | Náðu að lokum að jafna gegn tíu gestum Íslenski boltinn Fleiri fréttir Óskar Hrafn: Sem betur fer hlusta stuðningsmenn KR ekki mikið á umræðuna Í beinni: Breiðablik - Víkingur R. | Stórleikur í Kópavogi Viggó kom Erlangen úr fallsæti Sævar Atli kallaður inn í landsliðið Sex mörk í fyrri þegar Eggert og Freyr fóru upp í annað sæti Í beinni: FH - Afturelding | Tvö lið sem vilja aftur á sigurbraut Í beinni: ÍA - ÍBV | Eru Skagamenn komnir í gír? Ósáttur Davíð Smári: Einn maður sem eyðileggur leikinn Enduðu í 5. sæti af 145 Gunnar hættir sem forseti Skáksambands Íslands Uppgjörið: KR - Vestri 2-1 | Atlarnir stálu sigrinum af Vestra Íslendingalið Melsungen heldur í við toppliðin Í beinni: KA - Stjarnan | KA-menn gætu komist upp fyrir gestina Gísli Þorgeir meiddist enn á ný á öxl Rauðu djöflarnir staðfesta kaup á Cunha Köln kaupir Ísak Bergmann Kolbeinn skoraði tvö í góðum sigri Gautaborgar „Þyrfti að vera klúbbur í efri hillu í Skandinavíu eða eitthvað á meginlandinu“ „Ég held það vilji enginn upplifa svona aftur“ „Þakklát fyrir skilning á þessum erfiðu tímum“ „Ótrúlega góð tilfinning að vera aftur á pallinum eftir fimm ára meiðslatímabil“ Tveir látnir og fleiri hundruð handtekin í óeirðum eftir sigur PSG Sævar hundeltur af blaðamönnum í Danmörku og Noregi Indiana Pacers í úrslit í fyrsta sinn síðan árið 2000 Stuðningsfólk Fortuna brjálað út í Ísak Bergmann Valdi tíu bestu augnablik Meistaradeildar Evrópu á leiktíðinni Hispurslaus Amorim mun reynast Man United vel Dagskráin í dag: Stórleikur á Kópavogsvelli, Formúla 1 og margt fleira Stúkan: „Bera virðingu fyrir leiknum og andstæðingnum“ „Draumar rætast“ Sjá meira