Móðir fíkils: „Við færum ekki svona illa með dýrin okkar“ Margrét Björk Jónsdóttir skrifar 31. janúar 2023 21:02 Signý Hjartardóttir hefur undanfarna daga annast son sinn í hræðilegum fíkniefnafráhvörfum. Vísir/Sigurjón Móðir manns sem berst við eiturlyfjafíkn hefur undanfarna daga keyrt út um allan bæ og fengið lyf hjá ókunnugu fólki við fráhvörfum sonar síns. Hún gagnrýnir heilbrigðiskerfið harkalega og segir engan grípa þá sem eru tilbúnir að þiggja hjálp. Sonur Signýar Hjartardóttur er 46 ára heróín-og morfínfíkill sem undanfarin ár hefur verið búsettur í Portúgal. Fyrir stuttu var hann loks tilbúinn að fara í meðferð og með fjárhagslegri aðstoð frá fjölskyldu og vinum tókst Signý að fara út til Portúgal, sækja son sinn og koma honum heim til Íslands. Klippa: Segir heilbrigðiskerfið ekki grípa þá sem vilja þiggja hjálp Hér á Íslandi komu mæðginin hinsvegar alls staðar að lokuðum dyrum og undanfarna daga hefur Signý þurft að annast son sinn í hræðilegum fráhvörfum. Hún hefur keyrt út um allan bæ og fengið róandi lyf frá ókunnugu fólki sem hefur boðið fram aðstoð sína eftir að Signý opnaði sig um ástandið í færslu á Facebook. „Ég er búin að vera með hann heima, fárveikan af fráhvörfum í tíu, tólf daga. Hann var lagður inn á bráðamóttökuna í tvo daga og útskrifaður þaðan án þess að vera með lyf. Mér finnst alveg ótrúlegt árið 2023 að ég sé búin að vera að snapa lyfjum af öðru fólki, en ekki læknum eða öðru slíku sem hafa vit á hvaða lyf þarf að nota. Hann er ekki búinn að nota dóp frá því að við komum heim og ég hef geta haldið honum heima. En hann er búinn að vera rosalega veikur og ég get varla sagt að ég hafi sofið í viku,“ segir Signý. Fékk aðstoð frá þingmanni Signý segist alls staðar koma að lokuðum dyrum. „Við erum búin að fara allan hringinn, alla vikuna, á alla þessa staði. Bráðamóttakan vísar á bráðageðdeildina. Bráðageðdeildin vísar á heilsugæsluna, þar færðu ekki tíma, þá ferðu á vaktina og situr þar í tvo tíma, en þar má ekki skrifa upp á róandi." Signý sendi fjórum þingmönnum póst og lýsti stöðu sinni. Hún fékk svar frá einum þeirra, Jakobi Frímanni Magnússyni og segir hún það honum að þakka að sonur hennar komist inn á Vog núna á fimmtudag. Áður hafði henni verið sagt að um fimm mánaða biðlisti væri eftir plássi. „Hann er búinn að vera bara yndislegur, er búinn að fylgja eftir öllu sem hann sagðist ætla gera. Hann er búinn að vera í góðu sambandi við mig og hefur í raun verið eini stuðningurinn sem við höfum fengið.“ Skinn og bein og fárveikur Signý segir ástandið á syni sínum mjög slæmt. „Hann heldur engu niðri og er bara skinn og bein. Það er ekkert búið að skoða hann, hann getur varla labbað. Fólk sem hefur gengið í gengum þetta veit hvernig þetta er, þetta er ekkert grín. Ég hef ekki getað vikið frá honum og þarf að vaka á nóttunni. Hann náttúrulega sefur bara augnablik í einu og svo er bara fárveikur.“ Signý gagnrýnir kerfið harðlega og þá staðreynd að sonur hennar fái ekki lyf við verstu fráhvörfunum á meðan hann bíður eftir að komast í meðferð. „Við færum ekki svona illa með dýrin okkar. Af hverju að láta fólk þjást þegar það eru til lyf við þessu? Það er líka einn punktur í þessu, kannski á að láta fólk þjást því þau geta sjálfu sér um kennt að hafa verið að nota dóp. Það er enn þá sú hugsun. Samt er búið að viðurkenna þetta sem sjúkdóm, þegar þetta er orðið fíkn, en það nær ekki lengra en þetta.“ „Þegar fólk er tilbúið þá þarf að grípa það“ Signý segir sérstaklega mikilvægt að grípa fíkla þegar þeir eru tilbúnir að hætta. „Eins og í hans tilfelli, hann er búinn að vera í heróíni, morfíni og kókaíni. Þetta er ekkert grín, þú hættir þessu ekkert, þetta er ekki eins að fara í megrun eða eitthvað svoleiðis. Þegar fólk er tilbúið þá þarf að grípa það. Ég ætlaði að sækja hann í nóvember en þá lokaðist sá gluggi af því að ég átti ekki efni á því að fara út. Svo ákvað ég að biðja fjölskylduna um hjálp núna og fór og já, hann var ekki glæsilegur þar sem ég fann hann. Þetta er búið að vera mikil örvænting og erfitt að horfa upp á, en hann vill hjálp." Signý segist vera tilbúin til að hafa son sinn heima í fráhvörfum en til að það sé hægt þurfi hann að fá lyf. „Svo hann sé ekki hljóðandi, ælandi og ósjálfbjarga. En það var ekki hægt. Eins og ég segi, við færum ekki svona illa með dýrin okkar. Það þarf að grípa þetta fólk þegar það er tilbúið, það getur ekkert beðið. Við erum að missa fullt af fólki og ég er ekkert viss um að hann lifi endilega þetta af.“ Fíkn Heilbrigðismál SÁÁ Mest lesið Klórar sér í kollinum yfir kvennaverkfallinu Innlent Kona í fjölbýlishúsinu talin brennuvargur en gengur laus Innlent Grunuð um íkveikju í Nettó, Nytjamarkaðnum og eigin húsi Innlent „Afar ólíklegt“ að Nadine taki slaginn í borginni fyrir Miðflokkinn Innlent Segir sorglega illa hafa verið haldið á hagsmunum flugsins Innlent Skýrt ákall um heilsdagsverkfall á kvennafrídegi í ár Innlent „Það getur einhver verið að tæla barnið þitt fyrir framan þig“ Innlent Rannsaka jákvæð áhrif covid-bóluefnis á krabbameinssjúklinga Erlent Kettlingur í hættu vegna sprautunála og haldið í gíslingu af nágranna Innlent Hálfsdagslokun leikskóla skyndilega orðin að heilsdagslokun Innlent Fleiri fréttir Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Fjölgun á þeim sem lögregla fylgir úr landi Skýrt ákall um heilsdagsverkfall á kvennafrídegi í ár Sjá meira
Sonur Signýar Hjartardóttur er 46 ára heróín-og morfínfíkill sem undanfarin ár hefur verið búsettur í Portúgal. Fyrir stuttu var hann loks tilbúinn að fara í meðferð og með fjárhagslegri aðstoð frá fjölskyldu og vinum tókst Signý að fara út til Portúgal, sækja son sinn og koma honum heim til Íslands. Klippa: Segir heilbrigðiskerfið ekki grípa þá sem vilja þiggja hjálp Hér á Íslandi komu mæðginin hinsvegar alls staðar að lokuðum dyrum og undanfarna daga hefur Signý þurft að annast son sinn í hræðilegum fráhvörfum. Hún hefur keyrt út um allan bæ og fengið róandi lyf frá ókunnugu fólki sem hefur boðið fram aðstoð sína eftir að Signý opnaði sig um ástandið í færslu á Facebook. „Ég er búin að vera með hann heima, fárveikan af fráhvörfum í tíu, tólf daga. Hann var lagður inn á bráðamóttökuna í tvo daga og útskrifaður þaðan án þess að vera með lyf. Mér finnst alveg ótrúlegt árið 2023 að ég sé búin að vera að snapa lyfjum af öðru fólki, en ekki læknum eða öðru slíku sem hafa vit á hvaða lyf þarf að nota. Hann er ekki búinn að nota dóp frá því að við komum heim og ég hef geta haldið honum heima. En hann er búinn að vera rosalega veikur og ég get varla sagt að ég hafi sofið í viku,“ segir Signý. Fékk aðstoð frá þingmanni Signý segist alls staðar koma að lokuðum dyrum. „Við erum búin að fara allan hringinn, alla vikuna, á alla þessa staði. Bráðamóttakan vísar á bráðageðdeildina. Bráðageðdeildin vísar á heilsugæsluna, þar færðu ekki tíma, þá ferðu á vaktina og situr þar í tvo tíma, en þar má ekki skrifa upp á róandi." Signý sendi fjórum þingmönnum póst og lýsti stöðu sinni. Hún fékk svar frá einum þeirra, Jakobi Frímanni Magnússyni og segir hún það honum að þakka að sonur hennar komist inn á Vog núna á fimmtudag. Áður hafði henni verið sagt að um fimm mánaða biðlisti væri eftir plássi. „Hann er búinn að vera bara yndislegur, er búinn að fylgja eftir öllu sem hann sagðist ætla gera. Hann er búinn að vera í góðu sambandi við mig og hefur í raun verið eini stuðningurinn sem við höfum fengið.“ Skinn og bein og fárveikur Signý segir ástandið á syni sínum mjög slæmt. „Hann heldur engu niðri og er bara skinn og bein. Það er ekkert búið að skoða hann, hann getur varla labbað. Fólk sem hefur gengið í gengum þetta veit hvernig þetta er, þetta er ekkert grín. Ég hef ekki getað vikið frá honum og þarf að vaka á nóttunni. Hann náttúrulega sefur bara augnablik í einu og svo er bara fárveikur.“ Signý gagnrýnir kerfið harðlega og þá staðreynd að sonur hennar fái ekki lyf við verstu fráhvörfunum á meðan hann bíður eftir að komast í meðferð. „Við færum ekki svona illa með dýrin okkar. Af hverju að láta fólk þjást þegar það eru til lyf við þessu? Það er líka einn punktur í þessu, kannski á að láta fólk þjást því þau geta sjálfu sér um kennt að hafa verið að nota dóp. Það er enn þá sú hugsun. Samt er búið að viðurkenna þetta sem sjúkdóm, þegar þetta er orðið fíkn, en það nær ekki lengra en þetta.“ „Þegar fólk er tilbúið þá þarf að grípa það“ Signý segir sérstaklega mikilvægt að grípa fíkla þegar þeir eru tilbúnir að hætta. „Eins og í hans tilfelli, hann er búinn að vera í heróíni, morfíni og kókaíni. Þetta er ekkert grín, þú hættir þessu ekkert, þetta er ekki eins að fara í megrun eða eitthvað svoleiðis. Þegar fólk er tilbúið þá þarf að grípa það. Ég ætlaði að sækja hann í nóvember en þá lokaðist sá gluggi af því að ég átti ekki efni á því að fara út. Svo ákvað ég að biðja fjölskylduna um hjálp núna og fór og já, hann var ekki glæsilegur þar sem ég fann hann. Þetta er búið að vera mikil örvænting og erfitt að horfa upp á, en hann vill hjálp." Signý segist vera tilbúin til að hafa son sinn heima í fráhvörfum en til að það sé hægt þurfi hann að fá lyf. „Svo hann sé ekki hljóðandi, ælandi og ósjálfbjarga. En það var ekki hægt. Eins og ég segi, við færum ekki svona illa með dýrin okkar. Það þarf að grípa þetta fólk þegar það er tilbúið, það getur ekkert beðið. Við erum að missa fullt af fólki og ég er ekkert viss um að hann lifi endilega þetta af.“
Fíkn Heilbrigðismál SÁÁ Mest lesið Klórar sér í kollinum yfir kvennaverkfallinu Innlent Kona í fjölbýlishúsinu talin brennuvargur en gengur laus Innlent Grunuð um íkveikju í Nettó, Nytjamarkaðnum og eigin húsi Innlent „Afar ólíklegt“ að Nadine taki slaginn í borginni fyrir Miðflokkinn Innlent Segir sorglega illa hafa verið haldið á hagsmunum flugsins Innlent Skýrt ákall um heilsdagsverkfall á kvennafrídegi í ár Innlent „Það getur einhver verið að tæla barnið þitt fyrir framan þig“ Innlent Rannsaka jákvæð áhrif covid-bóluefnis á krabbameinssjúklinga Erlent Kettlingur í hættu vegna sprautunála og haldið í gíslingu af nágranna Innlent Hálfsdagslokun leikskóla skyndilega orðin að heilsdagslokun Innlent Fleiri fréttir Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Fjölgun á þeim sem lögregla fylgir úr landi Skýrt ákall um heilsdagsverkfall á kvennafrídegi í ár Sjá meira