Myndbandinu hefur einnig verið dreift af málpípum Kreml og einnig á Twittersíðu sendiráðs Rússlands í Bretlandi, þar sem það er enn aðgengilegt.
Myndbandið vakti strax efasemdir þegar það var birt en það á að hafa verið tekið upp þann 24. mars. Konan átti að hafa verið stöðvuð eftir að hún tók fram úr bílalest hermanna.
military stop a woman with her baby for allegedly violating traffic rules. After hearing her speak Russian & finding out she is a Muslim, the "brave" Ukrainian: shouts at, threatens, insults her, calls her "pig", scares her baby, fires several shots. #TruthonUkraine @mfa_russia pic.twitter.com/2Gnp5dsVpd
— Russian Embassy, UK (@RussianEmbassy) March 27, 2023
Það fyrsta sem vakti efasemdir voru merkingar hermannanna á myndbandinu en þeir voru merktir gulu límbandi. Það eru flestir úkraínskir hermenn ekki sagðir hafa gert um nokkuð skeið. Þá þótti bíllinn þar að auki of hreinn miðað við að hann hafi átt að vera í notkun á víglínum Úkraínu, svo eitthvað sé nefnt.
Ötulir netverjar voru þó tiltölulega fljótir að sýna bersýnilega fram á að myndbandið væri sviðsett. Það var með því að finna nákvæma staðsetningu þar sem myndbandið var tekið upp.
Myndbandið var tekið upp á svæði sem Rússar hafa hernumið í Dónetskhéraði. Svæði sem Rússar hafa stjórnað frá upprunalegri innrás þeirra árið 2014, suður af Makívka og austur af Dónetskborg.
Áhugasamir geta séð hvernig upptökustaðurinn fannst í meðfylgjandi Twitter-þræði.
GeoConfirmed UKR.
— GeoConfirmed (@GeoConfirmed) March 27, 2023
"2 Ukrainians stopped a car and fires a gun to scare a women and child."
This is not Ukrainian military
This video is made 30 km's behind the frontline.
Russian disinformation, but geolocation by @PStyle0ne1 is on point and GeoConfirmed.
1/13 pic.twitter.com/gewMd6gImq
Þetta er ekki í fyrsta sinn sem Rússar eru gripnir glóðvolgir við fölsun myndefnis seins og þessa myndbands. Meðal annars má nefna tilfelli þar sem Rússar sviðsettu árásir Úkraínumanna á handbendi Rússa í austurhluta Úkraínu.
Þá má einnig nefna tilfelli þar sem myndbandi af úkraínskri konu var dreift til fjölmiðla í Rússlandi. Konan var frá Maríupól en á myndbandinu sakaði hún úkraínska hermenn um að bera ábyrgð á dauðum fjölmargra óbreyttra borgara og að Úkraínumenn hefðu gert mannskæðar árásir á sjúkrahús og leikhús, árásir sem Rússar gerðu.
Við nánari skoðun kom í ljós að lýsigögn myndbandsins sýndu að það var tekið upp á myndavél í eigu Leyniþjónustu Rússlands (FSB).
Sjá einnig: Meint raunasaga úkraínskrar flóttakonu tekin upp af leyniþjónustu Rússlands
Þá má einnig benda á atvik frá 2017 þegar Varnarmálaráðuneyti Rússlands birti myndband sem sýna átti Bandaríkjaher vinna með vígamönnum Íslamska ríkisins.
Fljótt kom í ljós að myndbandið var sett saman úr öðrum myndböndum og þar á meðal úr stiklu fyrir tölvuleik. Ráðuneytið fjarlægði myndbandið.