Mest verðlaunaða umhverfisslysið skaðar samgöngur þjóðar og lífsskilyrði Matthías Arngrímsson skrifar 29. júní 2023 14:01 Mest verðlaunaði meirihluti borgarstjórnar frá upphafi fyrir vanhæfni, yfirgang og skelfilega óstjórn fjármála samþykkti á dögunum breytt deiliskipulag fyrir Nýja Skerjafjörð á fölskum forsendum. Íbúar Skerjafjarðar hafa verið virtir að vettugi og gaslýstir þrátt fyrir mikla baráttu við að fá upplýsingar og svör við fyrirspurnum, áhyggjum og mótmælum. Sem fyrrverandi íbúi í hverfinu finn ég til með fyrrverandi nágrönnum mínum sem munu horfa upp á fallega hverfið sitt eyðilagt og lífsgæðin verulega skert. Það er greinilega einhver misskilningur á ferðinni. Borgarstjórn á að vinna FYRIR íbúana, en ekki GEGN þeim. Það væri fróðlegt að skoða listann yfir þá aðila sem eiga að fá lóðir og byggja á svæðinu, því það er verið að vinna fyrir þá, en ekki borgarbúa eða landsmenn, svipað og gert var á Hlíðarendasvæðinu. Hvers vegna fengu „óhagnaðardrifin“ byggingarfélög og stúdentar ekki bensínstöðvarreitina, t.d. við Birkimel eða Ægisíðu? Deiliskipulag í eigin tómi Borgarstjóri og formaður Umhverfis- og skipulagsráðs tönnlast á hversu mörg verðlaun þetta deiliskipulag hefur fengið. Eru verðlaunin aðeins veitt fyrir hluta deiliskipulagsins innan teikningar? Maður hefði haldið að það þyrfti líka að hafa góð áhrif á umhverfi sitt út fyrir teikningarnar, sem það gerir alls ekki samanber eyðileggingu náttúru fjörunnar og griðlands fugla. Það þyrfti að hafa góð áhrif á aðliggjandi byggð sem það gerir alls ekki miðað við áhyggjur og mótmæli íbúa Skerjafjarðar og nærliggjandi hverfa. Það þyrfti að hafa góð áhrif á sambýlið við flugvöllinn, sem það gerir alls ekki þar sem veruleg hætta er á að samgöngur þjóðarinnar við höfuðborgina skerðist verulega og komi m.a. í veg fyrir sjúkraflug. Það þyrfti líka að hafa góð áhrif á borgina almennt, sem það gerir alls ekki vegna fyrirhugaðra framkvæmda með flutningi á 13.000 vörubílsförmum af olíumenguðum jarðvegi gegnum borgina auk þess sem ef af byggingu alls svæðisins verður, munu umferðarteppur og tafir í lífi borgarbúa margfaldast. Svo væri fróðlegt að vita hvort íbúar Reykjavíkur eiga að borga þennan flutning með útsvari sínu eða hvort framkvæmdaaðilar muni borga, sem er eðlilegra og sjálfsagt. Hverjum dettur í hug að veita svona umhverfisslysi sem skaðar samgöngur þjóðar verðlaun? Náttúrufræðistofnun hefur skoðað að friða eigi fjöruna í Skerjafirði. Sífellt fleiri eru að komast á þá skoðun. „Vér mótmælum allir“ Það er með ólíkindum að ætla að keyra áfram deiliskipulag eftir öll þau mótmæli sem fjölmargir aðilar hafa lagt fram; íbúasamtök, náttúruverndarsamtök, fuglafræðingar, Skerfirðingar, flugrekstraraðilar, Öryggisnefnd félags íslenskra atvinnuflugmanna, sérfræðingar í samgöngumálum borga, viðbragðsaðilar, Seltirningar, landsbyggðarfólk sem vill komast til borgarinnar, bæjarstjórar vegna takmörkunar á aðgengi að heilbrigðisstofnunum á höfuðborgarsvæðinu, læknar, sjúkraflugmenn, Umhverfis-, orku- og loftslagsráðherra og fleiri. Heyrnarleysi og blinda ráða í þessu máli eins og fleirum hjá sitjandi borgarstjórnarmeirihluta. Ríkisstjórnin og Alþingi verða að verja samgönguinnviði þjóðarinnar og taka í taumana til að leysa flugvöllinn úr þessu umsátri borgarstjórnarmeirihlutans í eitt skipti fyrir öll því það er greinilegt að undirritað samkomulag um að láta hann í friði í þeirri mynd og nýtingu sem hann er, er svikið blákalt. Borgarstjóri minnir á Covid í flugvallarmálinu. Alltaf þegar maður heldur að maður sé laus við einkennin, þá dúkkar upp nýtt afbrigði. Viljandi litið framhjá alvarlegum staðreyndum Í deiliskipulaginu stendur orðrétt: „2.2. Áhrif á Reykjavíkurflugvöll Deiliskipulag fyrir nýja byggð í Skerjafirði mun ekki skerða starfsemi eða nýtingu Reykjavíkurflugvallar. Byggðin stendur utan við öryggissvæði flugvallarins og mun ekki fara upp fyrir hindrunarflöt flugvallarins." Enn fremur stendur: "Nýtt deiliskipulag og uppbygging mun því ekki raska flugöryggi eða þjónustustigi flugvallarins nema að óverulegu leyti líkt og á við núverandi byggð umhverfis flugvöllinn.“ Seinna stendur: „3.11. Vindgreining ...Niðurstöður sýna að breyting verður á vindafari á flugbrautum í ákveðnum vindáttum en ekki að breytingar verði til hins verra eða að flugbrautir verði ónothæfar.“ Þessi atriði eru öll röng að sjálfsögðu skv. niðurstöðum í skýrslu starfshóps Innviðaráðherra þar sem frekari rannsókna á þessum atriðum er þörf og það kom margoft fram í skýrslunni. Sömuleiðis er mikið rætt um mikilvægi mótvægisaðgerða sem teljast nauðsynlegar. En mótvægisaðgerðir þýða hreina og klára skerðingu á nýtingu vallarins og það samræmist ekki samkomulaginu sem undirritað var 2019 svo það er svikið. Þannig hafa hrein ósannindi verið lögð fram til samþykktar í borgarstjórn. Til dæmis á eftir að gera ítarlegri rannsóknir á áhrif úrkomu á flugbrautir við aðstæður í hliðarvindi, áhrif kviku og ókyrrðar yfir flugbrautum af hæstu húsunum í deiliskipulaginu, myndun ísingar á brautum vegna skuggavarps og fleiri mikilvæg atriði sem hafa bein og neikvæð áhrif á flugöryggi. Deiliskipulagið er þannig að hluta til byggt á röngum forsendum og á því að flugvöllurinn SÉ EKKI ÞARNA. Þetta er merki um þau vinnubrögð sem meirihlutinn stundar. Fölskum forsendum er ítrekað slegið fram sem sannleika og moðreykur villandi upplýsinga verður ráðandi. Landsmenn eiga það skilið að stjórn höfuðborgarinnar sé ábyrg fyrir gjörðum sínum, segi satt og rétt frá og hugsi um hag allra landsmanna í hlutverki sínu sem höfuðborg. Orðið siðblinda kemur oft upp í vangaveltum um þessa skaðlegu pólitík gegn þjóðinni. Réttast af öllu væri að draga þetta deiliskipulag tilbaka, afhenda ríkinu aftur landið undir braut 06 og ljúka þeim nauðsynlegu rannsóknum sem þarf að framkvæma og endurskoða svo málið að þeim loknum. Annað er hreint og klárt fúsk. Virðingarfyllst, Matthías Arngrímsson Höfundur er fyrrverandi Skerfirðingur, flugstjóri og flugkennari. Viltu birta grein á Vísi? Sendu okkur póst. Senda grein Fréttir af flugi Reykjavík Reykjavíkurflugvöllur Matthías Arngrímsson Mest lesið Það tók 94 daga að gera það sem beðið hefur verið eftir í rúmlega 40 ár Þórður Snær Júlíusson Skoðun Við viljum jafnan rétt foreldra Áslaug Arna Sigurbjörnsdóttir,Bryndís Haraldsdóttir,Diljá Mist Einarsdóttir Skoðun Opið bréf til borgarstjórnar: Foreldrar kalla eftir ákvörðun á fimmtudaginn! Foreldrar barna í leikskólanum Öskju og Barnaskólanum í Reykjavík Skoðun Háskóli er samfélag Silja Bára R. Ómarsdóttir Skoðun Hvers vegna tollar á innfluttar landbúnaðarvörur? Ágústa Ágústsdóttir,Eiríkur Svavarsson,Gunnar Bragi Sveinsson,Heiðbrá Ólafsdóttir,Jakob Frímann Magnússon,Þorsteinn Sæmundsson Skoðun Börn, foreldrar og starfsfólk Hjallastefnunnar í Reykjavík kalla eftir ákvörðun á fimmtudag! Kristín Kolbrún Waage Kolbeinsdóttir Skoðun Fúli kallinn á stallinum Hermann Stefánsson Skoðun Umbun er sama og afleiðing Helgi S. Karlsson Skoðun Stúdentar – kjósum Silju Báru í dag! Katla Ólafsdóttir,Elín Karlsdóttir,Guðni Thorlacius,Gunnar Ásgrímsson,Georg Orlov Guðmundsson Skoðun Tími kominn til aðgerða gegn Ísrael Ingólfur Gíslason Skoðun Skoðun Skoðun Áskoranir og tækifæri alþjóðaviðskipta á óvissutímum Hildur Árnadóttir,Pétur Þ. Óskarsson skrifar Skoðun Eldurinn og slökkvitækið Þorgerður Katrín Gunnarsdóttir skrifar Skoðun Stúdentar – kjósum Silju Báru í dag! Katla Ólafsdóttir,Elín Karlsdóttir,Guðni Thorlacius,Gunnar Ásgrímsson,Georg Orlov Guðmundsson skrifar Skoðun Umbun er sama og afleiðing Helgi S. Karlsson skrifar Skoðun Netárásir án landamæra: Hvað getum við lært af nýrri netöryggisstefnu Bandaríkjanna? Valdimar Óskarsson skrifar Skoðun Hvers vegna tollar á innfluttar landbúnaðarvörur? Ágústa Ágústsdóttir,Eiríkur Svavarsson,Gunnar Bragi Sveinsson,Heiðbrá Ólafsdóttir,Jakob Frímann Magnússon,Þorsteinn Sæmundsson skrifar Skoðun Börn, foreldrar og starfsfólk Hjallastefnunnar í Reykjavík kalla eftir ákvörðun á fimmtudag! Kristín Kolbrún Waage Kolbeinsdóttir skrifar Skoðun Opið bréf til borgarstjórnar: Foreldrar kalla eftir ákvörðun á fimmtudaginn! Foreldrar barna í leikskólanum Öskju og Barnaskólanum í Reykjavík skrifar Skoðun Við viljum jafnan rétt foreldra Áslaug Arna Sigurbjörnsdóttir,Bryndís Haraldsdóttir,Diljá Mist Einarsdóttir skrifar Skoðun Háskóli er samfélag Silja Bára R. Ómarsdóttir skrifar Skoðun Matvælafræði - undirstaða verðmætasköpunar í íslensku atvinnulífi Axel Sigurðsson skrifar Skoðun Auðlind þjóðarinnar Eiríkur Björn Björgvinsson skrifar Skoðun Samfélagslegur frumkvöðlakraftur Styrktarfélags lamaðra og fatlaðra Bergljót Borg skrifar Skoðun Leiðrétt veiðigjöld Hanna Katrín Friðriksson skrifar Skoðun Táknmálstúlkun Sigurlín Margrét Sigurðardóttir skrifar Skoðun Það tók 94 daga að gera það sem beðið hefur verið eftir í rúmlega 40 ár Þórður Snær Júlíusson skrifar Skoðun Tesluvandinn Alexandra Briem skrifar Skoðun Kjósum Silju Báru fyrir nemendur HÍ Sóllilja Bjarnadóttir skrifar Skoðun Ég kýs öflugan rannsakanda og málsvara vísinda Engilbert Sigurðsson skrifar Skoðun Silja Karl og Magnús Bára eru rektorinn minn Pétur Henry Petersen skrifar Skoðun Metum lífið að verðleikum og stöðvum fordóma Þröstur Ólafsson skrifar Skoðun Tími kominn til aðgerða gegn Ísrael Ingólfur Gíslason skrifar Skoðun Tilkynna þegar vart er við dýr í neyð Kolbrún Áslaugar Baldursdóttir skrifar Skoðun Deyið fyrir okkur í skiptum fyrir ekkert Gabríel Ingimarsson skrifar Skoðun Hver er stefna ríkisstjórnarinnar í geðheilbrigðismálum? Kristófer Þorleifsson skrifar Skoðun Sjáðu Gaza Arnar Eggert Thoroddsen skrifar Skoðun Framtíðin felst í hugviti — hvers vegna gröfum við þá undan því? Arnar Halldórsson skrifar Skoðun Að vinna með fólki en ekki fyrir það Gísla Rafn Ólafsson,Ósk Sigurðardóttir skrifar Skoðun Tálmun þrífst í þögn nærsamfélagsins Sigríður Sólan Guðlaugsdóttir skrifar Skoðun Magnús Karl er okkar rektor Tinna Laufey Ásgeirsdóttir,Árni Kristjánsson skrifar Sjá meira
Mest verðlaunaði meirihluti borgarstjórnar frá upphafi fyrir vanhæfni, yfirgang og skelfilega óstjórn fjármála samþykkti á dögunum breytt deiliskipulag fyrir Nýja Skerjafjörð á fölskum forsendum. Íbúar Skerjafjarðar hafa verið virtir að vettugi og gaslýstir þrátt fyrir mikla baráttu við að fá upplýsingar og svör við fyrirspurnum, áhyggjum og mótmælum. Sem fyrrverandi íbúi í hverfinu finn ég til með fyrrverandi nágrönnum mínum sem munu horfa upp á fallega hverfið sitt eyðilagt og lífsgæðin verulega skert. Það er greinilega einhver misskilningur á ferðinni. Borgarstjórn á að vinna FYRIR íbúana, en ekki GEGN þeim. Það væri fróðlegt að skoða listann yfir þá aðila sem eiga að fá lóðir og byggja á svæðinu, því það er verið að vinna fyrir þá, en ekki borgarbúa eða landsmenn, svipað og gert var á Hlíðarendasvæðinu. Hvers vegna fengu „óhagnaðardrifin“ byggingarfélög og stúdentar ekki bensínstöðvarreitina, t.d. við Birkimel eða Ægisíðu? Deiliskipulag í eigin tómi Borgarstjóri og formaður Umhverfis- og skipulagsráðs tönnlast á hversu mörg verðlaun þetta deiliskipulag hefur fengið. Eru verðlaunin aðeins veitt fyrir hluta deiliskipulagsins innan teikningar? Maður hefði haldið að það þyrfti líka að hafa góð áhrif á umhverfi sitt út fyrir teikningarnar, sem það gerir alls ekki samanber eyðileggingu náttúru fjörunnar og griðlands fugla. Það þyrfti að hafa góð áhrif á aðliggjandi byggð sem það gerir alls ekki miðað við áhyggjur og mótmæli íbúa Skerjafjarðar og nærliggjandi hverfa. Það þyrfti að hafa góð áhrif á sambýlið við flugvöllinn, sem það gerir alls ekki þar sem veruleg hætta er á að samgöngur þjóðarinnar við höfuðborgina skerðist verulega og komi m.a. í veg fyrir sjúkraflug. Það þyrfti líka að hafa góð áhrif á borgina almennt, sem það gerir alls ekki vegna fyrirhugaðra framkvæmda með flutningi á 13.000 vörubílsförmum af olíumenguðum jarðvegi gegnum borgina auk þess sem ef af byggingu alls svæðisins verður, munu umferðarteppur og tafir í lífi borgarbúa margfaldast. Svo væri fróðlegt að vita hvort íbúar Reykjavíkur eiga að borga þennan flutning með útsvari sínu eða hvort framkvæmdaaðilar muni borga, sem er eðlilegra og sjálfsagt. Hverjum dettur í hug að veita svona umhverfisslysi sem skaðar samgöngur þjóðar verðlaun? Náttúrufræðistofnun hefur skoðað að friða eigi fjöruna í Skerjafirði. Sífellt fleiri eru að komast á þá skoðun. „Vér mótmælum allir“ Það er með ólíkindum að ætla að keyra áfram deiliskipulag eftir öll þau mótmæli sem fjölmargir aðilar hafa lagt fram; íbúasamtök, náttúruverndarsamtök, fuglafræðingar, Skerfirðingar, flugrekstraraðilar, Öryggisnefnd félags íslenskra atvinnuflugmanna, sérfræðingar í samgöngumálum borga, viðbragðsaðilar, Seltirningar, landsbyggðarfólk sem vill komast til borgarinnar, bæjarstjórar vegna takmörkunar á aðgengi að heilbrigðisstofnunum á höfuðborgarsvæðinu, læknar, sjúkraflugmenn, Umhverfis-, orku- og loftslagsráðherra og fleiri. Heyrnarleysi og blinda ráða í þessu máli eins og fleirum hjá sitjandi borgarstjórnarmeirihluta. Ríkisstjórnin og Alþingi verða að verja samgönguinnviði þjóðarinnar og taka í taumana til að leysa flugvöllinn úr þessu umsátri borgarstjórnarmeirihlutans í eitt skipti fyrir öll því það er greinilegt að undirritað samkomulag um að láta hann í friði í þeirri mynd og nýtingu sem hann er, er svikið blákalt. Borgarstjóri minnir á Covid í flugvallarmálinu. Alltaf þegar maður heldur að maður sé laus við einkennin, þá dúkkar upp nýtt afbrigði. Viljandi litið framhjá alvarlegum staðreyndum Í deiliskipulaginu stendur orðrétt: „2.2. Áhrif á Reykjavíkurflugvöll Deiliskipulag fyrir nýja byggð í Skerjafirði mun ekki skerða starfsemi eða nýtingu Reykjavíkurflugvallar. Byggðin stendur utan við öryggissvæði flugvallarins og mun ekki fara upp fyrir hindrunarflöt flugvallarins." Enn fremur stendur: "Nýtt deiliskipulag og uppbygging mun því ekki raska flugöryggi eða þjónustustigi flugvallarins nema að óverulegu leyti líkt og á við núverandi byggð umhverfis flugvöllinn.“ Seinna stendur: „3.11. Vindgreining ...Niðurstöður sýna að breyting verður á vindafari á flugbrautum í ákveðnum vindáttum en ekki að breytingar verði til hins verra eða að flugbrautir verði ónothæfar.“ Þessi atriði eru öll röng að sjálfsögðu skv. niðurstöðum í skýrslu starfshóps Innviðaráðherra þar sem frekari rannsókna á þessum atriðum er þörf og það kom margoft fram í skýrslunni. Sömuleiðis er mikið rætt um mikilvægi mótvægisaðgerða sem teljast nauðsynlegar. En mótvægisaðgerðir þýða hreina og klára skerðingu á nýtingu vallarins og það samræmist ekki samkomulaginu sem undirritað var 2019 svo það er svikið. Þannig hafa hrein ósannindi verið lögð fram til samþykktar í borgarstjórn. Til dæmis á eftir að gera ítarlegri rannsóknir á áhrif úrkomu á flugbrautir við aðstæður í hliðarvindi, áhrif kviku og ókyrrðar yfir flugbrautum af hæstu húsunum í deiliskipulaginu, myndun ísingar á brautum vegna skuggavarps og fleiri mikilvæg atriði sem hafa bein og neikvæð áhrif á flugöryggi. Deiliskipulagið er þannig að hluta til byggt á röngum forsendum og á því að flugvöllurinn SÉ EKKI ÞARNA. Þetta er merki um þau vinnubrögð sem meirihlutinn stundar. Fölskum forsendum er ítrekað slegið fram sem sannleika og moðreykur villandi upplýsinga verður ráðandi. Landsmenn eiga það skilið að stjórn höfuðborgarinnar sé ábyrg fyrir gjörðum sínum, segi satt og rétt frá og hugsi um hag allra landsmanna í hlutverki sínu sem höfuðborg. Orðið siðblinda kemur oft upp í vangaveltum um þessa skaðlegu pólitík gegn þjóðinni. Réttast af öllu væri að draga þetta deiliskipulag tilbaka, afhenda ríkinu aftur landið undir braut 06 og ljúka þeim nauðsynlegu rannsóknum sem þarf að framkvæma og endurskoða svo málið að þeim loknum. Annað er hreint og klárt fúsk. Virðingarfyllst, Matthías Arngrímsson Höfundur er fyrrverandi Skerfirðingur, flugstjóri og flugkennari.
Það tók 94 daga að gera það sem beðið hefur verið eftir í rúmlega 40 ár Þórður Snær Júlíusson Skoðun
Við viljum jafnan rétt foreldra Áslaug Arna Sigurbjörnsdóttir,Bryndís Haraldsdóttir,Diljá Mist Einarsdóttir Skoðun
Opið bréf til borgarstjórnar: Foreldrar kalla eftir ákvörðun á fimmtudaginn! Foreldrar barna í leikskólanum Öskju og Barnaskólanum í Reykjavík Skoðun
Hvers vegna tollar á innfluttar landbúnaðarvörur? Ágústa Ágústsdóttir,Eiríkur Svavarsson,Gunnar Bragi Sveinsson,Heiðbrá Ólafsdóttir,Jakob Frímann Magnússon,Þorsteinn Sæmundsson Skoðun
Börn, foreldrar og starfsfólk Hjallastefnunnar í Reykjavík kalla eftir ákvörðun á fimmtudag! Kristín Kolbrún Waage Kolbeinsdóttir Skoðun
Stúdentar – kjósum Silju Báru í dag! Katla Ólafsdóttir,Elín Karlsdóttir,Guðni Thorlacius,Gunnar Ásgrímsson,Georg Orlov Guðmundsson Skoðun
Skoðun Áskoranir og tækifæri alþjóðaviðskipta á óvissutímum Hildur Árnadóttir,Pétur Þ. Óskarsson skrifar
Skoðun Stúdentar – kjósum Silju Báru í dag! Katla Ólafsdóttir,Elín Karlsdóttir,Guðni Thorlacius,Gunnar Ásgrímsson,Georg Orlov Guðmundsson skrifar
Skoðun Netárásir án landamæra: Hvað getum við lært af nýrri netöryggisstefnu Bandaríkjanna? Valdimar Óskarsson skrifar
Skoðun Hvers vegna tollar á innfluttar landbúnaðarvörur? Ágústa Ágústsdóttir,Eiríkur Svavarsson,Gunnar Bragi Sveinsson,Heiðbrá Ólafsdóttir,Jakob Frímann Magnússon,Þorsteinn Sæmundsson skrifar
Skoðun Börn, foreldrar og starfsfólk Hjallastefnunnar í Reykjavík kalla eftir ákvörðun á fimmtudag! Kristín Kolbrún Waage Kolbeinsdóttir skrifar
Skoðun Opið bréf til borgarstjórnar: Foreldrar kalla eftir ákvörðun á fimmtudaginn! Foreldrar barna í leikskólanum Öskju og Barnaskólanum í Reykjavík skrifar
Skoðun Við viljum jafnan rétt foreldra Áslaug Arna Sigurbjörnsdóttir,Bryndís Haraldsdóttir,Diljá Mist Einarsdóttir skrifar
Skoðun Matvælafræði - undirstaða verðmætasköpunar í íslensku atvinnulífi Axel Sigurðsson skrifar
Skoðun Samfélagslegur frumkvöðlakraftur Styrktarfélags lamaðra og fatlaðra Bergljót Borg skrifar
Skoðun Það tók 94 daga að gera það sem beðið hefur verið eftir í rúmlega 40 ár Þórður Snær Júlíusson skrifar
Það tók 94 daga að gera það sem beðið hefur verið eftir í rúmlega 40 ár Þórður Snær Júlíusson Skoðun
Við viljum jafnan rétt foreldra Áslaug Arna Sigurbjörnsdóttir,Bryndís Haraldsdóttir,Diljá Mist Einarsdóttir Skoðun
Opið bréf til borgarstjórnar: Foreldrar kalla eftir ákvörðun á fimmtudaginn! Foreldrar barna í leikskólanum Öskju og Barnaskólanum í Reykjavík Skoðun
Hvers vegna tollar á innfluttar landbúnaðarvörur? Ágústa Ágústsdóttir,Eiríkur Svavarsson,Gunnar Bragi Sveinsson,Heiðbrá Ólafsdóttir,Jakob Frímann Magnússon,Þorsteinn Sæmundsson Skoðun
Börn, foreldrar og starfsfólk Hjallastefnunnar í Reykjavík kalla eftir ákvörðun á fimmtudag! Kristín Kolbrún Waage Kolbeinsdóttir Skoðun
Stúdentar – kjósum Silju Báru í dag! Katla Ólafsdóttir,Elín Karlsdóttir,Guðni Thorlacius,Gunnar Ásgrímsson,Georg Orlov Guðmundsson Skoðun