Ekkert mark var skorað í leiknum, hvorki í venjulegum leiktíma né í framlengingunni og þurfti því að endingu að grípa til vítaspyrnukeppni.
Enska liðið var einum færri alla framlenginguna eftir að Lauren James fékk að líta rauða spjaldið á 87.mínútu fyrir að stíga ofan á leikmann Nígeríu.
Lauren James is sent off after stamping on Michelle Alozie pic.twitter.com/GstZPvBKea
— B/R Football (@brfootball) August 7, 2023
Fyrstu tvær spyrnurnar í vítaspyrnukeppninni fóru framhjá markinu þar sem Georgia Stanway og Desire Oparanozie tóku keimlíkar spyrnur. Í kjölfarið af því sýndu þær ensku mikið öryggi á vítapunktinum á meðan Michelle Alozie þrumaði boltanum yfir markið í annarri spyrnu Nígeríu.
Fór að lokum svo að Chloe Kelly skaut Englandi áfram með fimmtu spyrnu Englendinga.