Sport

Elvar og Benedikt heimsmeistarar í gæðingaskeiði

Hjörtur Leó Guðjónsson skrifar
Elvar Þormarsson og Fjalladís frá Fornusöndum eru heimsmeistarar í gæðingaskeiði.
Elvar Þormarsson og Fjalladís frá Fornusöndum eru heimsmeistarar í gæðingaskeiði. Landsamband Hestamannafélaga

Elvar Þormarsson og Fjalladís frá Fornusöndum tryggðu sér í kvöld heimsmeistaratitilinn í gæðingaskeiði á heimsmeistaramóti íslenska hestsins sem fram fer í Hollandi. Þá tryggðu Benedikt Ólafsson og Leira-Björk frá Naustum III sér heimsmeistaratitil ungmenna.

Elvar og Fjalladís báru höfuð og herðar yfir aðra keppendur og tveir yfirburðarsprettir þeirra skiluðu þeim einkuninni 8,92. Mikil rigning var í Oirschot í Hollandi þar sem mótið fer fram, en ríkjandi Íslandsmeistararnir létu það ekki á sig fá og tryggðu sér heimsmeistaratitilinn örugglega.

Benedikt Ólafsson og Leiru-Björk voru þau sem næst komust því að ógna yfirburðum Elvars og Fjalladísar. Benedikt og Leiru-Björk eru ríkjandi Íslandsmeistarar ungmenna, og hafa unnið þann titil síðustu þrjú ár.

Benedikt og Leiru-Björk áttu tvo glæsilega spretti sem gáfu þeim 8,0 í einkunn, en það dugði til að landa heimsmeistaratitli ungmenna, sem og öðru sæti yfir alla keppendur kvöldsins óháð aldri.

Hestaíþróttir

Mest lesið


Fleiri fréttir

Sjá meira


×

Mest lesið