Evrópuævintýri Breiðabliks: Upphafið í Þrándheimi Runólfur Trausti Þórhallsson skrifar 21. september 2023 12:01 Breiðablik hefur spilað 23 Evrópuleiki frá árinu 2020. Þeir verða 29 áður en tímabilið 2024 gengur í garð. Vísir/Diego Í kvöld mætast Maccabi Tel Aviv og Breiðablik í 1. umferð riðlakeppni Sambandsdeildar Evrópu í knattspyrnu. Íslenskt karlalið hefur aldrei áður komist jafn langt í Evrópu. Ef við spólum aftur til 27. ágúst 2020 þá var ekki margt sem benti til þess að Breiðablik yrði fyrsta íslenska karlaliðið til að ná þessum árangri, eða hvað? Á svona stundum er vert að skoða upphafið. Þann 5. október 2019 var Óskar Hrafn Þorvaldsson ráðinn þjálfari meistaraflokks karla hjá Breiðabliki. Halldór Árnason var ráðinn sem aðstoðarþjálfari en saman höfðu þeir komið Gróttu úr 2. deildinni upp í þá efstu á aðeins tveimur árum. „Ég er þakklátur fyrir að vera treyst til að leiða, jafnöflugt félag og Breiðablik er, næstu árin. Leikmannahópurinn er framúrskarandi, aðstæðurnar fyrsta flokks og ég get ekki beðið eftir að byrja að vinna með öllu því góðu fólki sem kemur að félaginu. Á sama tíma kveð ég Seltjarnarnesið með söknuði, leikmannahóp, stjórn og starfsfólk sem ég hef átt tvö ótrúlega viðburðarík ár með," var haft eftir Óskari Hrafni á blikar.is er hann skrifaði undir í Kópavogi. Óskar Hrafn var ekki lengi að setja handbragð sitt á Blikaliðið þó svo að kórónuveiran hafi sett strik í reikninginn sumarið 2020. Það var svo þann 27. ágúst sem Breiðablik hélt til Þrándheims í Noregi og mætti þar norska stórveldinu Rosenborg. Um var að ræða fyrsta Evrópuleik Óskars Hrafns sem þjálfara. Þrátt fyrir að ofurefli væri við að etja mættu Blikar með kassann úti og héldu sig við sama upplegg og í deildinni hér heima. Eftir aðeins þrjár mínútur komust heimamenn í Rosenborg yfir og eftir 17 mínútur var staðan orðin 2-0. Þegar tæpur hálftími var liðinn var staðan orðin 4-0 og einvíginu lokið. Lokatölur í Þrándheimi 4-2 heimamönnum í vil. Þessi leikur lagði þó grunninn að því sem við höfum séð frá Blikum í Evrópu síðan. Fyrir hvern einasta leik tönnlast Óskar Hrafn á því að Blikar þurfi að spila sinn leik og megi hverfa frá gildum sínum. Sem dæmi má nefna viðtal við Óskar Hrafn fyrir viðureign Breiðabliks og FC Kaupmannahafnar í forkeppni Meistaradeildar Evrópu í sumar. „Við ætlum að gera allt sem við getum til að vera við sjálfir. Við höfum talað um að það er skemmtilegt að fá tækifæri til að máta sig við betri lið og leiðin til að máta sig á raunhæfan hátt er að gera það sem þú ert búinn að vera að gera,“ „Við þurfum að passa að halda í gildin okkar, vera hugrakkir, þora að halda í boltann og stíga á þá. Ég held að þetta snúist um það að við nálgumst okkar besta leik og nálægt þeirri hugmyndafræði sem við höfum unnið eftir.“ Breiðablik hefur ríghaldið í þessi gildi, skiptir ekki hvort um sé að ræða Bestu deildina, Mjólkurbikarinn eða hinar ýmsu Evrópukeppnir. Til þessa hefur liðið vissulega aðeins landað einum titli, Íslandsmeistaratitlinum árið 2022, á meðan Víkingar hafa sópað til sínum hverjum bikarnum á fætur öðrum. Breiðablik hefur hins vegar afrekað eitthvað sem engu karlaliði hefur áður tekist, að komast alla leið í riðlakeppni í Evrópu. Stóra spurningin er hversu lengi félagið mun sitja eitt við það borð en kvennalið félagsins komst í riðlakeppni Meistaradeildar Evrópu kvenna árið 2021. Leikur Maccabi Tel Aviv og Breiðabliks verður sýndur beint á Vodafone Sport. Útsending hefst klukkan 18.50 en leikurinn sjálfur kl. 19.00. Fótbolti Íslenski boltinn Breiðablik Sambandsdeild Evrópu Mest lesið Mourinho reif í nefið á stjóra mótherjanna eftir leik Fótbolti Arne Slot: Við vorum ekki heppnir, reglan er svona Enski boltinn Tiger hringdi í Trump til að segja honum frá sambandinu Golf Söfnuðu milljörðum og eiga nú meirihluta í leikvangi félagsins Fótbolti Fjórir vinsælustu leikmennirnir eru konur Körfubolti Kári Jóns meiddist illa á hné í kvöld Körfubolti Einn besti dómari landsins fær ekki leik Körfubolti Ómar Ingi markahæstur í sigri í Meistaradeildinni Handbolti Uppgjör: Tindastóll - Keflavík 94-87 | Stólarnir sterkari í lokin Körfubolti Man. City saknaði ekki Haaland í kvöld Enski boltinn Fleiri fréttir Mourinho reif í nefið á stjóra mótherjanna eftir leik Söfnuðu milljörðum og eiga nú meirihluta í leikvangi félagsins Arne Slot: Við vorum ekki heppnir, reglan er svona Barcelona og Real Madrid mætast í bikarúrslitaleiknum Tonali tryggði Newcastle dýrmætan sigur Man. City saknaði ekki Haaland í kvöld Jón Guðni Fjóluson leggur skóna á hilluna Íslensku stelpurnar réðu ekki við Maísu „Mótlætið styrkir mann“ Mo Salah í myndatökum niður við höfnina í Liverpool Eyjamenn sækja Pólverja í rammann Gylfa aftur spáð titlinum en spáin röng síðan 2020 „Auðvitað söknum við hennar“ Vilja VAR á Íslandi og finnst Gylfi langbestur Félögin spá Víkingum titlinum Segir að það hafi ekki verið mistök að selja Elanga Svona var kynningarfundur Bestu deildar karla „Hann virðist bara ekkert vera þannig þjálfari“ Skelltu lærisveinum Alonso og ótrúlegt bikarævintýri heldur áfram Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ „Verður vonandi tilbúinn fyrir síðustu leiki tímabilsins“ Segir Müller eiga skilið góða kveðjustund Orri og félagar duttu út með hádramatískum hætti Saka sneri aftur og skoraði í sigri Skyttnanna Sluppu með sigur og hafa haldið oftast hreinu Þjálfari Sveindísar segir starfi sínu lausu „Búin að taka mig inn í fjölskylduna“ Úthúðar þjálfaranum: Fékk betri æfingar í flóttamannabúðunum Sjá meira
Ef við spólum aftur til 27. ágúst 2020 þá var ekki margt sem benti til þess að Breiðablik yrði fyrsta íslenska karlaliðið til að ná þessum árangri, eða hvað? Á svona stundum er vert að skoða upphafið. Þann 5. október 2019 var Óskar Hrafn Þorvaldsson ráðinn þjálfari meistaraflokks karla hjá Breiðabliki. Halldór Árnason var ráðinn sem aðstoðarþjálfari en saman höfðu þeir komið Gróttu úr 2. deildinni upp í þá efstu á aðeins tveimur árum. „Ég er þakklátur fyrir að vera treyst til að leiða, jafnöflugt félag og Breiðablik er, næstu árin. Leikmannahópurinn er framúrskarandi, aðstæðurnar fyrsta flokks og ég get ekki beðið eftir að byrja að vinna með öllu því góðu fólki sem kemur að félaginu. Á sama tíma kveð ég Seltjarnarnesið með söknuði, leikmannahóp, stjórn og starfsfólk sem ég hef átt tvö ótrúlega viðburðarík ár með," var haft eftir Óskari Hrafni á blikar.is er hann skrifaði undir í Kópavogi. Óskar Hrafn var ekki lengi að setja handbragð sitt á Blikaliðið þó svo að kórónuveiran hafi sett strik í reikninginn sumarið 2020. Það var svo þann 27. ágúst sem Breiðablik hélt til Þrándheims í Noregi og mætti þar norska stórveldinu Rosenborg. Um var að ræða fyrsta Evrópuleik Óskars Hrafns sem þjálfara. Þrátt fyrir að ofurefli væri við að etja mættu Blikar með kassann úti og héldu sig við sama upplegg og í deildinni hér heima. Eftir aðeins þrjár mínútur komust heimamenn í Rosenborg yfir og eftir 17 mínútur var staðan orðin 2-0. Þegar tæpur hálftími var liðinn var staðan orðin 4-0 og einvíginu lokið. Lokatölur í Þrándheimi 4-2 heimamönnum í vil. Þessi leikur lagði þó grunninn að því sem við höfum séð frá Blikum í Evrópu síðan. Fyrir hvern einasta leik tönnlast Óskar Hrafn á því að Blikar þurfi að spila sinn leik og megi hverfa frá gildum sínum. Sem dæmi má nefna viðtal við Óskar Hrafn fyrir viðureign Breiðabliks og FC Kaupmannahafnar í forkeppni Meistaradeildar Evrópu í sumar. „Við ætlum að gera allt sem við getum til að vera við sjálfir. Við höfum talað um að það er skemmtilegt að fá tækifæri til að máta sig við betri lið og leiðin til að máta sig á raunhæfan hátt er að gera það sem þú ert búinn að vera að gera,“ „Við þurfum að passa að halda í gildin okkar, vera hugrakkir, þora að halda í boltann og stíga á þá. Ég held að þetta snúist um það að við nálgumst okkar besta leik og nálægt þeirri hugmyndafræði sem við höfum unnið eftir.“ Breiðablik hefur ríghaldið í þessi gildi, skiptir ekki hvort um sé að ræða Bestu deildina, Mjólkurbikarinn eða hinar ýmsu Evrópukeppnir. Til þessa hefur liðið vissulega aðeins landað einum titli, Íslandsmeistaratitlinum árið 2022, á meðan Víkingar hafa sópað til sínum hverjum bikarnum á fætur öðrum. Breiðablik hefur hins vegar afrekað eitthvað sem engu karlaliði hefur áður tekist, að komast alla leið í riðlakeppni í Evrópu. Stóra spurningin er hversu lengi félagið mun sitja eitt við það borð en kvennalið félagsins komst í riðlakeppni Meistaradeildar Evrópu kvenna árið 2021. Leikur Maccabi Tel Aviv og Breiðabliks verður sýndur beint á Vodafone Sport. Útsending hefst klukkan 18.50 en leikurinn sjálfur kl. 19.00.
Fótbolti Íslenski boltinn Breiðablik Sambandsdeild Evrópu Mest lesið Mourinho reif í nefið á stjóra mótherjanna eftir leik Fótbolti Arne Slot: Við vorum ekki heppnir, reglan er svona Enski boltinn Tiger hringdi í Trump til að segja honum frá sambandinu Golf Söfnuðu milljörðum og eiga nú meirihluta í leikvangi félagsins Fótbolti Fjórir vinsælustu leikmennirnir eru konur Körfubolti Kári Jóns meiddist illa á hné í kvöld Körfubolti Einn besti dómari landsins fær ekki leik Körfubolti Ómar Ingi markahæstur í sigri í Meistaradeildinni Handbolti Uppgjör: Tindastóll - Keflavík 94-87 | Stólarnir sterkari í lokin Körfubolti Man. City saknaði ekki Haaland í kvöld Enski boltinn Fleiri fréttir Mourinho reif í nefið á stjóra mótherjanna eftir leik Söfnuðu milljörðum og eiga nú meirihluta í leikvangi félagsins Arne Slot: Við vorum ekki heppnir, reglan er svona Barcelona og Real Madrid mætast í bikarúrslitaleiknum Tonali tryggði Newcastle dýrmætan sigur Man. City saknaði ekki Haaland í kvöld Jón Guðni Fjóluson leggur skóna á hilluna Íslensku stelpurnar réðu ekki við Maísu „Mótlætið styrkir mann“ Mo Salah í myndatökum niður við höfnina í Liverpool Eyjamenn sækja Pólverja í rammann Gylfa aftur spáð titlinum en spáin röng síðan 2020 „Auðvitað söknum við hennar“ Vilja VAR á Íslandi og finnst Gylfi langbestur Félögin spá Víkingum titlinum Segir að það hafi ekki verið mistök að selja Elanga Svona var kynningarfundur Bestu deildar karla „Hann virðist bara ekkert vera þannig þjálfari“ Skelltu lærisveinum Alonso og ótrúlegt bikarævintýri heldur áfram Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ „Verður vonandi tilbúinn fyrir síðustu leiki tímabilsins“ Segir Müller eiga skilið góða kveðjustund Orri og félagar duttu út með hádramatískum hætti Saka sneri aftur og skoraði í sigri Skyttnanna Sluppu með sigur og hafa haldið oftast hreinu Þjálfari Sveindísar segir starfi sínu lausu „Búin að taka mig inn í fjölskylduna“ Úthúðar þjálfaranum: Fékk betri æfingar í flóttamannabúðunum Sjá meira